Josué 21:1 - Q'eqchi Bible

¹ Eb' li xjolomil li xjunkab'aleb' laj Leví ke'jilok chi xk'atq laj Elehasar laj tij, rik'in ajwi' laj Josué, ralal laj Nun, ut rik'ineb' li xjolomileb' li xjunkab'aleb' li xteepaleb' laj Israel,

Li Santil hu

¹ Eb li nequeꞌcꞌamoc be saꞌ xya̱nkeb li ralal xcꞌajol laj Leví queꞌco̱eb riqꞌuin laj Eleazar laj tij ut riqꞌuin laj Josué li ralal laj Nun, joꞌ ajcuiꞌ riqꞌuineb li nequeꞌcꞌamoc be saꞌ xya̱nkeb laj Israel.

Josué 21:1 ပူးပေါင်းရင်းမြစ်များ

Josué 14:1

A'an a'in li ch'och' re Kanahán li ke'xk'ul eb' laj Israel cho'q reechanihomeb', jo' chanru kik'ehe'k reheb' xb'aan laj Elehasar, laj tij, ut laj Josué, ralal laj Nun, ut xb'aaneb' ajwi' li xjolomileb' li junkab'al sa' li xteepaleb' laj Israel.

Josué 19:51

A'an a'in li ch'och' li ke'xjek'i laj Elehasar laj tij, laj Josué, ralal laj Nun, ut eb' li neke'taqlank sa' junkab'lal. Ke'xb'uuli chirixeb' li xteepaleb' laj Israel sa' li na'ajej Siló, chiru li Qaawa', sa' rokeb'aal li Loq'laj Muheb'aal. Ut chi jo'kan kiraqe'k xjek'inkil li na'ajej reheb' laj Israel.

Josué 17:4

Eb' a'an ke'xk'ut rib' chiru laj Elehasar laj tij, chiru laj Josué, ralal laj Nun, ut chiruheb' li xjolomileb' li tenamit, ut ke'xye: “Li Qaawa' kixchaq'rab'i laj Moisés naq chixk'ehaq qach'och' sa' xyanqeb' li qas qiitz'in”, chankeb'. Jo'kan naq laj Josué kixk'e xch'och'eb' sa' xyanqeb' li rech'alal li xyuwa'eb', jo' chanru xyehom li Qaawa'.

Éxodo 6:25

Laj Elehasar, ralal laj Aharón, kixk'am cho'q rixaqil jun reheb' li xrab'in laj Putiel, ut rik'in a'an kiyo'laak laj Pinjás. A'aneb' a'in li xyuwa'ileb' li rochocheb' laj Leví, a' yaal chanru li xxe' xtoonaleb'.

Éxodo 6:14

A'aneb' a'in li xyuwa'ileb' li rochocheb' laj Israel: li xb'een ralal laj Israel a'an laj Rubén. Eb' li ralal laj Rubén a'aneb' a'in: laj Enok, laj Palú, laj Jesrón ut laj Karmí. A'aneb' li rochocheb' laj Rubén.

Génesis 49:7

Tz'eqtaananb'ilaq taxaq li xjosq'ileb' xb'aan naq q'axal nim, ut tz'eqtaananb'ilaq taxaq li xwaxileb' xb'aan naq numtajenaq kaw! Tinjacheb' sa' xyanqeb' laj Jakob ut tincha'cha'iheb' sa' xyanqeb' laj Israel.

Números 35:1

Li Qaawa' kiraatina laj Moisés sa' xtaq'ahil Mohab, chire li nima' Jordán, sa' xjayal Jerikó, ut kixye re:

Números 35:8

Eb' li tenamit a'in li te'xk'e eb' laj Israel cho'q reheb' laj Leví, te'xk'e jo' chanru xk'ihal kitz'aqk li junq teep: li yo'oon kitz'aqk, yo'oon tixk'e; li kach'in kitz'aqk, kach'in ajwi' tixk'e”, chan li Yos.