Josué 20:8 - Q'eqchi Bible

⁸ Junpak'al li nima' Jordán, sa' xjayal releb'l saq'e re Jerikó, ke'xsik' ruheb': Béser, sa' xteepal Rubén sa' li chaqich'och', sa' li taq'a ru; Ramot aran Galahad, sa' xteepal Gad, ut Golán aran Basán, sa' xteepal Manasés.

Li Santil hu

⁸ Ut queꞌxsicꞌ ajcuiꞌ ruheb li tenamit aꞌin jun pacꞌal li nimaꞌ Jordán li nacana saꞌ li este re li tenamit Jericó: Beser li cuan saꞌ li ru takꞌa saꞌ li chaki chꞌochꞌ saꞌ lix chꞌochꞌeb li ralal xcꞌajol laj Rubén, joꞌ ajcuiꞌ li tenamit Ramot aran Galaad saꞌ lix chꞌochꞌeb li ralal xcꞌajol laj Gad, ut li tenamit Golán aran Basán saꞌ lix chꞌochꞌeb li ralal xcꞌajol laj Manasés.

Josué 20:8 ပူးပေါင်းရင်းမြစ်များ

1 Crónicas 6:78

Sa' xteepal Rubén, sa' xjayal releb'l saq'e re li nima' Jordán, sa' xka'yab'aal Jerikó, junpak'al li nima', kik'ehe'k li tenamit Béser sa' li chaqich'och', jo'wi' li tenamit Yahás,

Josué 21:36

Ke'xk'ul ajwi', junpak'al li nima' Jordán, sa' xteepal Rubén, cho'q tenamit b'arwi' te'xkol rib' eb' laj kamsinel ras riitz'in, Béser sa' li chaqich'och', chiru taq'a, rochb'een xk'aleb'aaleb', jo'wi' Yahás rochb'een xk'aleb'aaleb',

Josué 21:38

Sa' xteepal Gad, ke'xk'ul Ramot re Galahad cho'q tenamit b'arwi' te'xkol rib' eb' laj kamsinel ras riitz'in, ut Majanáhin,

Josué 21:27

Eb' li ralal xk'ajol laj Kersón, xkomoneb' laj Leví, kik'ehe'k reheb' wiib' tenamit: sa' li xyiijachil xteepal laj Manasés, kik'ehe'k li tenamit Golán re Basán rochb'een xk'aleb'aaleb', b'arwi' te'xkol rib' eb' laj kamsinel ras riitz'in, ut Astarot rochb'een xk'aleb'aaleb'.

1 Crónicas 6:80

Sa' xteepal Gad kik'ehe'k li tenamit Ramot re Galahad, Majanáhin,

1 Reyes 22:6

Toja' naq li awab'ej re Israel kixch'utub'eb' jun o'q'ob'eb' (400) chi propeet ut kixye reheb': “Ma naru tinxik chi yalok rik'ineb' laj Ramot, sa' xteepal Galahad, malaj ut ink'a'?”. Ke'chaq'ok: “Ayu, xb'aan naq li Qaawa' tixq'axtesi li tenamit Ramot sa' laawuq' laa'at”, chankeb'.

Deuteronomio 4:43

A'aneb' a'in li tenamit: cho'q reheb' laj Rubén, kixxaqab' Béser, li wank sa' li chaqich'och' sa' xb'een li tzuul; cho'q reheb' laj Gad kixxaqab' Ramot re Galahad, ut cho'q reheb' laj Manasés: Golán re Basán.

Deuteronomio 3:10

Chixjunileb' li tenamit li wankeb' chiru tzuul, chixjunil Galahad ut chixjunil Basán toj Salká ut Edreí, tenamiteb' li wankeb' chaq rub'el x'awab'ejihom laj Og aran Basán.

Josué 20:7

Toja' naq eb' laj Israel ke'xsik' ruheb': Kadés re Galilea sa' li xtzuulul Neftalí; Sikem sa' li xtzuulul Efraín; Kiryat-Arbá malaj Hebrón, sa' li xtzuulul Judá.

Josué 20:9

A'aneb' a'in li tenamit xaqab'anb'ileb' cho'q reheb' chixjunileb' laj Israel, jo'wi' cho'q reheb' laj ab'l tenamit li wanqeb' sa' xyanqeb'. Aran truuq tixkol rib' yalaq ani xkamsink junaq ras riitz'in chi ink'a' rajom xch'ool. Chi jo'kan ink'a' taakamsiiq xb'aaneb' li rech'alal li kamenaq, toj taaraqe'q aatin chirix xb'aaneb' li komonil.

2 Reyes 8:28

Laj Okosías rochb'een laj Jorán, ralal laj Ajab, koheb' chi yalok rik'in laj Jesahel, awab'ej re Aram, sa' li tenamit Ramot sa' xteepal Galahad. Ab'an eb' laj Aram, ke'xtiq' laj Jorán,