Josué 2:3 - Q'eqchi Bible

³ Toja' naq li awab'ej re Jerikó kixtaqla xyeeb'al re lix Rajab: “Isiheb' chaq li winq li xe'ok aawik'in, sa' laawochoch, xb'aan naq xe'chalk chi xk'eeb'al reetal chixjunil li tenamit”, chan re.

Li Santil hu

³ Ut li rey quixtakla xyebal re lix Rahab: —Isiheb li cui̱nk aꞌan li cuanqueb saꞌ la̱ cuochoch xban nak eb aꞌan xeꞌchal chi qꞌuehoc etal, chan.

Josué 2:3 ပူးပေါင်းရင်းမြစ်များ

2 Samuel 10:3

eb' li xjolomileb' laj Amón ke'xye re laj Janún li x'awab'ejeb': “Ma xk'ojob'ankil tab'i' aach'ool chirix xkamik laayuwa' naq laj David xtaqlaheb' chaq li winq a'in? Re b'an xk'eeb'al reetal li qatenamit ut xsachb'al moqon naq xtaqlaheb' chaq arin”.

Hechos 12:6

Haye'k re xhonalil naq taak'ute'q laj Pedro chiruheb' li tenamit xb'aan laj Herodes, ut sa' ajwi' li q'oqyink a'an yo chi wark sa' xyiheb' wiib'eb' aj puub', b'ak'b'o rik'in wiib' chi kareen. Wankeb' ajwi' aj k'aak'alenel chire li tz'alam,

Hechos 12:4

Kixtaqla xchapb'al, kixk'e sa' tz'alam ut kixq'axtesi sa' ruq'eb' kaahib' ch'uut chi kaaka aj puub' li junjunq, re naq te'xk'aak'ale, xb'aan naq naraj xk'utb'al laj Pedro chiruheb' li tenamit naq akaq xnume'k li Paswa.

San Juan 19:4

Ki'elk wi' chik laj Pilaat chirix kab'l ut kixye reheb': —Ilomaq, tink'am chaq chirix kab'l re teenaw naq maajun xmaak nintaw.

Li xHu LAJ JOB 21:30

“Sa' xkutankil li raaxiik', nakole'k li ink'a' us xna'leb'; naq li Yos najosq'o'k, maak'a' naxk'ul laj maak”?

1 Crónicas 19:3

eb' li xjolomileb' laj Amón ke'xye re laj Janún: “Ma xk'ojob'ankil tab'i' aach'ool chirix xkamik laayuwa' naq laj David xtaqlaheb' chaq li winq a'in? Re b'an xk'eeb'al reetal li qatenamit ut xsachb'al moqon naq xe'chalk arin”.

Josué 10:23

Ut jo'kan ke'xb'aanu: ke'risi chaq li oob' chi awab'ej, a' li awab'ej re Jerusalén, li awab'ej re Hebrón, li awab'ej re Yarmut, li awab'ej re Lakix ut li awab'ej re Eklón.

Levítico 24:14

“Isihomaq sa' leena'aj li xmajewank we. Xk'ehaqeb' li ruq' sa' xb'een xjolom chixjunileb' li xe'ab'ink re ut xkamsiiqeb' chi pek xb'aaneb' li komonil.

Génesis 42:31

Ut laa'o xqaye re: «Laa'o chaab'il winqo, maawa'o aj ch'uuk.

Génesis 38:24

Oxib'aq po tana xnumik a'an naq laj Judá kixk'ul li esil a'in: “Lix Tamar laawalib' xmux rib' ut xkanaak sa' yu'am xb'aan li xmuxum”. Kixye ut laj Judá: “Isihomaq chaq ut chik'atmanq”, chan.

Josué 2:2

Kiwulak resil rik'in li awab'ej re Jerikó: “K'e reetal, wankeb' winq aj Israel xe'ok chaq arin chi q'eq re xk'eeb'al reetal li tenamit”, chu'uxk re.

Josué 2:4

Ab'anan li ixq koxmuqeb' chaq li wiib' chi winq ut kixye: —Yaal ajwi' naq xe'k'ulunk sa' li wochoch, ab'an moko ninnaw ta aj b'areb'.

2 Samuel 17:20

Naq eb' laj Absalón ke'wulak sa' rochoch li ixq, ke'xpatz' re: “B'ar wankeb' laj Ajimás ut laj Jonatán?”. Kichaq'ok li ixq: “Toja' xkoheb' sa' xjayal li nima'”, chan. Toja' naq eb' li xtaql laj Absalón koheb' aran chi xsik'b'aleb', ab'an maak'a' ke'xtaw; jo'kan naq ke'sutq'iik wi' chik Jerusalén.

Jueces 4:20

Ut laj Sísara kixye re lix Jahel: “Wanqat chire li okeb'aal ut, wi ani nak'ulunk ut tixye aawe: «Ma wank anihaq arin?», cha'aq, taaye re naq ink'a'”. Ab'an lix Yahel, rixaqil laj Eber, kixchap jun li che' q'es ru'uj, xkomon li neke'xt'oj sa' ch'och' re xchapb'al li muheb'aal, kixchap ajwi' jun t'ojleb' ut timil timil kijilok chi xk'atq li winq.