Josué 2:19 - Q'eqchi Bible

¹⁹ Wi junaq taa'elq sa' laawochoch, a'an wank xmaak wi taakamq; maak'a' chik qamaak laa'o. Ab'an wi junaq reheb' li wankeb' sa' laawochoch natoch'e'k xb'aan anihaq, chikanaaq sa' qab'een li xkamik.

Li Santil hu

¹⁹ Abanan cui ta̱e̱lk junak saꞌ la̱ cuochoch, aꞌan cuan xma̱c cui nacam. Ma̱cuaꞌ chic kama̱c la̱o. La̱o cuan kama̱c cui junak nacuulac chixcamsinquil junak reheb li cuanqueb saꞌ la̱ cuochoch.

Josué 2:19 ပူးပေါင်းရင်းမြစ်များ

Hechos 27:31

A'ut laj Pablo kixye re laj jolominel ut reheb' laj puub': —Wi ink'a' te'kanaaq eb' a'an sa' li jukub', moko truuq ta texkole'q laa'ex.

Hechos 18:6

A'ut eb' a'an ink'a' ke'raj rab'inkil, ke'ok b'an chi xmajewankil; jo'kan naq laj Pablo kixchiq' ru li raq' ut kixye reheb': —A' yaal eere. Leekik'el chinaq sa' eeb'een. Laa'in maak'a' inmaak, ut chalen anaqwan tinxik junes rik'ineb' li junch'ol chik.

Éxodo 12:23

Li Qaawa' Yos taanume'q ut tixtiq'eb' laj Ejiipt, ab'anan naq taaril li kik' sa' li wiib' roqechal ut sa' li xb'een li okeb'aal, tiik taanume'q li Qaawa' chire li kab'l a'an ut ink'a' tixkanab' laj Sachonel chi ok sa' leerochoch.

Éxodo 12:13

“Li kik' a'anaq eereetalil chiwu laa'in sa' li kab'l texhilanq wi'. Naq laa'in tintiq' li tenamit Ejiipt, maajun sa' eeyanq taakamq, xb'aan naq twil li kik' ut tiik tinnume'q cheru.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

Filipenses 3:9

ut tintawe'q rik'in, maawa' rik'in xtiikilal linch'ool li nachalk rik'in li Chaq'rab', rik'in b'an li nawank sa' xk'ab'a' xpaab'ankil li Kriist, a' li nachalk rik'in li Yos xb'aan li paab'aal.

Hechos 20:26

Jo'kan naq sa' li kutan a'in tinye eere sa' yaal naq maak'a' inmaak, wi wanq ta junaq eere ink'a' taakole'q,

San Mateo 24:17

li wanq chaq sa' xb'een li kab'l mikub'eek chi xxokb'al li k'aru wank sa' li rochoch,

1 Reyes 2:32

Li Qaawa' chixteneb' sa' xb'een laj Johab li xkamikeb' li wiib' chi winq jwal tiikeb' xch'ool ut q'axal chaab'ileb' chiru a'an. Kixkamsiheb' chi ch'iich' chi ink'a' kixnaw laj David linyuwa': a' laj Abner, ralal laj Ner, xjolomileb' laj puub' re Israel, ut laj Amasá, ralal laj Jéter, xjolomileb' laj puub' re Judá.

2 Samuel 4:11

Ma toja' ta chik anaqwan naq maa'us aj winqeb' xe'xkamsi jun li winq tiik xch'ool naq yo chi wark sa' rochoch? Relik chi yaal naq texink'e chi xtojb'al li xkamik ut texinsach sa' ruuchich'och'”.

2 Samuel 1:16

naq laj David yo chi xyeeb'al: “Laa'at wankat wi' laakamik. Laa'at xatb'oqok re li tojb'amaak sa' aab'een naq xaye: «Laa'in xinkamsink re li sik'b'il ru xb'aan li Qaawa'», chankat”.

Josué 2:14

Ke'chaq'ok eb' li winq ut ke'xye: “Wi ink'a' taaye resil li k'aru yooko xb'aanunkil, tqakol rix leeyu'am jo' naq laa'ex xekol rix li qayu'am laa'o. Ut naq li Qaawa' ak xq'axtesi li qana'aj, laa'o tqab'aanu usilal aawe ut toowanq sa' tiikilal aawik'in”, chankeb'.

Levítico 20:11

“Wi junaq winq taawanq rik'in rixaqil li xyuwa', tixmux xwankil li xyuwa'. Jo'kan naq te'kamsiiq li winq ut li ixq, ut a'aneb' ajwi' wankeb' wi' naq te'kamsiiq.

Levítico 20:9

“Yalaq ani tixmajewa li xna' xyuwa', taateneb'aaq kamk sa' xb'een, xb'aan naq xmajewa li xna' xyuwa' ut a'an ajwi' wan wi' naq taakamsiiq.

Josué 2:12

Jo'kan utan, yehomaq we anaqwan sa' jurament sa' xk'ab'a' li Qaawa' naq teeb'aanu usilal re linjunkab'al, jo' naq laa'in xinb'aanu usilal eere. K'ehomaq we junaq eetalil li tinnaw wi'

Josué 2:20

Ut wi laa'at toohaajit, ink'a' chik tqab'aanu li xqaye sa' li jurament li xatitz' qe, chankeb'.

Éxodo 12:22

Teechap jun cheet chi hisoop, teetz'a sa' li kik' wanq sa' emel ut teeyul li wiib' roqechal li okeb'aal jo' ajwi' li xb'een, rik'in li kik' wanq sa' emel; ut maajun eere taa'elq sa' rochoch toj sa' li kutan jun chik.