Josué 2:14 - Q'eqchi Bible

¹⁴ Ke'chaq'ok eb' li winq ut ke'xye: “Wi ink'a' taaye resil li k'aru yooko xb'aanunkil, tqakol rix leeyu'am jo' naq laa'ex xekol rix li qayu'am laa'o. Ut naq li Qaawa' ak xq'axtesi li qana'aj, laa'o tqab'aanu usilal aawe ut toowanq sa' tiikilal aawik'in”, chankeb'.

Li Santil hu

¹⁴ Ut eb aꞌan queꞌxye: —Joꞌ nak xacol rix li kayuꞌam la̱o, joꞌcan ajcuiꞌ nak takacol rix le̱ yuꞌam la̱ex cui ma̱ ani aj e ta̱ye li cꞌaꞌru yo̱co chixba̱nunquil. Ut nak ac xkꞌaxtesi saꞌ kukꞌ li naꞌajej aꞌin li Ka̱cuaꞌ, la̱o takaba̱nu usilal e̱re ut saꞌ xya̱lal tocua̱nk e̱riqꞌuin, chanqueb.

Josué 2:14 ပူးပေါင်းရင်းမြစ်များ

San Mateo 5:7

Us xaq reheb' li neke'uxtaanank u, xb'aan naq li Yos taa'uxtaananq ruheb'.

Proverbios 18:24

Wankeb' amiiw nokoohe'xk'am sa' raaxiik'; ab'an wankeb' li q'axal nokoohe'xra ut jwal paab'ajeleb' chiru junaq asb'ej.

Génesis 24:49

Yehomaq b'i' we anaqwan: ma teeb'aanu usilal re laj eechal we chi tiikaq leech'ool? Wi ut ink'a', yehomaq ajwi' we re naq tinnaw b'ar tinxik: ma sa' linnim malaj ut sa' lintz'e”.

1 Reyes 20:39

Ut naq yo chi nume'k li awab'ej, kixjap re chi xyeeb'al: “Laj k'anjel a'in chawu xkoho chi yalok. Naq xinwulak aran, x'elk chaq jun li winq ut xk'e jun chik winq chiwil; xye we: «Il chi us li winq a'in. Wi taa'eleliq chawu, taatoj rik'in laayu'am malaj taatoj rik'in tumin plaat».

2 Samuel 9:1

Sa' jun kutan laj David kixpatz': “Ma toj yo'yo junaq ralal xk'ajol laj Saúl? Twaj rusilankil ru sa' xk'ab'a' laj Jonatán”, chan.

1 Samuel 20:8

B'aanu usilal we, xb'aan naq laa'in aj k'anjel chawu ut xqak'uub' jun sumwank chiqib'il qib' chiru li Qaawa'. Wi ut laa'in wank linmaak, chinaakamsi laa'at anaqwan. K'a' aj e naq toj tinaak'am rik'in laayuwa'?”.

Josué 6:25

Ab'an lix Rajab laj yumb'eet jo' ajwi' li xjunkab'al li xyuwa' ut chixjunileb' li xkomon ke'kole'k xb'aan laj Josué. Lix Rajab kikanaak sa' xyanqeb' laj Israel chalen anaqwan, xb'aan naq kixmuqeb' laj k'ehol eetal taqlanb'ileb' xb'aan laj Josué re xk'eeb'al reetal Jerikó.

Josué 6:17

Li tenamit a'in ut chixjunil li k'a'aq re ru wank chisa', sachb'ilaq ru chi junajwa sa' xk'ab'a' li Qaawa'. Ka'ajwi' lix Rajab laj yumb'eet taakanaaq chi yo'yo rochb'eeneb' li wankeb' sa' rochoch, xb'aan naq kixmuqeb' li winq kiqataqlaheb' chaq chi k'ehok eetal.

Josué 2:13

naq relik chi yaal teekanab' chi yo'yo linna' linyuwa', eb' li was wiitz'in jo'wi' chixjunil li xkomoneb', ut tooheekol chiru li raaxiik' chalk re sa' qab'een, chan lix Rajab.

Josué 2:15

Toja' naq li ixq kixkub'siheb' sa' li b'entaan rik'in jun nimla k'aam, xb'aan naq letzlo li rochoch lix Rajab chiru li tz'ak sutsu wi' li tenamit.

Génesis 47:29

Naq yo chi wulak xq'ehil li xkamik, laj Israel kixb'oq laj José li ralal ut kixye re: “Wi usilal xintaw chawu, k'e laawuq' rub'el li wa' ut ye sa' jurament naq taab'aanu li ok we chi xtz'aamankil. B'aanu usilal, minaamuq arin Ejiipt!

Josué 6:22

Laj Josué ak xyehom reheb' li wiib' chi winq li ke'k'ehok reetal li tenamit Jerikó: “Okanqex sa' rochoch laj yumb'eet ut isihomaq chaq li ixq a'an rochb'een chixjunileb' li xkomon, jo' eeyehom re sa' jurament”, chan.

2 Samuel 2:5

kixtaqlaheb' aj esil re xyeeb'al reheb': “A' taxaq li Qaawa' chi'osob'tesinq eere xb'aan naq xe'ruxtaana ru laj Saúl, laj eechal eere, rik'in xmuqb'al.

2 Samuel 2:6

Anaqwan li Qaawa' chi'uxtaananq eeru laa'ex ut chi'usilanq eere. Laa'in ajwi' tinb'aanu usilal eere xb'aan chixjunil li xeb'aanu.

Proverbios 14:22

Li junes maa'usilal neke'xk'uub', xjuneseb' rib' te'sachq; eb' li neke'b'aanunk li usilal, raab'ileb' ut oxloq'inb'ileb'.

Hechos 23:22

Toja' naq li xjolomileb' laj puub' kixchaq'rab'i li saaj al: “Maa'ani aj e chaye naq xolaye we chixjunil a'in”, chan re.