Josué 2:12 - Q'eqchi Bible

¹² Jo'kan utan, yehomaq we anaqwan sa' jurament sa' xk'ab'a' li Qaawa' naq teeb'aanu usilal re linjunkab'al, jo' naq laa'in xinb'aanu usilal eere. K'ehomaq we junaq eetalil li tinnaw wi'

Li Santil hu

¹² Joꞌcan nak la̱in nintzꞌa̱ma che̱ru nak te̱ba̱nu li juramento saꞌ xcꞌabaꞌ li Ka̱cuaꞌ le̱ Dios nak te̱ba̱nu usilal reheb li cuechꞌalal joꞌ nak xinba̱nu usilal e̱re la̱in. Te̱qꞌue junak retalil cue re nak tinnau nak ya̱l nak te̱ba̱nu li cꞌaꞌru yo̱quin chixtzꞌa̱manquil che̱ru.

Josué 2:12 ပူးပေါင်းရင်းမြစ်များ

Josué 2:18

Ab'anan naq too'ok sa' li tenamit, tento taab'ak' li kaqinoq' a'in sa' li b'entaan xoohaakub'si wi'. Taach'utub'eb' aawik'in sa' laawochoch laana' laayuwa', eb' laawas aawiitz'in ut chixjunileb' li wankeb' sa' rochoch laayuwa'.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

1 Timoteo 5:8

Li ink'a' naxk'oxlaheb' li xkomon, ut xb'een xb'een eb' li wankeb' sa' li xjunkab'al, a'an xtz'eqtaana li xpaab'aal ut yib'ru li xna'leb' chiru li ink'a' napaab'ank.

Romanos 1:31

maak'a'eb' xna'leb', eet aj winqeb', maak'a' xchaab'ilaleb', maak'a' uxtaanank rik'ineb'.

San Marcos 14:44

Li taaq'axtesinq re kixk'e li eetalil a'in reheb': “A' li tintz'ub' ru, a'an a'an. Chapomaq ut teek'am sa' yaal”.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Ester 8:6

Xb'aan naq chanru tinkuy rilb'al li rahilal taachalq sa' xb'een lintenamit? Chanru tinkuy naq te'sache'q li wech tenamitul?”, chan.

2 Crónicas 36:13

Laj Sedesías ajwi' kixq'etq'eti rib' chiru laj Nabukodonosor, awab'ej re Babilonia, ut ink'a' chik ki'okenk chirix, us ta ak xyehom li raatin sa' jurament; kixkawub'resi b'an li xch'ool, kixjipu rib' ut ink'a' kisutq'iik rik'in li Qaawa', xYos laj Israel.

1 Samuel 30:15

Laj David kixye re: “Ma truuq tinaak'am rik'ineb' laj elq' a'an?”. Kixsume: “Ye laawaatin sa' xk'ab'a' li Qaawa' naq ink'a' tinaakamsi chi moko tinaaq'axtesi sa' ruq' laj eechal we, ut laa'in tatink'am wankeb' wi' li poyanam a'an”, chan.

Josué 9:15

Ut laj Josué kixk'uub' jun sumwank rik'ineb', ut kixye li raatin naq ink'a' tixkamsiheb'. Jo'kan ajwi' ke'xye sa' jurament li ninqeb' xwankil sa' li komonil.

Josué 2:13

naq relik chi yaal teekanab' chi yo'yo linna' linyuwa', eb' li was wiitz'in jo'wi' chixjunil li xkomoneb', ut tooheekol chiru li raaxiik' chalk re sa' qab'een, chan lix Rajab.

Éxodo 12:13

“Li kik' a'anaq eereetalil chiwu laa'in sa' li kab'l texhilanq wi'. Naq laa'in tintiq' li tenamit Ejiipt, maajun sa' eeyanq taakamq, xb'aan naq twil li kik' ut tiik tinnume'q cheru.

Génesis 24:9

Toja' naq laj k'anjel chiru laj Abrahán kixk'e li ruq' rub'el li ra' laj eechal re ut kixb'aanu li jurament jo' chanru kiyehe'k re.

Génesis 24:3

Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

Génesis 21:23

Jo'kan b'i', arin ajwi' ye laawaatin sa' xk'ab'a' li Yos naq ink'a' tinaab'alaq'i, chi moko taab'alaq'iheb' li walal ink'ajol, chi moko eb' li wi inmam: jo' naq xinb'aanu usilal aawe, jo'kan ajwi' taab'aanu we ut re li tenamit li xatqak'ul wi' jo' tz'aqal qula'”.

Génesis 40:14

Usan wi tinjultiko'q aawe naq us chik wanqat. Chab'aanu usilal: chat-aatinaq chiwix rik'in laj Parahón re naq tinrisi sa' li na'ajej a'in.

Josué 2:19

Wi junaq taa'elq sa' laawochoch, a'an wank xmaak wi taakamq; maak'a' chik qamaak laa'o. Ab'an wi junaq reheb' li wankeb' sa' laawochoch natoch'e'k xb'aan anihaq, chikanaaq sa' qab'een li xkamik.

Josué 6:22

Laj Josué ak xyehom reheb' li wiib' chi winq li ke'k'ehok reetal li tenamit Jerikó: “Okanqex sa' rochoch laj yumb'eet ut isihomaq chaq li ixq a'an rochb'een chixjunileb' li xkomon, jo' eeyehom re sa' jurament”, chan.

Jueces 1:24

Eb' laj k'ehol eetal ke'ril jun li winq naq yo chi elk sa' li tenamit, ut ke'xye re: “Wi taak'ut chiqu chanru naq too'ok sa' li tenamit, laa'o taaqab'anyoxi chawu”, chankeb'.