Josué 18:1 - Q'eqchi Bible

¹ Chixjunil li komonil reheb' li ralal xk'ajol laj Israel ke'ch'utlaak Siló ut aran ke'xxaqab' li Loq' laj Muheb'aal. Ak wank chixjunil li na'ajej rub'el xwankileb'.

Li Santil hu

¹ Chixjunileb laj Israel queꞌxchꞌutub ribeb aran Silo ut queꞌxyi̱b li tabernáculo re teꞌxchꞌutub ribeb chixlokꞌoninquil li Dios. Aꞌin quicꞌulman nak ac xeꞌre̱chani li naꞌajej aꞌan.

Josué 18:1 ပူးပေါင်းရင်းမြစ်များ

Josué 19:51

A'an a'in li ch'och' li ke'xjek'i laj Elehasar laj tij, laj Josué, ralal laj Nun, ut eb' li neke'taqlank sa' junkab'lal. Ke'xb'uuli chirixeb' li xteepaleb' laj Israel sa' li na'ajej Siló, chiru li Qaawa', sa' rokeb'aal li Loq'laj Muheb'aal. Ut chi jo'kan kiraqe'k xjek'inkil li na'ajej reheb' laj Israel.

1 Samuel 1:3

Li winq a'an rajlal chihab' nataqe'k chaq sa' li tenamit chi loq'onink ut yeechi'ink mayej chiru li Nimajwal Yos aran Siló, b'arwi' wankeb' li wiib' chi ralal laj Elí, aj Jofní ut aj Pinjás xk'ab'a'eb', aj tijeb' chiru li Qaawa'.

Josué 21:2

naq wankeb' aran Siló, sa' xch'och'eb' laj Kanahán, ut ke'xye reheb': “Li Qaawa' kixye re laj Moisés naq chik'ehe'q qatenamit b'arwi' toohilanq jo'wi' qak'aleb'aal cho'q reheb' li qaketomq”, chankeb'.

Jeremías 26:6

laa'in tinkanab' li ochoch a'in jo' kinkanab' Siló, ut tink'e Jerusalén chi tz'eqtaanaak xb'aaneb' chixjunil li tenamit sa' ruuchich'och'»”.

Josué 22:9

Toja' naq eb' laj Rubén, eb' laj Gad ut li xyiijachil xteepal laj Manasés ke'xjach rib' rik'ineb' laj Israel aran Siló, sa' xteepal Kanahán, ut ke'sutq'iik sa' li na'ajej Galahad, a' li reechanihomeb' chaq jo' chanru li xyehom li Qaawa' re laj Moisés.

Salmos 78:66

Li Yos kixtiq'eb' li xik' neke'ilok reheb', ut xutaanal ke'kanaak chi junajwa.

1 Reyes 14:2

Ut laj Jerobohán kixye re li rixaqil: “Tiqib' aawib' chi jalan, re naq ink'a' te'xk'e reetal naq laa'at rixaqil laj Jerobohán. Ayu aran Siló, xb'aan naq aran wank laj Ajías li propeet, li kiyehok we naq tin'ok cho'q awab'ej re li tenamit a'in.

1 Reyes 2:27

Chi jo'kan laj Salomón kirisi laj Abiatar cho'q aj tij chiru li Qaawa', ut rik'in a'an kitz'aqlok ru li xyehom li Qaawa' chirix li xjunkab'lal laj Elí, aran Siló.

1 Samuel 1:24

Ut naq kixmaq' chi tu', kixk'am chirix. Kixk'am ajwi' oxib' saaj wakax, jun chakach chi k'aj ut jun kuk chi b'iin, ut kiroksi li xk'uula'al, chi toj kach'in, sa' rochoch li Qaawa' aran Siló.

Jueces 18:31

Ut li pak'b'il yos yiib'anb'il xb'aan laj Mikaías kiwank sa' xyanqeb' laj Dan, jo' najtil kiwank li rochoch li Yos aran Siló.

1 Reyes 14:4

Jo'kan kixb'aanu li rixaqil laj Jerobohán: kixaqliik, koho aran Siló ut kox'okaq sa' rochoch laj Ajías. Laj Ajías ink'a' chik na'ilok xb'aan naq tiix aj chik.

Jueces 21:19

Chirix chik a'an ke'jultiko'k reheb' naq nach' chik wank li xninq'e li Qaawa' li nab'aanumank rajlal chihab' Siló, li wank sa' xjayal releb'l iq' re Betel, sa' xjayal releb'l saq'e re li nimb'e na'elk Betel ut naxik Sikem ut sa' xjayal rokeb'l iq' re Leboná.

Hechos 7:45

Ut naq ke'xk'ul li muheb'aal a'an, eb' li qana' qayuwa', rochb'een laj Josué, ke'roksi sa' li ch'och' eechaninb'il xb'aaneb' laj ab'l tenamit, a'eb' li ke'isiik xb'aan li Yos chiruheb' li qana' qayuwa'. A'an ki'uxk chalen toj sa'eb' li xkutan laj David.

Josué 18:2

Ab'anan toj wankeb' wuqub' chik chi teep sa' xyanqeb' laj Israel li maji' xk'ulumeb' li xch'och'eb'.

Josué 18:8

Eb' li winq li ke'sik'e'k ru chi xtz'iib'ankil reetalil li na'ajej ke'xchap xb'eheb', ut laj Josué kixye reheb': “Ayuqex, b'eenihomaq chixjunil li na'ajej ut tz'iib'ahomaq reetalil. Chirix a'an texsutq'iiq chaq wik'in ut laa'in tinb'uuli rix li ch'och' cho'q eere arin Siló, chiru li Qaawa'”, chan.

Josué 22:12

Ut naq ke'xnaw a'an, ke'xch'utub' rib' chixjunileb' laj Israel aran Siló re yalok rik'ineb'.

2 Samuel 7:6

Chalen sa' li kutan naq xe'wisi chaq Ejiipt eb' laj Israel toj anaqwan ink'a' xinwank sa' junaq kab'l, ninwank b'an jo' aj numel yal sa' jun muheb'aal.

Nehemías 9:24

Naq koxe'okaq ut ke'reechani li xna'ajeb' laj Kanahán, laa'at kaputz'iheb' li wankeb' sa' li tenamit a'an, kaq'axtesiheb' li x'awab'ejeb' ut eb' li poyanam sa' ruq'eb' laj Israel, re naq te'xb'aanu reheb' li te'raj.

Salmos 78:60

kixkanab' li xmuheb'aal wank aran Siló, a' li rochoch kixk'ojob' sa' xyanqeb' li winq.

Jeremías 26:9

K'a'ut naq xaye sa' xk'ab'a' li Qaawa' naq li ochoch a'in taakanaaq jo' Siló, ut Jerusalén taajuk'manq chi maajun chik poyanam taakanaaq chisa'?”. Ut chixjunileb' li poyanam ke'xtuub' rib' sa' rochoch li Yos chi xsutb'al laj Jeremías.

Jeremías 41:5

ke'wulak kaak'aal chi winq aj Sikem, aj Siló ut aj Samaria. Job'il chaq li xmacheb', q'ichilkeb' li raq' ut k'ajo' xtiq'ilaleb'. Ke'xk'am chaq li ru eb' li awimq ut li k'ajpom re xyeechi'inkil sa' rochoch li Yos.

Números 32:22

ut taareechani li na'ajej, toja' naq truuq texsutq'iiq chaq wi' chik, xb'aan naq ak xeb'aanu li k'aru xeyeechi'i xb'aanunkil re li Qaawa' ut reheb' laj Israel. Li ch'och' a'in eerehaq chik chiru li Qaawa'.

Josué 22:19

“Wi nekek'oxla naq muxb'il leena'aj, numenqex wan wi' li reechanihom li Qaawa', b'arwi' xk'ojob' li xmuheb'aal, ut wanqex sa' qayanq. Ab'an meeq'et xchaq'rab' li Qaawa', chi moko cheq'etq'eti eerib' chiqu laa'o rik'in xyiib'ankil jalan chik artal chiru li x'artal li Qaawa' li qaYos.

Jueces 21:12

Sa' xyanqeb' laj Yabés re Galahad ke'xtaw jun o'q'ob' (400) chi tuq'ixq li ink'a' wanjenaqeb' rik'in winq, ut ke'xk'ameb' sa'eb' li muheb'aal re Siló, sa' xteepal Kanahán.