Josué 17:18 - Q'eqchi Bible

¹⁸ eerehaq aj b'an wi' li tzuul li k'iche' ru. T'anomaqeb' li che', ut chi jo'kan teereechani chixjunil li na'ajej a'an. Teerisiheb' laj Kanahán, us ta wankeb' xb'eleb'aal ch'iich' yiib'anb'ileb' rik'in ch'iich' ut q'axal kaweb' rib'”, chan laj Josué.

Li Santil hu

¹⁸ La̱ex te̱re̱chani chixjunil li naꞌajej li tzu̱l ru ut te̱cꞌale. Ta̱cꞌanjelak che̱ru li qꞌuicheꞌ. Te̱risiheb laj cananeo saꞌ li naꞌajej aꞌan. Usta cuanqueb xcarruaje re pletic ut usta kꞌaxal cauheb rib, la̱ex tex-e̱chani̱nk re, chan.

Josué 17:18 ပူးပေါင်းရင်းမြစ်များ

Hebreos 13:6

Jo'kan naq naru tqaye chi anchal qach'ool: “Li Qaawa' a'an aj tenq'ahom we; ink'a' tinxiwaq. K'aru truuq xb'aanunkil we junaq yal winq?”.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Romanos 8:37

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

Josué 15:9

Li nub'ajl naxb'ach' chaq rib' sa' xtaqeq'il li tzuul toj sa' li roq nima' Neftohaj ut naxik toj sa'eb' li tenamit re Efrón, re xjalb'al wi' chik xb'e sa' xjayal Bahalá, malaj Kiryat-Yeharín.

Josué 20:7

Toja' naq eb' laj Israel ke'xsik' ruheb': Kadés re Galilea sa' li xtzuulul Neftalí; Sikem sa' li xtzuulul Efraín; Kiryat-Arbá malaj Hebrón, sa' li xtzuulul Judá.

Josué 13:6

Laa'in twisi sa' li xna'ajeb' ut twaanilasi chiruheb' laj Israel eb' laj Sidón jo'wi' li jo'k'ihaleb' wankeb' sa' xyanqeb' li tzuul, chalen chaq Líbano toj Misrepot sa' xjayal rokeb'l saq'e. Laa'at taajek'i li ch'och' a'an reheb' laj Israel cho'q reechanihomeb', jo' inyehom aawe.

Josué 17:17

Toja' naq laj Josué kixye reheb' li ralal xk'ajol laj José, laj Efraín ut laj Manasés: “Laa'ex jun nimla tenamit ut jwal kaw eerib'. Jo'kan naq moko jun jachal ta teereechani,

1 Samuel 1:1

Kiwank jun li winq aj Suf, yo'lajenaq Ramatáhin sa' xtzuulul Efraín, aj Elkaná xk'ab'a', ralal laj Yeroján, ralal laj Toju, ralal laj Suf, aj Efraín.

2 Samuel 18:6

ut koheb' chi yalok rik'ineb' laj Israel. Kiwank yalok sa' li k'iche' re laj Efraín,

Génesis 49:24

ab'an nakanaak chi q'axal kaw li xna' xsimaj laj José ut numtajenaq nim li xkawilal li ruq' sa' xk'ab'a' li xNimajwal Yos laj Jakob, sa' xk'ab'a' laj K'aak'alenel ut li xSaqoonak laj Israel;

Deuteronomio 33:17

Chaq'al ru jo' li xb'een ral li teelom wakax, kaw rib' jo' li k'iche'il b'ooyx: tixxe'q'eb' li tenamit toj sa' xmaril li ruuchich'och'! Jo'kaneb' li k'iila o'q'ob' chi aj Efraín, jo'kaneb' li xk'ihaleb' laj Manasés”, chan laj Moisés.