Josué 17:11 - Q'eqchi Bible

¹¹ Laj Manasés kixk'ul ajwi' eb' li tenamit a'in sa' xch'och'eb' laj Isakar ut laj Aser: Betsán rochb'eeneb' li xk'aleb'aal; Iblehán rochb'eeneb' li xk'aleb'aal; Dor rochb'eeneb' li xk'aleb'aal; Tanak ut Mejido rochb'eeneb' li xk'aleb'aal, ut jun rox raqal re Néfet.

Li Santil hu

¹¹ Cuan li naꞌajej quitzꞌak laj Manasés xcomon lix naꞌajeb laj Isacar. Aꞌaneb aꞌin lix cꞌabaꞌeb: Aser ut Bet-seán rochben li cocꞌ cꞌaleba̱l; Ibleam rochben li cocꞌ cꞌaleba̱l joꞌ ajcuiꞌ li tenamit Dor ut li tenamit Endor rochbeneb li cocꞌ cꞌaleba̱l; li tenamit Taanac ut eb li cocꞌ cꞌaleba̱l joꞌ ajcuiꞌ li tenamit Meguido rochbeneb li oxib chi tenamit li cuanqueb saꞌ xbe̱n bol.

Josué 17:11 ပူးပေါင်းရင်းမြစ်များ

1 Crónicas 7:29

Eb' li ralal xk'ajol laj Manasés ke'taqlank sa' xb'eeneb' li tenamit Betsán, Tanak, Mejido ut Dor, rochb'eeneb' li xk'aleb'aalil. Sa'eb' li na'ajej a'in ke'wank li ralal xk'ajol laj José, ralal laj Israel.

2 Reyes 9:27

Naq laj Okosías, awab'ej re Judá, kiril li kik'ulmank, ki'elelik sa' xb'ehil Bet-Hagán. Ab'an laj Jehú kixchap raanil chirix ut kixye: “Kamsihomaq ajwi' a'an! Kutomaq chi simaj!”, chan. Ke'xkut ut ke'xtiq' sa' li xb'eleb'aal ch'iich' sa' li taqsink re Jur, nach' rik'in Iblehán. Ab'anan laj Okosías ki'elelik toj Mejido ut aran kikamk.

Jueces 5:19

“Toja' naq eb' li awab'ej ke'wulak Tanak, chire li ha' re Mejido; eb' li awab'ej re Kanahán ke'wulak chi yalok, ab'an ink'a' ke'eechanink plaat chi moko b'ihomal.

Jueces 1:27

Eb' laj Manasés ink'a' ke'ruuk reechaninkil Betsán ut eb' li xk'aleb'aal, Tanak ut eb' li xk'aleb'aal. Ink'a' ke'raanilasiheb' eb' laj Dor, eb' laj Iblehán, eb' laj Mejido jo' ajwi' li wankeb' sa' xk'aleb'aaleb'. Jo'kan naq eb' laj Kanahán toj ke'kanaak aran.

Josué 12:23

li awab'ej re Dor, sa' li na'ajej Dor, li awab'ej re Gohin, aran Galilea,

Salmos 83:10

Chab'aanu taxaq reheb' jo' xab'aanu reheb' laj Madián, jo' xab'aanu re laj Sísara ut laj Jabín chire li nima' Kisón.

1 Reyes 9:15

A'an a'in xyaalal naq laj Salomón li awab'ej kixmin ruheb' li poyanam chi k'anjelak re xkab'lankil li rochoch li Qaawa', li rochoch li awab'ej, li xtz'akankil li na'ajej Miló xk'ab'a', li xsuttz'ak Jerusalén, Jasor, Mejido ut Késer.

1 Samuel 31:10

Ke'xk'e eb' li xk'anjelob'aal laj Saúl sa' rochoch lix Astarté ut ke'xt'uyub' li kamenaq sa' li xsuttz'akil Betsán.

1 Samuel 28:7

Toja' naq laj Saúl kixye reheb' laj k'anjel chiru: “Sik'omaq we junaq ixq aj aatinanel rik'in kamenaq re naq tinxik chi patz'ok rik'in”. Kisumeek: “Arin Endor wank jun li ixq aj aatinanel rik'in kamenaq”.

Josué 11:2

ut reheb' li awab'ej li wankeb' sa' xjayal releb'l iq', sa' xyanqeb' li tzuul, sa' li ru taq'a li wank sa' xjayal rokeb'l iq' re Kinéret, sa' Taq'a ru ut sa' xyanqeb' li tzuul li wankeb' sa' rokeb'l saq'e re Dor.

Zacarías 12:11

“Sa' li kutan a'an q'axal nimaq li rahil ch'oolej sa' li tenamit Jerusalén, kama' li kiwank aran Hadad-Rimón, sa' xtaq'ahil Mejido.

2 Crónicas 35:22

Ab'an laj Josías ink'a' kixjal xk'a'uxl, xb'aan naq kaw xch'ool chi yalok rik'in laj Nekó, ut ink'a' kirab'i li raatin laj Nekó, li kichalk rik'in li Yos. Jo'kan naq ke'ok chi yalok sa' xtaq'ahil Mejido.

1 Crónicas 6:70

Cho'q reheb' li rela' li xkomonileb' laj Kehat kik'eemank li tenamit Aner ut Bileham, sa' xsutam li xyiijachil xteepaleb' laj Manasés, rochb'eeneb' xk'aleb'aaleb'.

1 Samuel 31:12

ke'xaqliik chixjunileb' li yo'ooneb' chi yalok, ke'b'eek chiru chixjunil li q'oqyink ut ke'risi chaq li xch'och'el xsululel laj Saúl ut li xtz'ejwaleb' li ralal chiru li xsuttz'akil Betsán. Chirix chik a'an ke'sutq'iik Yabés ut aran ke'xk'at.

Josué 16:9

Wankeb' ajwi' tenamit ut k'aleb'aal, sa' xch'och'eb' laj Efraín, li ke'k'ehe'k reheb' li ralal xk'ajol laj Efraín.

Josué 12:21

li awab'ej re Tanak, li awab'ej re Mejido,

Josué 17:10

Li na'ajej li wank sa' rokeb'l iq' a'an chaq re laj Efraín, ut li wank sa' releb'l iq' a'an chaq re laj Manasés, ut li xnub'ajl a'an chaq li palaw; naxk'ul rib' li xna'ajeb' rik'in li xna'aj laj Aser sa' releb'l iq' ut li xna'aj laj Isakar sa' releb'l saq'e.

Josué 17:16

Ke'chaq'ok eb' li ralal laj José ut ke'xye: “Yaal ajwi'. Moko tz'aqal ta li k'iche' cho'q qe. Ab'an sa' li ru taq'a chixjunileb' laj Kanahán wankeb' xb'eleb'aal ch'iich' re yalok, yiib'anb'ileb' rik'in ch'iich': eb' laj Kanahán li wankeb' Betsán ut sa' li xsutam, jo' ajwi' eb' li wankeb' sa' xtaq'ahil Jisrehel”, chankeb'.

2 Samuel 21:12

koho chi xxokb'al li xb'aqeleb' laj Saúl ut laj Jonatán li ralal, li wankeb' chaq rik'ineb' laj Yabés re Galahad. Eb' a'in relq'ahomeb' chaq sa' xtaq'ahil Betsán, b'arwi' ke't'uyub'aak xb'aaneb' laj Filistea sa' li kutan naq laj Saúl kiq'axe'k ru aran Jelbohé.

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.