Josué 17:1 - Q'eqchi Bible

¹ Li xteepal laj Manasés kitz'aqk na'ajej sa' xk'ab'a' naq a'an xb'een ralal laj José. Laj Makir aj puub', xb'een ralal laj Manasés ut xyuwa' laj Galahad, kireechani Galahad ut Basán.

Li Santil hu

¹ Ut queꞌbu̱lic chirix li naꞌajej li tixcꞌul laj Manasés li xbe̱n ralal laj José. Laj Maquir, aꞌan li xbe̱n ralal laj Manasés. Laj Maquir, aꞌan lix yucuaꞌ laj Galaad. Eb li ralal xcꞌajol laj Maquir cauheb rib chi pletic. Joꞌcan nak queꞌre̱chani li naꞌajej Galaad ut Basán.

Josué 17:1 ပူးပေါင်းရင်းမြစ်များ

Números 26:29

Li xch'uutal laj Manasés a'aneb' laj Makir. Li xch'uutal laj Makir a'aneb' laj Galahad.

Génesis 41:51

Laj José aj Manasés kixk'e cho'q xk'ab'a' li xb'een ralal, xb'aan naq kixye sa' xch'ool: “Li Yos xsachok sa' inch'ool chixjunil linrahilal jo' ajwi' chixjunileb' li wankeb' sa' rochoch linyuwa'”.

Génesis 50:23

Laj José toj kirileb' li xxikin'i laj Efraín. Jo'kan ajwi' eb' li ralal laj Makir, ralal laj Manasés, toj ke'yo'laak chiru ra' laj José.

Génesis 46:20

Laj José kiwank wiib' li ralal aran Ejiipt rik'in lix Asnat, xrab'in laj Poti Fera, aj tij aran On: laj Manasés ut laj Efraín xk'ab'a'eb'.

Génesis 48:18

Ut kixye re li xyuwa': “Moko jo'kan ta, at inyuwa', xb'aan naq a'an a'in li xb'een alalb'ej. K'e laanim uq' sa' xb'een li xjolom”.

1 Crónicas 2:23

Ab'anan eb' laj Jesur ut eb' laj Aram ke'reechaniheb' li tenamit Yaír, jo'wi' Kenat rochb'eeneb' li xk'aleb'aaleb', oxk'aal chi tenamit chixjunil. Chixjunileb' a'in, a'aneb' chaq li ralal xk'ajol laj Makir, xyuwa' laj Galahad.

Jueces 5:14

Eb' li xninqal ru winq ke'kub'e chaq sa' li taq'a, ut chirixeb' a'an koheb' laj puub' re laj Benjamín. Ke'kub'eek ajwi' li neke'taqlank sa' xyanqeb' laj Makir, jo'eb' ajwi' li wankeb' xwankil sa' xyanqeb' laj Sabulón.

Deuteronomio 21:17

Tento b'an tixk'e sa' xnaq' ru naq li xyum li ixq li ink'a' naxra, a'an li xb'een alalb'ej. Tento tixk'e re li xka' k'ihal chixjunil li k'aru wank re, xb'aan naq li alalb'ej a'in, xb'een ru li xwinqilal, wank xk'ulub' cho'q xb'een alalb'ejil.

Números 32:33

Ut laj Moisés kixk'e li x'awab'ejihom laj Sijón, awab'ej re Amor, ut li x'awab'ejihom laj Og, awab'ej re Basán, reheb' li ralal xk'ajoleb' laj Gad, eb' li ralal xk'ajoleb' laj Rubén ut xyiijacheb' laj Manasés, li ralal laj José. Kixk'e ajwi' eb' li tenamit li wankeb' chi xnub'ajlil ut eb' li k'aleb'aal wankeb' chi xjunsutam.

Números 27:1

Toja' naq ke'nach'ok chaq eb' li xrab'in laj Selofjad, ralal laj Jéfer, a'in ralal laj Galahad, li ralal laj Makir, xteepalil laj Manasés, li ralal laj José. Eb' li ixqa'al a'in, a'aneb' li xk'ab'a': lix Majlá, xNohá, xJoklá, xMilká ut xTirsá.

Génesis 48:17

Ab'an naq laj José kiril li xnim uq' li xyuwa' wank sa' xb'een xjolom laj Efraín, ink'a' kiwulak chiru ut kixchap li ruq' li xyuwa' re risinkil sa' xb'een xjolom laj Efraín, re chik xk'eeb'al sa' xb'een xjolom laj Manasés.

Josué 17:2

Jo'kan ajwi' ke'tz'aqk na'ajej eb' li xkomon li ralal xk'ajol laj Manasés, chi ch'uut: eb' li ralal xk'ajol laj Abiéser, eb' li ralal xk'ajol laj Jélek, eb' li ralal xk'ajol laj Asriel, eb' li ralal xk'ajol laj Sikem, eb' li ralal xk'ajol laj Jéfer ut eb' li ralal xk'ajol laj Semidá. A'aneb' a'in li ralal xk'ajol laj Manasés, a' li xb'een ralal laj José.

Josué 22:7

Laj Moisés ak xk'ehom xna'aj li xyiijachil xteepal laj Manasés aran Basán. Ut li yiijach jun chik ak k'eeb'il xna'ajeb' xb'aan laj Josué sa' xyanqeb' li ras riitz'in, sa' xjayal rokeb'l saq'e re li nima' Jordán. Eb' a'an ajwi' ke'osob'tesiik xb'aan laj Josué naq ke'taqlaak sa' li xmuheb'aaleb'.

Génesis 41:52

Li xkab' ralal, aj Efraín kik'ehe'k cho'q xk'ab'a', xb'aan naq laj José kixye sa' xch'ool: “Li Yos xinxk'e chi k'ihank sa' li tenamit xink'ul wi' li rahilal”.

2 Samuel 2:9

Aran kixxaqab' cho'q awab'ej re Galahad, reheb' laj Aser, laj Jisrehel, laj Efraín, laj Benjamín ut re chixjunil Israel.

Ezequiel 47:13

“Laa'in, li Qaawa', ninye chi jo'ka'in: A'an a'in li xnub'ajlil li ch'och' te'reechani eb' li kab'laju teep chi ralal xk'ajol laj Israel. Eb' li ralal xk'ajol laj José te'xk'ul wiib' raqal li ch'och'.