Josué 16:10 - Q'eqchi Bible

¹⁰ Ab'an eb' laj Efraín ink'a' ke'risiheb' laj Kanahán li wankeb' Késer, ke'xkanab'eb' b'an aran. Chi jo'kan toj wankeb' sa' xyanqeb' laj Efraín toj anaqwan, ab'anan k'eeb'ileb' sa' kawil k'anjel.

Li Santil hu

¹⁰ Eb li ralal xcꞌajol laj Efraín incꞌaꞌ queꞌrisiheb laj cananeo li cuanqueb saꞌ li tenamit Gezer. Toj cuanqueb ajcuiꞌ saꞌ li tenamit aꞌan rochbeneb li ralal xcꞌajol laj Efraín. Abanan tento nak teꞌtojok.

Josué 16:10 ပူးပေါင်းရင်းမြစ်များ

Jueces 1:29

Eb' laj Efraín ajwi' ink'a' ke'risiheb' laj Kanahán li wankeb' Késer. Jo'kan naq eb' laj Kanahán toj ke'kanaak Késer, sa' xyanqeb' laj Israel.

1 Reyes 9:16

Xb'aan naq laj Parahón, awab'ej re Ejiipt, koho chi yalok rik'ineb' laj Késer. Koxchap, kixk'at li tenamit a'an, kixkamsiheb' laj Kanahán li wankeb' aran ut kixq'axtesi li tenamit re li xrab'in, li rixaqil laj Salomón.

Josué 17:13

Ab'an naq ke'xkawu rib'eb' laj Israel, ke'xk'eheb' laj Kanahán sa' kawil k'anjel, us ta ink'a' ke'ruuk risinkileb' aran.

1 Reyes 9:21

naraj naxye, eb' li ralal xk'ajoleb' li ink'a' ke'choye'k xkamsinkil xb'aaneb' laj Israel, laj Salomón kixmineb' ru chi kawil k'anjelak, jo' yookeb' chi xk'ulb'al chalen toj anaqwan.

Josué 15:63

Ab'anan eb' li ralal xk'ajol laj Judá ink'a' ke'ruhank chi risinkileb' laj Jebús li wankeb' Jerusalén. Jo'kan naq eb' laj Jebús toj wankeb' ajwi' Jerusalén anaqwan, rochb'eeneb' li ralal xk'ajol laj Judá.

Josué 10:33

Toja' naq laj Jorán, li awab'ej re Késer, kitaqe'k chi xtenq'ankil Lakix, ab'anan kiq'axe'k ru rochb'een chixjunileb' laj puub': maajun chik kikanaak chi yo'yo.

Josué 16:9

Wankeb' ajwi' tenamit ut k'aleb'aal, sa' xch'och'eb' laj Efraín, li ke'k'ehe'k reheb' li ralal xk'ajol laj Efraín.

Josué 17:12

Eb' li ralal xk'ajol laj Manasés ink'a' ke'ruhank chi xchapb'al eb' li tenamit a'an; jo'kan naq eb' laj Kanahán ke'kanaak sa'eb' li tenamit a'an.

1 Reyes 9:15

A'an a'in xyaalal naq laj Salomón li awab'ej kixmin ruheb' li poyanam chi k'anjelak re xkab'lankil li rochoch li Qaawa', li rochoch li awab'ej, li xtz'akankil li na'ajej Miló xk'ab'a', li xsuttz'ak Jerusalén, Jasor, Mejido ut Késer.

2 Crónicas 8:8

naraj naxye, eb' li ralal xk'ajoleb' li ink'a' ke'choye'k xkamsinkil xb'aaneb' laj Israel, laj Salomón kixmineb' ru chi kawil k'anjelak, jo' yookeb' chi xk'ulb'al chalen toj anaqwan.