Josué 15:7 - Q'eqchi Bible

⁷ Li nub'ajl nataqe'k chalen chaq sa' xtaq'ahil Akor toj Debir, ut naxik wi' chik sa' releb'l iq' wan wi' xsutam li pek sa' xjayal li taqsink re Adumín, sa' xjayal rokeb'l iq' re li Nima'. Li xnub'ajl nanume'k sa' li ha' re En-Semes ut nokox'elq En-Rokel.

Li Santil hu

⁷ Chirix aꞌan naxic saꞌ li naꞌajej Debir cuan cuiꞌ li ru takꞌa Acor. Naxqꞌue chak vue̱lt saꞌ li naꞌajej Gilgal li cuan saꞌ xcaꞌyaba̱l li tzu̱l Adumín, li cuan saꞌ li sur re li nimaꞌ. Ut naxic saꞌ li yuꞌam haꞌ En-semes xcꞌabaꞌ ut nocox-e̱lk cuan cuiꞌ li yuꞌam haꞌ Rogel.

Josué 15:7 ပူးပေါင်းရင်းမြစ်များ

1 Reyes 1:9

Sa' jun kutan laj Adonías kixk'uub' jun ninq'e chi xtoon li Saqoonak re Sojélet, chire li ha' Rokel. Aran kixyeechi'iheb' li karneer, li b'ooyx ut wakax li ninq xtib'eleb'. Kixb'oqeb' li ras eb' li riitz'in, ralaleb' li awab'ej, ut chixjunileb' li winq aj Judá aj k'anjeleb' chiru li awab'ej.

2 Samuel 17:17

Laj Jonatán ut laj Ajimás wankeb' chire li ha' Rokel, xb'aan naq ink'a' neke'raj te'ile'q chi ok sa' li tenamit. Jun moosej ixq koho chi xyeeb'al resil reheb', ut tikto eb' a'an koheb' rik'in laj David li awab'ej.

Josué 7:26

Ke'xtuub' naab'al li pek sa' xb'een, ut eb' li pek a'an toj wankeb' anaqwan. Toja' naq kich'anaak xjosq'il li Qaawa'. Jo'kan naq li na'ajej a'an, xTaq'ahil li Rahilal nayeemank re chalen toj anaqwan.

Oseas 2:5

Li xna'eb' kixmux li xyu'am; li ixq li ki'alank reheb' kixsach xloq'al naq kixye: «Tinxik rik'ineb' li neke'rahink we, a'eb' li neke'k'ehok inwa ut wuk'a', jo'wi' linliin ut lintuuxnoq', lin'aseeyt ut linb'iin», chan.

Isaías 65:10

Sarón a'anaq xna'ajeb' li karneer, ut li xtaq'ahil Akor taakanaaq cho'q xwa'leb'aaleb' li wakax, cho'q reheb' lintenamit xe'sik'ok we.

Josué 15:15

Chirix chik a'an ki'elk aran ut koho wankeb' wi' laj Debir, li Kiryat-Séper naxk'ab'a'in najter.

Josué 10:43

Moqon chik laj Josué, rochb'een chixjunileb' laj Israel, ke'sutq'iik chaq Kilkal, sa' li xmuheb'aaleb'.

Josué 7:24

Toja' naq laj Josué rochb'een chixjunileb' laj Israel ke'xchap laj Akán, ralal laj Séraj, rochb'een li plaat, li t'ikr, li oor, eb' li ralal xk'ajol, eb' li xwakax, li xb'uur, li xkarneer, li xmuheb'aal ut chixjunil li k'aru wank re, ut ke'xk'am sa' xtaq'ahil Akor.

Josué 4:19

Li tenamit ke'elk sa' li nima' Jordán sa' li lajeeb' xb'e li xb'een po ut koxe'hilanq Kilkal, sa' releb'l li saq'e sa' xka'yab'aal Jerikó.

Josué 15:6

Li nub'ajl nataqe'k Bet-Joklá, nanume'k sa' xjayal releb'l iq' re Bet-Arabá ut nataqe'k toj sa' xb'een xPekil Tzuul laj Boján, ralal laj Rubén.

Josué 18:17

Aran naxb'ach' rib' sa' xjayal releb'l iq', na'elk En-Semes ut naxik sa' xsutam li pek li wank sa' xjayal li taqsink re Adumín; nakub'eek wan wi' li saqoonak re laj Boján, ralal laj Rubén;