Josué 15:4 - Q'eqchi Bible

⁴ nanume'k wan wi' Asmón, naxik sa' xjayal li nima' re Ejiipt toj sa' li palaw. A'anaq a'in leenub'ajl laa'ex sa' rokeb'l iq'.

Li Santil hu

⁴ Nacuulac cuan cuiꞌ li naꞌajej Asmón, ut nacuulac cuan cuiꞌ li nimaꞌ re Egipto ut nocoxrakekꞌ cuan cuiꞌ li palau Mediterráneo. Aꞌan aꞌin li nuba̱l li nacana saꞌ li sur.

Josué 15:4 ပူးပေါင်းရင်းမြစ်များ

Números 34:5

Tixq'ot chaq rix li xnub'ajlil Asmón toj chire xNima'il Ejiipt ut toxraqe'q sa' li palaw.

Josué 13:3

chalen chaq Sijor li wank chi xk'atq Ejiipt toj sa' xnub'ajl Ekrón, sa' xjayal releb'l iq'. Li ch'och' a'in nayeemank naq reheb' laj Kanahán, ut eb' li neke'taqlank sa' xb'eeneb' laj Filistea, a'aneb' li wankeb' aran Gasa, Asdod, Askalón, Gat ut Ekrón.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Josué 15:3

chirix a'an naxik sa' li Taqsink reheb' laj Xook', nanume'k toj Sin ut naxik sa' xjayal rokeb'l iq' re Kadés-Barné; nanume'k Jesrón, nataqe'k toj Adar ut nasutq'iik wi' chik Karká;

Josué 15:47

Li tenamit Asdod rochb'eeneb' li xk'aleb'aal, ut li tenamit Gasa rochb'eeneb' li xk'aleb'aal, toj sa' li Nima' re Ejiipt ut nawulak wan wi' li Nimla Palaw.

1 Reyes 8:65

Sa' li kutan a'an laj Salomón kixninq'ehi li xNinq'eheb' li Muheb'aal. Chixjunileb' laj Israel ke'ochb'eenink re, k'ajo' tz'aqal xk'ihaleb' li poyanam chalen chaq sa' li tenamit Jamat toj chire li ch'ina ha' re Ejiipt. Ke'ninq'ehik chiru li Qaawa' li qaYos chiru wuqub' kutan ut, chirix a'an, chiru wuqub' kutan chik: kaalaju kutan ke'ninq'ehik sa' komonil.

Isaías 27:12

Naq taawulaq li kutan a'an, li Qaawa' tixsik'eb' chaq li poyanam chalen chaq chire li nima' Éwfrates toj chire li nima' re Ejiipt, jo' naq na'isiik rix li triiw; a'ut laa'ex aj Israel texxoke'q chejunjunqalil.