Josué 15:19 - Q'eqchi Bible

¹⁹ Kichaq'ok a'an ut kixye: “Nintz'aama jun xnimal usilal chawu. Laa'at xak'e we li ch'och' li wank sa' xteepal Nejeb. Chak'e ajwi' inyo'leb'aal ha'”, chan. Ut laj Kaleb kixk'e re eb' li xyo'leb'aal ha' li wankeb' taqe'q ut taq'a.

Li Santil hu

¹⁹ Ut lix Acsa quixye: —Nintzꞌa̱ma junak usilal cha̱cuu. Ta̱qꞌueheb li yuꞌam haꞌ cue xban nak li naꞌajej li xintzꞌak li cuan saꞌ xcue̱nt Neguev, junes chaki chꞌochꞌ, chan. Ut laj Caleb quixqꞌueheb li yuꞌam haꞌ re, li cuan takecꞌ joꞌ ajcuiꞌ li cuan takꞌa.

Josué 15:19 ပူးပေါင်းရင်းမြစ်များ

2 Corintios 9:5

Jo'kan utan, xink'oxla naq tento xtz'aamankil chiruheb' li qiitz'in a'an naq che'xikaq eerik'in xb'enwa, toj moqon tinxik laa'in, re xkawresinkil leekub'siil ak yeechi'inb'il eeb'aan. Chi jo'kan yo'oon wanq jo' tz'aqal mayej ut ink'a' jo' yal k'eeb'il xb'aan xpixil eech'ool.

1 Samuel 25:27

Chak'ul laamaatan li xink'am chaq ut chajek'i reheb' li saaj winq li neke'ochb'eenink aawe.

Deuteronomio 33:7

Cho'q re laj Judá kixye a'in: “At Qaawa', chawab'i xyaab' xkux laj Judá ut chak'am xb'e chi xik rik'in li xtenamit. Li ruq' taakoloq re ut laa'ataq laj tenq' re sa' xb'eeneb' li xik' neke'ilok re”, chan laj Moisés.

Génesis 33:11

K'ul b'i' li maatan xink'am chaq cho'q aawe: li Yos xinrosob'tesi ut numtajenaq li k'aru we”, chan. Ut kirelaji ru toj reetal laj Esaú kixk'ul li xmaatan.

Génesis 12:9

Chirix chik a'an laj Abrán koho, naxjalihatq li xna'aj chi kok'aq xsa' toj kiwulak Nejeb.

Josué 15:18

Naq xikaq re sa' rochoch laj Otoniel, a'in kixye re lix Aksá naq tixtz'aama chiru li xyuwa' naq tixk'e xch'och' re awk. Toja' naq li ixq kikub'eek chirix li xb'uur ut laj Kaleb kixpatz' re: “K'aru taawaj?”, chan.

Josué 15:20

A'an a'in li reechanihom li xteepal laj Judá, a' yaal chanru xk'ihaleb' li junjunq ch'uutal.