Josué 14:12 - Q'eqchi Bible

¹² Jo'kan naq nintz'aama chawu naq taak'e we li tzuul a'in anaqwan, jo' yeeb'il chaq we sa' li kutan a'an. Ak nakanaw naq wankeb' aran laj Anak; wankeb' ajwi' ninqi tenamit li yo'oon wankeb' chi yalok. Wi li Qaawa' wanq wik'in, twaanilasiheb', jo' xyehom we li Qaawa'”, chan laj Kaleb.

Li Santil hu

¹² Joꞌcan nak nintzꞌa̱ma cha̱cuu nak ta̱qꞌue chokꞌ cue li naꞌajej li tzu̱l ru joꞌ quixyechiꞌi chak cue li Ka̱cuaꞌ. La̱at ac nacanau nak cuanqueb li ralal xcꞌajol laj Anac saꞌ li naꞌajej aꞌan. Cuanqueb ni̱nki tenamit ut cauheb rib chi pletic. Abanan la̱in ninnau nak li Dios ta̱cua̱nk cuiqꞌuin ut tinixtenkꞌa chirisinquileb saꞌ li naꞌajej aꞌan joꞌ quixye chak cue, chan laj Caleb.

Josué 14:12 ပူးပေါင်းရင်းမြစ်များ

Hebreos 11:33

Sa' xk'ab'a' li paab'aal eb' a'an ke'reechani xninqal ru tenamit, ke'xb'aanu li tiikilal, koxe'xtaw li xyeechi'om li Yos, ke'xtz'apatq xsa' reheb' li kaqkoj,

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

Números 13:33

Xqileb' ajwi' chaq xninqal poyanam, ralaleb' laj Anak, riyajileb' li najt xterameb'. Laa'o chanchano wi' chili' chiruheb' a'an, ut jo'kan ajwi' naq nokoohe'ril laa'o”, chankeb'.

Números 13:28

Ab'anan li poyanam wankeb' sa' li na'ajej a'an, jwal kaweb' rib'; sutsuukeb' chi tz'ak ut jwal ninqeb' li xtenamiteb'. Xqilatq chaq aran li ralal xk'ajol laj Anak.

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Josué 15:14

Laj Kaleb kirisiheb' aran li oxib' chi ralal laj Anak: laj Sesay, laj Ajimán ut laj Talmay, ralal xk'ajoleb' laj Anak.

Salmos 60:12

At Qaawa', laa'at xatkanab'ank qe qajunes ut ink'a' chik nakat-okenk chi yalok chiqix laa'o.

Salmos 44:3

Rik'in laawuq' xawaanilasiheb' li tenamit, xarahob'tesi chixjunileb' li poyanam re xk'ojob'ankil eb' li qana' qayuwa' sa' li xna'ajeb', re naq te'k'iiq ut te'nimanq.

2 Crónicas 14:11

ut jo'ka'in kixye naq kitijok chiru li Qaawa' li xYos: “At Qaawa', ka'ajwi' laa'at nakatenq'aheb' li kaweb' rib' ut li maak'a'eb' xmetz'ew! Tenq'aho, at Qaawa', at qaYos, xb'aan naq aawik'in kaw qach'ool ut sa' aak'ab'a' xook'ulunk chi yalok rik'ineb' li poyanam a'in li k'ajo' xk'ihaleb'! At Qaawa', laa'at li qaYos! Maajun taxaq winq chinumtaaq chawu laa'at!”.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Jueces 1:20

Laj Kaleb kixk'ul Hebrón cho'q reechanihom, jo' chanru li xtaqlahom laj Moisés. Ut laj Kaleb kirisiheb' aran roxichaleb' li ralal laj Anak.

Números 21:34

Toja' naq li Qaawa' kixye re laj Moisés: “Maaxiwa ru laj Og, xb'aan naq xinq'axtesi sa' laawuq' rochb'een chixjunileb' li xpoyanam ut li xna'aj. B'aanu re laj Og jo' xab'aanu chaq re laj Sijón, awab'ej re Amor, li xwank aran Jesbón”, chan li Qaawa'.

Deuteronomio 1:28

Ut anaqwan b'ar tooxik? Q'axal x'ok qaxiw xb'aan li xe'xye eb' li qas qiitz'in naq aran wankeb' poyanam jwal kaweb' rib' ut q'axal k'iheb' chik chiqu laa'o. Eb' li xtenamiteb' a'an jwal ninqeb' ut toj sa' choxa neke'wulak li xsuttz'akil. Ut a'atqeb' laj Anak xe'ilmank ru aran», chankex.

2 Reyes 19:4

Mare li Qaawa' laaYos xrab'i li raatin li xnimal ru aj k'anjel li xtaqlaak chaq xb'aan laj Senakerib, li awab'ej re Asiria, re xhob'b'al li yo'yookil Yos. Jwal us raj naq li Qaawa' laaYos tixk'e taxaq chi xtojb'al xmaak li ani xhob'ok re. Laa'at tijon chiru li Qaawa' chirixeb' laj Israel li toj yo'yookeb'!»”.

Deuteronomio 9:1

“Ab'i, Israel. Sa' li kutan a'in texnume'q junpak'al li nima' Jordán re risinkileb' li poyanam k'ajo' xk'ihaleb' ut jwal kaweb' rib' chawu, xninqal tenamit li nawulak toj sa' choxa li xsuttz'akeb':

Deuteronomio 9:3

“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'.