Josué 13:16 - Q'eqchi Bible

¹⁶ Li xch'och'eb' natiklaak Aroher, li wank chire li nima' Arnón, ut nawulak toj sa' li tenamit li wank sa' xyi li ru taq'a ut chixjunil li ru taq'a toj Mádaba.

Li Santil hu

¹⁶ Li naꞌajej li quixqꞌue reheb, aꞌan naticla chak saꞌ li naꞌajej Aroer. Nacuulac cuan cuiꞌ li nimaꞌ Arnón. Ut quixqꞌue ajcuiꞌ reheb li tenamit li cuan saꞌ xyi li ru takꞌa ut chixjunil li ru takꞌa li cuan Medeba.

Josué 13:16 ပူးပေါင်းရင်းမြစ်များ

Josué 13:9

li ch'och' wank Aroher, chire li nima' Arnón, ut li tenamit wank sa' li ru taq'a, jo' ajwi' chixjunil li ru taq'a chalen chaq Mádaba toj Dibón;

Josué 12:2

Laj Sijón, awab'ej re Amor, li kiwank chaq Jesbón. A'an ki'awab'ejink chalen chaq Aroher, chire li nima' Arnón, ut chalen li xyiijachil li ru taq'a jo'wi' li xyiijachil li na'ajej Galahad toj wan wi' li nima' Yabok, b'arwi' natiklaak li xch'och'eb' laj Amón.

Isaías 15:4

Japjookeb' re laj Jesbón ut eb' laj Elalé: li xyaab' xkuxeb' na'ab'imank toj Yahás. Eb' laj puub' re Mohab neke'siksotk ajwi' xb'aaneb' xxiw ut natentotk li raanmeb'.

Deuteronomio 3:12

“Kiqeechani li tenamit a'in: chalen chaq Aroher, li wank chire li nima' Arnón, li xyiijachileb' li tzuul Galahad rochb'eeneb' li xtenamitul laa'in kink'e reheb' laj Rubén ut reheb' laj Gad.

Josué 13:15

Laj Moisés ak xk'ehom chaq jun jachal re li xteepaleb' laj Rubén, chi kok' ch'uutil.

Josué 13:17

Ke'xk'ul ajwi' li na'ajej Jesbón rochb'een chixjunileb' li tenamit wankeb' chiru taq'a: Dibón, Bamot-Bahal, Bet-Bahal-Mehón,

1 Samuel 30:28

li wankeb' Aroher, li wankeb' Sipmot, li wankeb' Estemoha,

2 Samuel 24:5

Ke'nume'k junpak'al li nima' Jordán ut ke'xyiib' li xmuheb'aaleb' aran Aroher. Ke'xtikib' ajlank aran jo'wi' sa' li tenamit li wank sa' xyi li taq'a, sa' xjayal Gad ut Jaser.

1 Crónicas 19:7

Ke'xtoj kab'laju xka'k'aal mil (32,000) b'eleb'aal ch'iich' jo'wi' li awab'ej re Mahaká rochb'eeneb' laj puub', ut eb' a'in ke'chalk ut ke'xyiib' li xmuheb'aaleb' sa' xka'yab'aal Mádaba. Ke'xch'utub' ajwi' rib'eb' laj Amón, ke'chalk sa' li xtenamiteb' re yalok.

Números 21:26

Xb'aan naq Jesbón a'an li tenamit wan wi' laj Sijón, awab'ej re Amor. Laj Sijón kiyalok junxil rik'in li xb'een awab'ej re Mohab ut kireechani chixjunil li xch'och' toj wan wi' li nima' Arnón.

Josué 14:3

Laj Moisés ak xk'ehom xch'och'eb' laj Rubén, eb' laj Gad ut li xyiijachil xteepal laj Manasés aran, junpak'al li nima' Jordán; ab'an eb' laj Leví maak'a' xk'ulumeb' chaq.

Josué 18:7

Eb' laj Leví ink'a' taak'ehe'q xch'och'eb' sa' eeyanq, xb'aan naq li k'anjelak cho'q aj tij chiru li Qaawa' a'an li reechanihomeb'. Eb' laj Gad ut eb' laj Rubén ut li xyiijachil xteepal laj Manasés ak xk'ulumeb' li xna'ajeb' sa' xjayal releb'l saq'e, junpak'al li nima' Jordán, a' li ch'och' li kik'ehe'k reheb' xb'aan laj Moisés, laj k'anjel chiru li Qaawa'”, chan laj Josué.

Jueces 11:26

Ak wank o'lajuk'aal (300) chihab' rokikeb' laj Israel sa'eb' li tenamit Jesbón, Aroher ut sa' li xk'aleb'aaleb', jo'wi' sa' chixjunil li tenamit li wankeb' chi xka'pak'alil li nima' Arnón. K'a'ut naq ink'a' xapatz' li ch'och' a'an chiru li o'lajuk'aal chihab' a'in?