Josué 13:14 - Q'eqchi Bible

¹⁴ Ka'ajwi' li xteepal laj Leví ink'a' xk'eemank reechanihom: a' li Qaawa', xYos laj Israel, a'an li reechanihom, kama' ak xyehom chaq reheb'.

Li Santil hu

¹⁴ Lix te̱paleb li ralal xcꞌajol laj Leví incꞌaꞌ quiqꞌueheꞌ xnaꞌajeb xban laj Moisés xban nak eb aꞌan tento nak teꞌtzꞌak xcomon li mayej li nacꞌatman chiru li Ka̱cuaꞌ lix Dioseb laj Israel joꞌ quiyeheꞌ reheb xban li Dios.

Josué 13:14 ပူးပေါင်းရင်းမြစ်များ

Deuteronomio 12:19

K'e reetal, maatz'eq chirix aach'ool eb' laj Leví jo' najtil wanqat sa' ruuchich'och'.

Deuteronomio 12:12

Aran taasaho'q eech'ool chiru li Qaawa' eerochb'eeneb' leeralal eek'ajol, eb' laj k'anjel cheru jo' winq ut ixq, jo' ajwi' eb' laj Leví li wankeb' sa' eeyanq, xb'aan naq ink'a' xk'ulumeb' li xna'ajeb'.

Deuteronomio 10:9

Xb'aan a'an eb' laj Leví ink'a' ke'xk'ul xch'och'eb' jo' ke'xk'ul eb' li rech aj Israelil: a' li Qaawa' a'an li reechanihomeb', kama' yeeb'il chaq reheb' xb'aan li Qaawa' laaYos.)

Josué 13:13

Ab'anan eb' laj Israel ink'a' ke'risiheb' laj Jesur chi moko eb' laj Mahaká; jo'kan naq eb' laj Jesur ut laj Mahaká toj wankeb' anaqwan sa' xyanqeb' laj Israel.

Josué 13:15

Laj Moisés ak xk'ehom chaq jun jachal re li xteepaleb' laj Rubén, chi kok' ch'uutil.

Josué 13:33

Ab'anan laj Moisés ink'a' kixk'e xch'och'eb' li xteepal laj Leví: a' li Qaawa', xYos laj Israel, a'an li reechanihom, kama' ak xyehom chaq reheb'.

Ezequiel 44:29

Naru te'xtzeka li k'aru nayeechi'imank cho'q we jo' ajwi' li namayejaak chirix li maak ut re xtojb'al rix li xmaakeb' li tenamit. Jo'ch'inal jo'nimal li te'xyeechi'i we eb' laj Israel, a'anaq reheb' laj tij.

Josué 18:7

Eb' laj Leví ink'a' taak'ehe'q xch'och'eb' sa' eeyanq, xb'aan naq li k'anjelak cho'q aj tij chiru li Qaawa' a'an li reechanihomeb'. Eb' laj Gad ut eb' laj Rubén ut li xyiijachil xteepal laj Manasés ak xk'ulumeb' li xna'ajeb' sa' xjayal releb'l saq'e, junpak'al li nima' Jordán, a' li ch'och' li kik'ehe'k reheb' xb'aan laj Moisés, laj k'anjel chiru li Qaawa'”, chan laj Josué.

Ezequiel 44:28

“Eb' laj tij maak'a' naru te'reechani: ka'ajwi' laa'in li tine'reechani. Ink'a' te'tz'aqonq na'ajej sa' xyanqeb' laj Israel: laa'in li reechanihomeb'.