Josué 13:13 - Q'eqchi Bible

¹³ Ab'anan eb' laj Israel ink'a' ke'risiheb' laj Jesur chi moko eb' laj Mahaká; jo'kan naq eb' laj Jesur ut laj Mahaká toj wankeb' anaqwan sa' xyanqeb' laj Israel.

Li Santil hu

¹³ Caꞌaj cuiꞌ eb li ralal xcꞌajol laj Gesur ut eb li ralal xcꞌajol laj Maaca incꞌaꞌ queꞌisi̱c saꞌ lix naꞌajeb xbaneb laj Israel. Queꞌcana ban chi cua̱nc saꞌ xya̱nkeb toj chalen anakcuan.

Josué 13:13 ပူးပေါင်းရင်းမြစ်များ

Josué 13:11

Jo'kan ajwi' kixk'e Galahad ut li xch'och'eb' laj Jesur ut eb' laj Mahaká, chixjunil li tzuul Hermón ut chixjunil Basán toj Salká.

Números 33:55

Ab'anan wi' laa'ex ink'a' teeraanilasiheb' li xpoyanamil li tenamit sa' leewulajik, eb' li te'kanaaq sa' eeyanq texrahob'tesiheb' chi junelik sa' li tenamit wanqex wi': chanchanaqeb' li mul sa' leeru ut chanchanaqeb' li k'ix sa' leexuku'y.

2 Samuel 3:3

li xkab', a'an laj Kilab', xyum lix Abigahil li kiwank cho'q rixaqil laj Nabal aj Karmeel; li rox, a'an laj Absalón, xyum lix Mahaká, xrab'in laj Talmay, awab'ej re Jesur;

Deuteronomio 3:14

Laj Yaír, ralal laj Manasés, a'an li kikanaak wi' chixjunil li na'ajej re Argob, toj sa' xnub'ajleb' laj Jesur ut eb' laj Mahaká; a'an li kik'ehok re Basán li k'ab'a'ej li nayeemank toj sa' li kutan a'in: Xk'aleb'aaleb' laj Yaír.)

Josué 12:5

ut ki'awab'ejink sa' xb'een li tzuul Hermón ut Salká, jo' ajwi' sa' xb'een chixjunil Basán, toj sa' xnub'ajleb' laj Jesur ut laj Mahaká, jo'wi' sa' xb'een li xyiijachil Galahad toj sa' xnub'ajl laj Sijón, awab'ej re Jesbón.

Josué 13:12

Ut sa' xteepal Basán kixk'e chixjunil li x'awab'ejihom laj Og, li ki'awab'ejink sa' xb'een Astarot ut Edreí ut kikanaak cho'q rela'eb' laj Refait. Laj Moisés kixq'ax ruheb' ut kiraanilasiheb'.

Josué 13:14

Ka'ajwi' li xteepal laj Leví ink'a' xk'eemank reechanihom: a' li Qaawa', xYos laj Israel, a'an li reechanihom, kama' ak xyehom chaq reheb'.

1 Samuel 27:8

ut rochb'eeneb' laj puub' naxikje'k chi yalok rik'ineb' laj Jesur, eb' laj Késer ut rik'ineb' laj Amalek (a'ineb' li wankeb' sa' li na'ajej a'an, chalen chaq Telán toj Sur ut sa' xnub'ajlil Ejiipt).

Génesis 35:22

Ut naq laj Israel wank sa' li na'ajej a'an, koho laj Rubén chi wark rik'in lix Bilhá, li rixaqil jun chik li xyuwa', ut laj Israel kixnaw a'an.

2 Samuel 10:6

Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.