Josué 12:2 - Q'eqchi Bible

² Laj Sijón, awab'ej re Amor, li kiwank chaq Jesbón. A'an ki'awab'ejink chalen chaq Aroher, chire li nima' Arnón, ut chalen li xyiijachil li ru taq'a jo'wi' li xyiijachil li na'ajej Galahad toj wan wi' li nima' Yabok, b'arwi' natiklaak li xch'och'eb' laj Amón.

Li Santil hu

² Laj Sehón lix reyeb laj amorreo li cuan saꞌ li tenamit Hesbón, aꞌan nataklan saꞌ xbe̱n li naꞌajej li naticla chak Aroer li cuan chire li nimaꞌ Arnón. Ut yijach re li ru takꞌa ut yijach li naꞌajej re Galaad. Nacuulac cuan cuiꞌ li nimaꞌ Jaboc saꞌ li nuba̱l re lix tenamiteb li ralal xcꞌajol laj Amón.

Josué 12:2 ပူးပေါင်းရင်းမြစ်များ

Génesis 32:22

Chiru li q'oqyink a'an kiwakliik laj Jakob, kixk'am chi xkab'ichaleb' li rixaqil, jo'wi' chi xkab'ichaleb' li ixq aj k'anjel chiruheb' ut eb' li xjunlaju chi ralal, ut kiq'axonk junpak'al li nima' Yabok.

Salmos 135:11

laj Sijón, awab'ej re Amor, laj Og, awab'ej re Basán, ut chixjunileb' li awab'ej re Kanahán.

Nehemías 9:22

“Kaq'axtesiheb' tenamit ut awab'ejihom sa' ruq'eb', ut kajek'i reheb'; ut eb' a'an ke'reechani Jesbón, xna'aj laj Sijón li awab'ej, jo' ajwi' Basán, xna'aj laj Og li awab'ej.

Jueces 11:22

Jo'kan naq eb' laj Israel ke'reechani chixjunil li xna'ajeb' laj Amor, chalen chaq sa' li nima' Arnón toj wan wi' li nima' Yabok, ut chalen chaq sa' li chaqich'och' toj sa' li nima' Jordán.

Jueces 11:13

Kichaq'ok li awab'ej re Amón ut kixye reheb' li xtaql laj Jefté: “Naq ke'elk chaq Ejiipt, eb' laj Israel ke'xmaq' chiqu li qana'aj chalen chaq sa' li nima' Arnón toj sa' li nima' Yabok ut Jordán. Jo'kan naq anaqwan tento teeq'axtesi wi' chik we sa' xyaalal”, chan.

1 Crónicas 5:8

ut laj Belá, ralal laj Asás, ri xmam laj Sema, a' li ralal laj Joel. Laj Belá kiwank aran Aroher ut li xch'och' a'an nawulak toj Nebo ut Bahal-Mehón.

Jeremías 48:19

Xaqlinqex sa' li b'e, ex aj Aroher, ut ilomaq; patz'omaq reheb' laj eelel li xe'kole'k k'aru xk'ulmank.

Deuteronomio 1:4

Naq ak kixq'ax ru laj Sijón, awab'ej re Amor, li wan chaq Jesbón, ut laj Og, awab'ej re Basán, li wan chaq Astarot ut Edreí,