Josué 11:2 - Q'eqchi Bible

² ut reheb' li awab'ej li wankeb' sa' xjayal releb'l iq', sa' xyanqeb' li tzuul, sa' li ru taq'a li wank sa' xjayal rokeb'l iq' re Kinéret, sa' Taq'a ru ut sa' xyanqeb' li tzuul li wankeb' sa' rokeb'l saq'e re Dor.

Li Santil hu

² Ut quixtakla ajcuiꞌ xyebal resil reheb li rey li cuanqueb saꞌ li norte saꞌ li naꞌajej li tzu̱l ru, li cuan cuiꞌ li Palau Cineret, joꞌ ajcuiꞌ eb li rey li cuanqueb saꞌ li sur saꞌ li naꞌajej Arabá. Ut quixtakla resil reheb li cuanqueb saꞌ li ru takꞌa ut eb li cuanqueb saꞌ li oeste saꞌ li tenamit Dor.

Josué 11:2 ပူးပေါင်းရင်းမြစ်များ

Jueces 1:27

Eb' laj Manasés ink'a' ke'ruuk reechaninkil Betsán ut eb' li xk'aleb'aal, Tanak ut eb' li xk'aleb'aal. Ink'a' ke'raanilasiheb' eb' laj Dor, eb' laj Iblehán, eb' laj Mejido jo' ajwi' li wankeb' sa' xk'aleb'aaleb'. Jo'kan naq eb' laj Kanahán toj ke'kanaak aran.

Josué 12:3

Ki'awab'ejink ajwi' sa' xb'een Arabá, sa' rokeb'l li saq'e, toj sa' li palaw re Genesaret ut toj wan wi' li Atz'aminb'il Palaw, sa' xb'ehil Bet-Yesimot, toj nawulak sa' xtoon li tzuul Piská, sa' rokeb'l li iq'.

Josué 17:11

Laj Manasés kixk'ul ajwi' eb' li tenamit a'in sa' xch'och'eb' laj Isakar ut laj Aser: Betsán rochb'eeneb' li xk'aleb'aal; Iblehán rochb'eeneb' li xk'aleb'aal; Dor rochb'eeneb' li xk'aleb'aal; Tanak ut Mejido rochb'eeneb' li xk'aleb'aal, ut jun rox raqal re Néfet.

Números 34:11

Taakub'eeq chaq Sefán toj Riblá, sa' xjayal releb'l saq'e re Ayin, ut toj taakub'eeq chaq toj chire li palaw re Kinéret sa' xjayal releb'l saq'e,

1 Reyes 4:11

laj Ben-Abinadab kiwank sa' chixjunil xteepal Dor (li rixaqil a'an xTabahat, xrab'in laj Salomón);

Josué 12:23

li awab'ej re Dor, sa' li na'ajej Dor, li awab'ej re Gohin, aran Galilea,

San Lucas 5:1

Naq wan chaq li Jesus chire li palaw Genesaret xk'ab'a' ut eb' li tenamit yookeb' chi xtiikisinkil rib' sa' xb'een re rab'inkil Raatin li Yos,

San Lucas 1:39

Sa'eb' li kutan a'an lix María kixchap xb'e ut kiseeb'ank chi xik chi tzuul sa' jun tenamit re Judea.

Josué 13:27

Xch'och'eb' ajwi' laj Gad chiru taq'a: Bet-Harán, Bet-Nimrá, Sukot, Safón, li rela' li x'awab'ejihom laj Sijón, awab'ej re Jesbón, li nima' Jordán ut li na'ajej toj sa' xmaril li palaw re Genesaret, sa' xjayal releb'l saq'e re li nima' Jordán.

Josué 11:21

Sa'eb' li kutan a'an laj Josué kixsach chixjunileb' laj Anak li wankeb' sa' xyanqeb' li tzuul aran Debir, Anab, jo'wi' sa' xyanqeb' li xtzuulul Judá ut Israel.

Josué 10:40

Jo'ka'in naq laj Josué kireechani chixjunil li na'ajej: eb' li tzuul, Nejeb, eb' li ru taq'a ut li na'ajej wank chi xk'atq. Kixq'ax ruheb' chixjunil li awab'ej, kixsacheb' ru chixjunil li wankeb' xyu'am aran ut maajun chik kikanaak chi yo'yo, kama' yeeb'il reheb' xb'aan li Qaawa', xYos laj Israel.

Josué 10:6

Toja' naq eb' laj Gabahón ke'xtaqla xyeeb'al re laj Josué toj aran Kilkal b'arwi' wankeb' li xmuheb'aaleb' laj Israel: “Moohaakanab' qajunes. Kim arin chi junpaat, choohaakol ut choohaatenq'a laa'o aamoos, xb'aan naq chixjunileb' li awab'ej aj Amor li wankeb' chaq sa' k'iche' xe'xjunaji rib' sa' qab'een”.

Josué 11:16

Laj Josué kireechani chixjunil li na'ajej sa' xyanqeb' li tzuul, li Nejeb, chixjunil li ch'och' re Gosen, Arabá, li Taq'a ru, jo'eb' ajwi' li tzuul ut li ru taq'a re Israel.

1 Reyes 15:20

Laj Ben-Adad kixpaab' li kixye laj Asá li awab'ej ut kixtaqlaheb' li xjolomileb' laj puub' chi yalok rik'ineb' li tenamit sa' xteepal Israel. Chi jo'kan kixsach ruheb' li tenamit Iyón, Dan ut Abel-Bet-Mahaká, jo' ajwi' chixjunil xteepal Kinerot ut li xteepal Neftalí.