Josué 11:12 - Q'eqchi Bible

¹² Jo'kan ajwi' kixb'aanu laj Josué rik'ineb' chixjunil li tenamit a'an: kixchapeb', kixchap ajwi' li x'awab'ejeb' ut kixkamsiheb' chi ch'iich'; kixsach ruheb' jo' xtaqlahom laj Moisés, laj k'anjel chiru li Qaawa'.

Li Santil hu

¹² Queꞌxsach ruheb chi junaj cua chixjunileb li tenamit li queꞌoquen chi pletic riqꞌuineb laj Israel ut queꞌxcamsiheb chi chꞌi̱chꞌ joꞌ ajcuiꞌ lix reyeb joꞌ quiyeheꞌ reheb xban laj Moisés laj cꞌanjel chiru li Dios.

Josué 11:12 ပူးပေါင်းရင်းမြစ်များ

Deuteronomio 7:2

naq li Qaawa' laaYos tixq'axtesiheb' sa' laawuq' ut taasach ruheb', tento chatz'eqtaanaheb' ut chamajewaheb' chi junajwa. Maajunaji aawib' rik'ineb' chi moko taatoq'ob'a ruheb'.

Josué 11:15

Jo' tz'aqal kixye li Qaawa' re laj Moisés laj k'anjel chiru, jo'kan ajwi' naq kichaq'rab'iik laj Josué xb'aan laj Moisés, ut kixb'aanu chi tz'aqal re ru: maajun reheb' li aatin yeeb'il xb'aan li Qaawa' re laj Moisés ink'a' ta kixb'aanu.

Josué 10:37

Ke'xchap ut ke'xkamsiheb' chi ch'iich', rochb'een li awab'ej, chixjunileb' li tenamit ut li wankeb' xyu'am aran. Maajun chik kikanaak chi yo'yo kama' ak xk'ulumeb' laj Eklón. Ke'sache'k ru chi junajwa jo'k'ihaleb' li wankeb' xyu'am.

Josué 10:35

Sa' ajwi' li kutan a'an ke'xchap ut ke'xkamsiheb' chi ch'iich' li wankeb' Eklón. Sa' li kutan a'an ke'sache'k ru chi junajwa jo'k'ihaleb' li wankeb' xyu'am aran, kama' ak xk'ulumeb' laj Lakix.

Josué 10:32

Li Qaawa' kixq'axtesi ajwi' Lakix sa' ruq'eb' laj Israel, ut sa' xkab' li kutan kichape'k li tenamit ut ke'kamsiik chi ch'iich' jo'k'ihaleb' li wankeb' xyu'am aran, kama' xk'ulumeb' laj Libná.

Josué 10:30

Li Qaawa' kixq'axtesi ajwi' li tenamit a'an sa' ruq'eb' laj Israel, rochb'een li awab'ej. Chixjunileb' li wankeb' xyu'am aran, ke'kamsiik chi ch'iich'; maajun chik kikanaak chi yo'yo sa' li tenamit a'an. Laj Josué kixb'aanu re li awab'ej a'an jo' kixb'aanu re li awab'ej re Jerikó.

Josué 10:28

Sa' ajwi' li kutan a'an laj Josué kixchap Makedá. Kixkamsi chi ch'iich' li awab'ej ut chixjunileb' li poyanam: kixk'eheb' chi sache'k chi junajwa chixjunil li wankeb' xyu'am aran. Maajun chik kikanaak chi yo'yo sa' li tenamit a'an. Laj Josué kixb'aanu re li awab'ej re Makedá jo' kixb'aanu re li awab'ej re Jerikó.

Josué 9:24

Ut eb' a'an ke'xye re laj Josué chi jo'ka'in: “Nawb'il qab'aan laa'o aamoos li xtaqlahom li Qaawa' laaYos cho'q re laj Moisés aj k'anjel chiru. Kixye naq tixq'axtesi eere chixjunil li na'ajej a'in ut tixsach ruheb' jo'k'ihaleb' wankeb' arin sa' leek'ulunik. Jo'kan naq q'axal xooxiwak chirix li qayu'am ut xqab'aanu a'an.

Josué 8:31

jo' yeeb'il reheb' laj Israel xb'aan laj Moisés, aj k'anjel chiru li Qaawa'. A'in ajwi' tz'iib'anb'il sa' xHuhil li xChaq'rab' laj Moisés: “Chayiib' jun li artal rik'in pek li ink'a' q'unob'resinb'ileb' ru chi moko tuqub'anb'ileb' ru rik'in ch'iich'”. Ut sa' xb'een a'an ke'yeechi'ink li k'atb'il mayej chiru li Qaawa' ut ke'mayejak chirix li k'amok ib' sa' usilal.

Josué 8:8

Ut naq akaq xechap li tenamit, teek'e xxamlel. Teeb'aanu jo' chanru xyehom li Qaawa'. Chek'e reetal, a'an a'in leechaq'rab'inkil inb'aan”.

Josué 11:13

Ab'an maajun reheb' li tenamit li wankeb' sa' xb'een b'ool kik'ate'k xb'aaneb' laj Israel; ka'ajwi' Jasor kik'atmank xb'aan laj Josué.

Deuteronomio 9:3

“Ab'an anaqwan chanawaq naq li Qaawa' laaYos taanume'q chawu jo' junaq kawil xam: a'an taasachoq re eb' li tenamit a'an ut tixk'eheb' rub'el aawankil re naq taawisiheb' sa' xna'ajeb' ut taasach ruheb' chi junpaat, jo' kixye aawe li Qaawa'.

Josué 10:20

Naq laj Josué ut eb' laj Israel ke'xq'ax ut ke'xsach ru chi junajwa eb' laj Amor, toja' naq eb' li ke'kanaak chi yo'yo ke'elelik ut koxe'okaq sa'eb' li xtenamit.

Josué 13:6

Laa'in twisi sa' li xna'ajeb' ut twaanilasi chiruheb' laj Israel eb' laj Sidón jo'wi' li jo'k'ihaleb' wankeb' sa' xyanqeb' li tzuul, chalen chaq Líbano toj Misrepot sa' xjayal rokeb'l saq'e. Laa'at taajek'i li ch'och' a'an reheb' laj Israel cho'q reechanihomeb', jo' inyehom aawe.

Josué 21:44

Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.