Josué 10:40 - Q'eqchi Bible

⁴⁰ Jo'ka'in naq laj Josué kireechani chixjunil li na'ajej: eb' li tzuul, Nejeb, eb' li ru taq'a ut li na'ajej wank chi xk'atq. Kixq'ax ruheb' chixjunil li awab'ej, kixsacheb' ru chixjunil li wankeb' xyu'am aran ut maajun chik kikanaak chi yo'yo, kama' yeeb'il reheb' xb'aan li Qaawa', xYos laj Israel.

Li Santil hu

⁴⁰ Joꞌcaꞌin nak laj Josué quinumta saꞌ xbe̱neb li rey li cuanqueb saꞌ eb li naꞌajej aꞌan. Queꞌre̱chani chixjunileb li naꞌajej li tzu̱l ru, li naꞌajej Neguev, joꞌ ajcuiꞌ eb li ru takꞌa. Ut queꞌxcamsiheb chixjunileb li cuanqueb aran, joꞌ quiyeheꞌ reheb xban li Ka̱cuaꞌ lix Dioseb laj Israel.

Josué 10:40 ပူးပေါင်းရင်းမြစ်များ

Salmos 9:17

Li Qaawa' xk'ut rib' ut xraqok aatin: xb'ach'le rib' laj maak sa' li xb'aanuhom li ruq'.

1 Reyes 15:29

Ka'ajwi' ki'ok cho'q awab'ej, ut kixkamsiheb' chixjunil xsa' li xjunkab'al laj Jerobohán, kixsach ruheb' chixjunileb' li xkomon, jo' kixye li Qaawa' chi xtz'uumal re laj Ajías, li propeet aj Siló.

Josué 10:37

Ke'xchap ut ke'xkamsiheb' chi ch'iich', rochb'een li awab'ej, chixjunileb' li tenamit ut li wankeb' xyu'am aran. Maajun chik kikanaak chi yo'yo kama' ak xk'ulumeb' laj Eklón. Ke'sache'k ru chi junajwa jo'k'ihaleb' li wankeb' xyu'am.

Josué 10:35

Sa' ajwi' li kutan a'an ke'xchap ut ke'xkamsiheb' chi ch'iich' li wankeb' Eklón. Sa' li kutan a'an ke'sache'k ru chi junajwa jo'k'ihaleb' li wankeb' xyu'am aran, kama' ak xk'ulumeb' laj Lakix.

Josué 9:24

Ut eb' a'an ke'xye re laj Josué chi jo'ka'in: “Nawb'il qab'aan laa'o aamoos li xtaqlahom li Qaawa' laaYos cho'q re laj Moisés aj k'anjel chiru. Kixye naq tixq'axtesi eere chixjunil li na'ajej a'in ut tixsach ruheb' jo'k'ihaleb' wankeb' arin sa' leek'ulunik. Jo'kan naq q'axal xooxiwak chirix li qayu'am ut xqab'aanu a'an.

Josué 8:27

Eb' laj Israel ke'xxok cho'q reheb' li ketomq ut li k'aru wank reheb' laj Ay, jo' yeeb'il chaq re laj Josué xb'aan li Qaawa'.

Josué 8:2

Jo' xab'aanu re Jerikó ut li x'awab'ej, jo'kan ajwi' taab'aanu re Ay ut li x'awab'ej. Ab'an anaqwan truuq teexok cho'q eere li xketomqeb' ut li k'aru wank reheb'. Kawresihomaq eerib' chi ok sa' li tenamit toj chirix, chi maak'a' sa' xch'ooleb'”, chan.

Josué 6:17

Li tenamit a'in ut chixjunil li k'a'aq re ru wank chisa', sachb'ilaq ru chi junajwa sa' xk'ab'a' li Qaawa'. Ka'ajwi' lix Rajab laj yumb'eet taakanaaq chi yo'yo rochb'eeneb' li wankeb' sa' rochoch, xb'aan naq kixmuqeb' li winq kiqataqlaheb' chaq chi k'ehok eetal.

Deuteronomio 7:24

Tixq'axtesiheb' li awab'ej sa' laawuq' ut laa'at taasach li xk'ab'a'eb' junsut junrub'el choxa: maajun reheb' te'kuyuq sa' aawuq', toj reetal taasacheb' ru.

Josué 18:21

Li xtenamiteb' li xteepal laj Benjamín chi ch'uutal a'aneb' a'in: Jerikó, Bet-Joklá, Emek-Kesís,

Josué 12:8

eb' li tzuul, li ru taq'a, li Arabá, li na'ajej wank chi xtoonal li tzuul, li chaqich'och' ut li Nejeb. Sa' chixjunil li na'ajej a'in ke'wank xb'enwa eb' laj Hit, eb' laj Amor, eb' laj Kanahán, eb' laj Perés, eb' laj Jib ut eb' laj Jebús.

Deuteronomio 1:7

Xaqlinqex! Ayuqex ut okanqex sa' li na'ajej li tzuul ru wankeb' wi' eb' laj Amor ut sa' chixjunil li ch'och' wank chi rechkab'al: aran Arabá, chiru li tzuul, chiruheb' li taq'a, aran Nejeb, chire li palaw, sa' xteepal Kanahán ut Líbano, toj chire li nimla nima', a' li Éwfrates.

Éxodo 34:12

“Maak'e aawib' sa' sumwank rik'ineb' li wankeb' sa' li na'ajej toxat-okaq wi', re naq ink'a' tate'xra'le.

Josué 10:39

Ke'xchap Debir; ke'xchap ajwi' li awab'ej ut chixjunileb' li poyanam. Ke'xkamsi chi ch'iich' ut ke'xsach ru jo'k'ihaleb' li wankeb' xyu'am aran: maajun chik kikanaak chi yo'yo. Jo' naq xk'ulumeb' li tenamit Hebrón, jo'wi' Libná ut li x'awab'ejeb', jo'kan ajwi' kixk'ul Debir ut li x'awab'ejeb'.

Josué 11:16

Laj Josué kireechani chixjunil li na'ajej sa' xyanqeb' li tzuul, li Nejeb, chixjunil li ch'och' re Gosen, Arabá, li Taq'a ru, jo'eb' ajwi' li tzuul ut li ru taq'a re Israel.

Números 13:17

Laj Moisés kixtaqlaheb' chi rilb'al li tenamit Kanahán, ut kixye reheb': “Taqenqex chiru Nejeb ut moqon chik toxex'okaq sa'eb' li k'iche'b'aal.

Deuteronomio 2:34

Toja' naq kiqeechaniheb' chixjunil li xtenamit ut kiqaq'axtesiheb' chi oso'k: jo' winq, ixq ut kok'al, chi maajun kiqakanab' chi yo'yo.

Nehemías 9:24

Naq koxe'okaq ut ke'reechani li xna'ajeb' laj Kanahán, laa'at kaputz'iheb' li wankeb' sa' li tenamit a'an, kaq'axtesiheb' li x'awab'ejeb' ut eb' li poyanam sa' ruq'eb' laj Israel, re naq te'xb'aanu reheb' li te'raj.