Josué 1:8 - Q'eqchi Bible

⁸ Ink'a' taakanab' rilb'al xsa' xhuhil li Chaq'rab' a'in; chak'oxla rix chi q'eq ut chi kutan. Chi jo'kan junelik taab'aanu li k'aru naxye; tat-usaaq ut chaab'il tat-elq sa' chixjunil laak'anjel.

Li Santil hu

⁸ Incꞌaꞌ ta̱canab xyebal li chakꞌrab li xinqꞌue e̱re. Chi kꞌek chi cutan yo̱kat chixcꞌoxlanquil li chakꞌrab re nak incꞌaꞌ ta̱canab xba̱nunquil li cꞌaꞌru naxye, ut re ajcuiꞌ nak sa tatcua̱nk ut chixjunil ta̱e̱lk chi us cha̱cuu.

Josué 1:8 ပူးပေါင်းရင်းမြစ်များ

Salmos 119:15

Twaj xk'oxlankil chi us xyaalalil laataqlahom, ut xk'eeb'al reetal b'ar wank laab'e.

Salmos 19:14

Chakol ajwi' laj k'anjel chawu chiru li q'etq'etil; ink'a' taxaq chiwanq xwankil sa' inb'een. Toja' naq maak'a'aq inq'usb'al ut ink'a' tint'ane'q sa' li maa'usilal.

Colosenses 3:16

Li Raatin li Kriist chiwanq eerik'in chi numtajenaq. Chetzolaq eerib' ut chek'ehaq eena'leb' cherib'il eerib' rik'in chixjunil li chaab'il k'a'uxl. Chexb'ichanq chi anchal eech'ool re yoxink chiru li Yos, rik'in saalm, himno ut loq'laj b'ich;

Proverbios 3:1

At walal ink'ajol, misachk sa' laach'ool link'utum ut k'uula sa' laawaanm linchaq'rab';

Deuteronomio 29:9

Chepaab' b'i' chi tz'aqal re ru chixjunileb' li raatinul li Sumwank a'in ut chek'anjela ru, re naq us wanqex sa' chixjunil leek'anjel.

San Juan 14:21

Ani aj ik'in wankeb' linchaq'rab', wi naxpaab' li neke'xye, a'an li narahok we. Ut li narahok we, taarahe'q xb'aan linYuwa'; ut laa'in ajwi' tinra ut tink'ut wib' chiru”.

San Lucas 11:28

Kichaq'ok li Jesus ut kixye: —Us b'an xaq reheb' li neke'ab'ink re li raatin li Yos ut neke'xk'uula sa' xch'ooleb'!

San Mateo 7:24

“Jo'kan utan, chixjunil li na'ab'ink reheb' li waatin a'in ut naxk'anjela ru, chanchanaq li winq wank xna'leb' li kikab'lak sa' xb'een pek.

Salmos 119:11

Xink'uula sa' li waanm laayeechi'om re naq ink'a' tinmaakob'q chawu.

Salmos 119:97

K'ajo' naq ninra laachaq'rab'! Junes a'an nink'oxla rix rajlal kutan.

San Mateo 7:21

“Moko chixjunil ta li nayehok we: «Qaawa', Qaawa'», taa'ok sa' li xnimajwal wankilal li choxa, taa'ok b'an li taab'aanunq re li rajom linchoxahil Yuwa'.

San Juan 13:17

Wi nekenaw a'in, us xaq eere wi teeb'aanu chi jo'kan.

Josué 1:7

Kawaq b'i' aach'ool ut chayal aaq'e chi xpaab'ankil chixjunil li chaq'rab' k'eeb'il aawe xb'aan laj Moisés aj k'anjel chiwu. Chapaab' chi tz'aqal re ru, re naq us tat-elq sa' chixjunil li taab'aanu.

Deuteronomio 30:14

Li aatin nach' wank aawik'in, wank sa' xtz'uumal aawe ut sa' laach'ool, re naq taak'anjela ru.

Deuteronomio 5:29

Us rajan naq junelik taxaq jo'kanaqeb' li xch'ool re woxloq'inkil ut xpaab'ankil chixjunileb' linchaq'rab'. Chi jo'kan wanqeb' xsahilaleb' xch'ool eb' a'an ut eb' li ralal xk'ajol chi junelik.

Salmos 119:99

Q'axal chik nintaw inna'leb' chiruheb' chixjunil laj tzolol we, xb'aan naq junelik nink'oxla li nakawaj.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

Deuteronomio 5:32

Chek'e eech'ool chi xb'aanunkil jo' chanru kextaqla wi' li Qaawa' leeYos. Meejal ru li b'e: ink'a' texxik sa' leenim chi moko sa' leetz'e.

Deuteronomio 31:11

naq chixjunileb' laj Israel te'xch'utub' rib' chiru li Qaawa' laaYos sa' li na'ajej sik'b'il ru xb'aan, taayaab'asi li Chaq'rab' a'in chiruheb' chixjunil laj Israel.

Efesios 4:29

Mi'elk chi xtz'uumal eere yib' aj aatin, a'anaq b'an li chaab'il, li nawaklesink ch'oolej b'arwi' aajel ru, re naq trusilaheb' li te'ab'inq.

San Mateo 12:35

Li chaab'il winq narisi chaq li us sa' li xch'ool xb'aan naq li chaab'ilal wank rik'in; ut li ink'a' usil winq narisi chaq li ink'a' us sa' li xch'ool xb'aan naq li maa'usilal wank rik'in.

Salmos 40:10

Xinpuktesi resil li xtiikilal laach'ool sa' li nimla ch'utam; ink'a' xintz'ap xsa' we, ch'olch'o chawu, at Qaawa'.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

Génesis 24:63

Sa' jun kutan ewu, ki'elk laj Isahak chi b'eek sa' xk'al ut, naq kixtaqsi li rilob'aal, kixk'e reetal naq wankeb' kameey yookeb' chi chalk.

Deuteronomio 31:24

Naq kiraqe'k laj Moisés chi xtz'iib'ankil sa' jun li tasb'il hu li raatinul li chaq'rab' a'in,

Josué 8:34

Moqon chik laj Josué kixyaab'asi jo'ch'inal jo'nimal li wank sa' xHuhil li Chaq'rab', jo' chirix li osob'tesiik jo' chirix li majewaak, kama' tz'aqal tz'iib'anb'il sa' xHuhil li Chaq'rab'.

Deuteronomio 5:1

Laj Moisés kixb'oq chixjunileb' laj Israel ut kixye reheb': “At Israel, ab'i li chaq'rab' ut laataqlankil li tink'ut chawu anaqwan. Chatzolaq ut chayu'ami.

Deuteronomio 29:8

Kiqeechani li xtenamiteb' ut laa'in kink'e chi reechanihomeb' laj Rubén, laj Gad ut jun xyiijacheb' xteepal laj Manasés.

2 Crónicas 26:5

Li propeet Sakarías kixk'ut chiru laj Osías roxloq'inkil li Qaawa'. Ut naq kiyo'yook li propeet, laj Osías kixk'e xch'ool chi xsik'b'al li Qaawa'; jo'kan naq ki'osob'tesiik xb'aan li Yos ut jwal us ki'elk rik'in chixjunil li kixb'aanu.