Josué 1:7 - Q'eqchi Bible

⁷ Kawaq b'i' aach'ool ut chayal aaq'e chi xpaab'ankil chixjunil li chaq'rab' k'eeb'il aawe xb'aan laj Moisés aj k'anjel chiwu. Chapaab' chi tz'aqal re ru, re naq us tat-elq sa' chixjunil li taab'aanu.

Li Santil hu

⁷ Caꞌaj cuiꞌ li tinye a̱cue nak yal a̱kꞌe ut cacuubresi a̱chꞌo̱l chixba̱nunquil chi tzꞌakal chixjunil li chakꞌrab li quixqꞌue a̱cue laj Moisés laj cꞌanjel chicuu. Ba̱nu chi tzꞌakal re ru. Ma̱canab xba̱nunquil re nak us tat-e̱lk riqꞌuin chixjunil li cꞌaꞌru ta̱ba̱nu.

Josué 1:7 ပူးပေါင်းရင်းမြစ်များ

1 Crónicas 22:13

Chixjunil taa'elq chi us, wi taapaab' li xchaq'rab' ut li xtaqlahom li Qaawa' yeeb'il re laj Moisés cho'q reheb' laj Israel. Kawaq aach'ool ut xaqxooqat chi kaw. Mich'inank aach'ool chi moko tatxiwaq!

Deuteronomio 5:32

Chek'e eech'ool chi xb'aanunkil jo' chanru kextaqla wi' li Qaawa' leeYos. Meejal ru li b'e: ink'a' texxik sa' leenim chi moko sa' leetz'e.

Josué 1:8

Ink'a' taakanab' rilb'al xsa' xhuhil li Chaq'rab' a'in; chak'oxla rix chi q'eq ut chi kutan. Chi jo'kan junelik taab'aanu li k'aru naxye; tat-usaaq ut chaab'il tat-elq sa' chixjunil laak'anjel.

Proverbios 4:27

Maajal laab'e, chi moko sa' laanim uq' chi moko sa' laatz'e uq' tatxik; ut junelik wanqat sa' tiikilal.

Josué 11:15

Jo' tz'aqal kixye li Qaawa' re laj Moisés laj k'anjel chiru, jo'kan ajwi' naq kichaq'rab'iik laj Josué xb'aan laj Moisés, ut kixb'aanu chi tz'aqal re ru: maajun reheb' li aatin yeeb'il xb'aan li Qaawa' re laj Moisés ink'a' ta kixb'aanu.

Deuteronomio 12:32

“Chepaab' ut chek'anjela ru li xexintaqla wi' chi maak'a' teetiq ru chi moko teerisi.

Deuteronomio 31:7

Chirix chik a'an laj Moisés kixb'oq laj Josué ut kixye re chiruheb' chixjunil laj Israel: “Kawaq aach'ool ut matxiwak! Laa'at tat-ok, aawochb'eeneb' li tenamit a'in, sa' li ch'och' kixyeechi'i xk'eeb'al li Qaawa' reheb' leena' leeyuwa', ut laa'at taaq'axtesi reheb' re naq te'ok chisa'.

Deuteronomio 29:9

Chepaab' b'i' chi tz'aqal re ru chixjunileb' li raatinul li Sumwank a'in ut chek'anjela ru, re naq us wanqex sa' chixjunil leek'anjel.

Deuteronomio 28:14

wi ink'a' taajach aawib' rik'ineb' li aatin nakatintaqla wi' anaqwan, chi moko sa' aaseeb'al chi moko sa' aatz'e. Matxik chirixeb' li jalanil yos re xk'anjelankil ruheb'.

Proverbios 8:20

Laa'in ninb'eek sa' li tiikilal, ut sa' xb'ehil li tz'aqal yaal,

1 Reyes 2:3

Chapaab' li xtaqlahom li Qaawa' laaYos. Chapaab' li raatin, li xq'usum, li xtijleb' ut li xchaq'rab' xtz'iib'ahom laj Moisés, re naq us tat-elq sa' chixjunil li taab'aanu yalaq b'ar tatxik.

Números 27:23

Laj Elehasar kixk'e eb' li ruq' sa' xb'een xjolom laj Josué ut kixchaq'rab'i chi chaab'il, jo' yeeb'il re laj Moisés xb'aan li Qaawa'.

Josué 1:1

Chirix li xkamik laj Moisés, aj k'anjel chiru li Qaawa', li Qaawa' kiraatina laj Josué, ralal laj Nun ut aj tenq' re laj Moisés, ut kixye re:

Deuteronomio 11:8

“Chepaab' b'i' chixjunil li chaq'rab' nekexintaqla wi' anaqwan, re naq texkawuuq ut toxeereechani li ch'och' b'arwi' xik eere.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Josué 23:6

“Q'axal cheyal eeq'e chi xpaab'ankil ut xk'anjelankil ru chixjunil li tz'iib'anb'il sa' xhuhil li xChaq'rab' laj Moisés. Chepaab'aq chi tz'aqal re ru.

1 Reyes 2:2

“Chi seeb' tinq'ajq tinsutq'iiq, jo' neke'xk'ul chixjunileb'. Kawaq aach'ool ut wanqat jo' chaab'il winq.

2 Reyes 22:2

Laj Josías kixb'aanu li nawulak chiru li Qaawa', ut tz'aqal kixtaaqe li xb'e laj David li xyuwa': kixpaab' li Yos chi tz'aqal re ru.

2 Crónicas 15:7

A'ut laa'ex mich'inank eech'ool ut kaw xaqxooqex, xb'aan naq wank xq'ajkamunkil leek'anjel”.

Li xHu LAJ JOB 1:8

Ut li Qaawa' kixye re: —Ma xak'e reetal laj Job laj k'anjel chiwu? Maajun junaq jo' a'an sa' ruuchich'och'. A'an jun li winq tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Daniel 10:19

Chirix chik a'an kixye we: «Matxiwak ut matk'oxlak. Saho'qat ut kawaq taxaq laach'ool: li Yos jwal nakatxra». “Ut naq toj yo chi aatinak wik'in, kikawuuk wi' chik linch'ool ut kinye re: «Aatinan, at inqaawa', xb'aan naq xak'e xkawub' linch'ool», chankin re.

Deuteronomio 4:2

Maak'a' teetiq re li texintaqla wi', chi moko wank ta teerisi; teepaab' b'an chixjunileb' li xchaq'rab' li Qaawa' leeYos, jo' chanru tinye eere.

Deuteronomio 29:8

Kiqeechani li xtenamiteb' ut laa'in kink'e chi reechanihomeb' laj Rubén, laj Gad ut jun xyiijacheb' xteepal laj Manasés.

2 Crónicas 26:5

Li propeet Sakarías kixk'ut chiru laj Osías roxloq'inkil li Qaawa'. Ut naq kiyo'yook li propeet, laj Osías kixk'e xch'ool chi xsik'b'al li Qaawa'; jo'kan naq ki'osob'tesiik xb'aan li Yos ut jwal us ki'elk rik'in chixjunil li kixb'aanu.

Salmos 80:19

Maajoq'e chik toonajto'q aawik'in; chak'e qayu'am ut tqayaab'a laak'ab'a'.