Jonás 4:11 - Q'eqchi Bible

¹¹ Ma toja' ta chik laa'in ink'a' traho'q linch'ool chirix li nimla tenamit Nínive, b'arwi' wankeb' waqk'aal mil chi poyanam li ink'a' neke'xnaw xk'eeb'al reetal b'ar wank li us ut li ink'a' us, ut k'ajo'eb' li ketomq wankeb' chisa'?”.

Li Santil hu

¹¹ Cui ra xacuecꞌa nak xchakic li jun to̱n chi cꞌum, ¿ma tojaꞌ ta chic la̱in incꞌaꞌ tincuil xtokꞌoba̱l ruheb li tenamit Nínive? Saꞌ li tenamit aꞌan cuan numenak cuakcꞌa̱l mil (120,000) chi cristian ut eb aꞌan incꞌaꞌ nequeꞌxnau xqꞌuebal retal bar cuan li us ut bar cuan li incꞌaꞌ us. Ut cuanqueb ajcuiꞌ nabal li xul. ¿Ma incꞌaꞌ ta biꞌ us xtokꞌobanquil ru li tenamit aꞌan? chan li Dios.

Jonás 4:11 ပူးပေါင်းရင်းမြစ်များ

San Mateo 18:33

Ma ink'a' raj xruuk naq xatoq'ob'a ru laawech moosil, jo' naq xintoq'ob'a aawu laa'in?».

Jonás 1:2

“Kawresi aawib' ut ayu Nínive, li xnimal ru tenamit, ut ye reheb' naq chalk re li tojb'amaak sa' xb'eeneb', xb'aan naq toj wik'in xwulak resil li xmaa'usilaleb'”.

Salmos 36:6

At Qaawa', toj sa' choxa nawulak laarahom, toj sa'eb' li choql nawulak xnimal laachaab'ilal;

Deuteronomio 1:39

Ab'an leekok'al li kek'oxla laa'ex naq te'sache'q ru, a'eb' leeralal eek'ajol li toj maji' neke'xnaw li us ut li ink'a' us, a'an yaal naq te'ok aran. A'aneb' li tinq'axtesi wi' li na'ajej, ut a'aneb' te'eechaninq re.

Salmos 104:14

Nakak'e chi moqk li pach'aya' cho'q xwaheb' li ketomq, ut neke'yo'laak li che' li neke'k'anjelak re li winq, re naq tixtaw sa' li ch'och' li xwa ruk'a':

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Isaías 7:16

Ab'anan naq toj maji' tixnaw xtz'eqtaanankil li ink'a' us ut xsik'b'al li k'aru us, li xch'och'eb' li wiib' chi awab'ej li nakaxiwa ruheb' taakanaaq chi maajun chik xpoyanamil.

Isaías 37:37

Toja' naq laj Senakerib, awab'ej re Asiria, kixmoch eb' li xmuheb'aal ut kisutq'iik sa' li tenamit Nínive, ut aran kikanaak.

Jonás 4:10

Ut li Qaawa' kixye re: “Laa'at naraho'k aach'ool naq xchaqik li jun toon chi che'kenq'. Ut moko laa'at ta xat-awok re chi moko xak'e chi k'iik; chiru jun q'oqyink xyo'laak ut chiru li q'oqyink jun chik xkamk.

Génesis 9:10

jo' ajwi' rik'in chixjunileb' li xul li xe'ochb'eenink eere ut xe'elk sa' li jukub' kab'l: eb' li xik'anel xul, li ketomq ut eb' li wankeb' sa' pim, rik'in chixjunileb' li xul sa' ruuchich'och'.