Jonás 3:4 - Q'eqchi Bible

⁴ Laj Jonás ki'ok chi xtoqb'al ru li tenamit, ut chiru jun kutan japjo re chi xyeeb'al chi kaw xyaab' xkux: “Sa' ka'k'aal kutan taajuk'manq Nínive”.

Li Santil hu

⁴ Nak qui-oc laj Jonás saꞌ li tenamit quixtiquib xyebal li cꞌaꞌru quiyeheꞌ re xban li Dios. Quixnumsi li jun cutan xbeninquil li tenamit ut yo̱ chixyebal reheb: —Joꞌcaꞌin saꞌ caꞌcꞌa̱l cutan li tenamit Nínive ta̱sachekꞌ ru xban li Dios, chan.

Jonás 3:4 ပူးပေါင်းရင်းမြစ်များ

Deuteronomio 18:22

Wi li xyehom li propeet sa' xk'ab'a' li Qaawa' ink'a' taak'ulmanq ut ink'a' taatz'aqloq ru, a'an naraj naxye naq moko li Qaawa' ta xyehok re li aatin a'an. Li propeet a'an, yal xyoob' rib' chi xyeeb'al li aatin a'an. Jo'kan naq maaxiwa ru.

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.

2 Reyes 20:6

O'laju chihab' chik tatyo'yooq sa' ruuchich'och'. Tatinkol laa'at jo'wi' Jerusalén sa' ruq' li awab'ej re Asiria ut sa' xk'ab'a' linloq'al ut xb'aan xraab'al laj David, laj k'anjel chiwu, tinmuheela li tenamit a'in»”.

2 Reyes 20:1

Sa'eb' li kutan a'an kiyajerk laj Esekías. Naq kamk re, kiwulak laj Isaías, ralal laj Amós, chi xyeeb'al re: “Jo'ka'in xye li Qaawa': «Tusub' ru chixjunil xsa' laawochoch, xb'aan naq kamk aawe ut ink'a' chik tatk'iraaq»”.

San Mateo 12:41

Eb' laj Nínive te'wakliiq chaq sa' xkutankil li raqb'a aatin rochb'eeneb' li tenamit a'in ut te'xteneb' tojb'amaak sa' xb'eeneb', xb'aan naq eb' laj Nínive ke'xyot' xch'ool ke'xjal xk'a'uxl naq ke'rab'i li xpuktesihom laj Jonás; ut arin wank li naxq'ax ru laj Jonás.

San Lucas 11:30

Jo' laj Jonás kiwank chaq cho'q eetalil chiruheb' laj Nínive, jo'kanaq ajwi' li K'ajolb'ej chiruheb' li tenamit a'in.

San Lucas 11:32

Eb' laj Nínive te'wakliiq chaq sa' xkutankil li raqb'a aatin rochb'eeneb' li tenamit a'in ut te'xteneb' tojb'amaak sa' xb'eeneb', xb'aan naq eb' laj Nínive ke'xyot' xch'ool ke'xjal xk'a'uxl naq ke'rab'i li xpuktesihom laj Jonás; ut arin wank li naxq'ax ru laj Jonás.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.