Jonás 2:9 - Q'eqchi Bible

⁹ A'ut laa'in tinyoxinq ut tinmayejaq chawu; tinb'aanu li k'aru inyeechi'om aawe. At Qaawa', ka'ajwi' aawik'in nachalk li kolb'a ib'”.

Li Santil hu

⁹ Abanan la̱in tinqꞌue a̱lokꞌal ut tinmayejak cha̱cuu. Tinba̱nu li cꞌaꞌru quinyechiꞌi a̱cue. Li colba-ib junes a̱cuiqꞌuin la̱at nachal chak, at Ka̱cuaꞌ, chan laj Jonás.

Jonás 2:9 ပူးပေါင်းရင်းမြစ်များ

Salmos 3:8

Xaqlin, at Qaawa'! Chinaakol, at inYos! Xatz'ajiheb' chawuq' chixjunileb' li xik' neke'ilok we, xajori li ruuch reheb' li ink'a' useb' xch'ool.

Salmos 50:14

Laa'in li Nimajwal Yos! Li mayej li taaq'axtesi we, a'an jun ch'oolej li naxnaw yoxink; chab'aanu chi tz'aqal li xayeechi'i we.

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Salmos 50:23

Li mayej naxk'e inloq'al, a'an jun ch'oolej li naxnaw yoxink. Chinaapaab', ut laa'in tatinkol”.

Oseas 14:2

Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

Salmos 68:20

Usilaatinanb'il taxaq li Qaawa' wulaj wulaj! A'an na'ilok qe, a'an li Yos aj kolol qe.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Isaías 45:17

A'ut laj Israel kolb'ilaq xb'aan li Qaawa', kolb'ilaq chi junajwa. Maajaruj chik texk'ehe'q sa' xutaan chi moko texse'eeq.

Apocalipsis 7:10

Ut eb' a'an ke'xjap re chi kaw xyaab'eb' xkux: “Li kolb'a ib' nachalk rik'in li qaYos k'ojk'o sa' li xnimajwal k'ojarib'aal, ut rik'in li Karneer”, chankeb'.

San Juan 4:22

Laa'ex nekeloq'oni li b'arwan ink'a' nekenaw; laa'o naqaloq'oni li naqanaw, xb'aan naq li kolb'a ib' rik'ineb' laj Judiiy nachalk chaq.

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Li xHu LAJ JOB 22:27

Toja' naq tatrab'i, wi tattijoq chiru; taab'aanu li k'aru xayeechi'i re,

Génesis 35:3

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

Hechos 4:12

Xb'aan naq maa'ani chik aj ik'in wank li kolb'a ib'; maak'a' chik junaq k'ab'a'ej rub'el choxa k'eeb'il qe cho'q aj Kolonel.

Salmos 107:22

Chexmayejaq ut chexyoxinq, yehomaq resil li xninqal xb'aanuhom chi sa sa' eech'ool!

2 Samuel 15:7

Kaahib' chihab'aq chik a'an, laj Absalón kixye re li awab'ej: “Chakuy inmaak, kanab'in chi xik Hebrón re naq tinpaab' chaq li b'arwan inyeechi'om re li Qaawa'.

Deuteronomio 23:18

Maak'am sa' rochoch li Qaawa' laaYos li tumin neke'xk'ul li neke'xk'ayi rib'eb', a' yaal chanru xayeechi'i re li Qaawa'. Xb'aan naq li na'leb' a'an tz'i'b'eetal chiru li Qaawa' laaYos.

Salmos 27:1

Xsaalm laj David. Li Qaawa' a'an linkutan saqenk ut laj kolol we: ani tinxiwa ru? Li Qaawa' a'an li xkawilal linyu'am: k'a' naq siksootqin?

Salmos 95:2

Choojiloq chi xk'atq rik'in b'anyoxink ut choob'ichanq re xloq'oninkil ru.

1 Samuel 12:21

Mexxik chirixeb' li maawa'eb' yos. Eb' a'an ink'a' neke'kolok ut maak'a' neke'ok wi', xb'aan naq yal k'oxlanb'ileb' yos.