Jonás 2:2 - Q'eqchi Bible

² ut kixye chi jo'ka'in: “Sa' xrahilal inch'ool xintijok chawu, at Qaawa', ut xinaasume chaq. Toj sa' xchamal li xna'ajeb' li kamenaq xinpatz' chaq laak'ab'a', ut laa'at xinaawab'i.

Li Santil hu

² Ut quixye: —Nak cuanquin saꞌ raylal quinya̱ba la̱ cꞌabaꞌ, at inDios, ut la̱at xina̱cuabi. Nak cuanquin chak saꞌ xnaꞌajeb li camenak, quintzꞌa̱ma intenkꞌanquil cha̱cuu ut la̱at xina̱sume.

Jonás 2:2 ပူးပေါင်းရင်းမြစ်များ

Salmos 120:1

B'ich re li taqsink. Naq wankin chaq sa' rahilal, xinpatz' xk'ab'a' li Qaawa', ut a'an xinxsume.

Salmos 34:6

Eb' li neke'xka'ya li Qaawa' taalemtz'unq li rilob'aaleb' kama' li saq'e; ink'a' te'kaqo'q xb'aaneb' xxutaan.

Salmos 86:13

xb'aan naq jwal nim linraab'al aab'aan: laa'at xatkolok we chiru li kamk.

Hebreos 5:7

Chiru li xyu'am arin sa' ruuchich'och', li Kriist kitz'aamank ut ki'elajink chi kaw xyaab' xkux ut rik'in xya'al ru chiru li Yos, li wank xwankil chi kolok re chiru li kamk, ut ki'ab'iik xb'aan naq tiik xch'ool.

1 Samuel 30:6

K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos

San Mateo 12:40

Jo' naq kiwank chaq laj Jonás sa' xsa' li nimla kar oxib' kutan ut oxib' q'oqyink, jo'kan ajwi' taawanq li K'ajolb'ej sa' xch'ool li ch'och' oxib' kutan ut oxib' q'oqyink.

Salmos 116:3

Xinxsut chaq li xwankil li kamk, xinsutunk xb'aan xra'al li xb'alb'a: k'ajo' naq xraho'k ut xyot'e'k li waanm!

Salmos 22:24

Laa'ex li nekexxiwank ru li Qaawa', chek'ehaq xloq'al. Chixjunil li riyajil laj Jakob, cheterq'usiiq xk'ab'a'. Ex ralal xk'ajol laj Israel, chexiwa ru li Yos!

Salmos 4:1

Re li xjolomileb' laj b'ichanel. Rik'ineb' li wajb' li wankeb' li ru. Xsaalm laj David.

San Lucas 22:44

Ut naq yo chi k'aachi'ik, kaw chik ki'ok chi tijok: li xtiqob' kama' ninqi tz'uqul chi kik' naq kit'ane'k sa' ch'och'.

Isaías 14:9

Xe'sachk xch'ooleb' li kamenaq aab'aan ut xe'elk chaq chak'ulb'al sa' xb'alb'a. Sa' aak'ab'a' xe'ajk ru eb' li kamenaq, ut eb' li awab'ej rochb'eeneb' li wankeb' xwankil sa' ruuchich'och' xe'waklije'k.

Salmos 65:2

At qaYos, aak'ulub' li loq'oniik arin Sión, tento xk'eeb'al aawe li k'aru xqayeechi'i,

Salmos 61:2

At inYos, chawab'i taxaq xyaab' linkux, chasume taxaq lintij!

Salmos 16:10

Xb'aan naq ink'a' tinaakanab' sa' xna'ajeb' li kamenaq, chi moko taak'e chi q'aak laawamiiw.

Hechos 2:27

xb'aan naq ink'a' tinaakanab' sa' xna'ajeb' li kamenaq chi moko taak'e chi q'aak laj santil k'anjel chawu.

1 Samuel 1:16

Maak'oxla naq laa'in jun li ixq ink'a' us inna'leb'. Xb'aan xrahil ut xyot'ik linch'ool yookin chi tijok anaqwan”, chan.

Lamentaciones 3:55

Toj sa' xchamal li jul xinyaab'a chaq laak'ab'a', at Qaawa',

Ezequiel 26:20

ut tatsob'e'q toj sa' xna'ajeb' li kamenaq, sa' xyanqeb' li ke'sache'k ru najter; tatinkut sa' xb'alb'a, re naq maajoq'e chik tattenamito'q sa' ruuchich'och', sa' xyanqeb' li yo'yookeb'.

Ezequiel 31:14

Maajun chik che' taak'iiq chi najt xteram ut taawulaq toj sa'eb' li choql; us ta taak'iiq chire ha' malaj t'aqresinb'ilaq chi us, maajun chik tixnima rib' xb'aan li xteram. Xb'aan naq chixjunileb' teneb'anb'il li oso'k sa' xb'eeneb', te'xik sa' xchamal li jul, jo' naq chixjunileb' li poyanam neke'q'ajk neke'sutq'iik.

2 Crónicas 33:12

Naq ak wank chik sa' xnimal rahil ch'oolej, laj Manasés kitijok chiru li Qaawa' li xYos ut kixkub'si chi us xwankil chiru li xYos eb' li xxe'toonil yuwa'.

San Lucas 11:10

Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru.