Jonás 1:4 - Q'eqchi Bible

⁴ Ab'an li Qaawa' kixwaklesi jun kawil iq' chiru li palaw, ut kiwakliik jun kaqsut-iq' li kach'in chik maa kixjuk' li jukub'.

Li Santil hu

⁴ Abanan li Ka̱cuaꞌ quixtakla jun li ca̱k-sut-ikꞌ saꞌ xbe̱n li palau. Numtajenak cuiꞌchic cau li ca̱k-sut-ikꞌ. Queꞌxcꞌoxla nak oc re chi jachecꞌ li jucub.

Jonás 1:4 ပူးပေါင်းရင်းမြစ်များ

Amós 4:13

Xb'aan naq a' li Qaawa' nak'uub'ank reheb' li tzuul, ut a'an nayoob'ank re li iq'. A'an naxk'ut chiru li winq ut li ixq li k'aru wank sa' xch'ool, ut naxsutq'isi li saqenk cho'q aak'ab'. A'an naxb'eeni eb' li tzuul sa' chixjunil li ruuchich'och': li Qaawa', li Nimajwal Yos naxk'ab'a'in.

Salmos 135:7

Naxtaqsiheb' li choql chalen chaq sa' xmaril li ruuchich'och'; naxtaqla chaq li hab' rik'in raq'kaaq, ut narisi chaq li iq' sa' li k'uulanb'il wi' xb'aan.

Éxodo 10:19

ut li Qaawa' kixtaqla chaq jun kawil iq' li ki'elk sa' li palaw, ut kixk'ameb' laj saak', koxkuteb' sa' li Kaqi Palaw. Tik maajun chik aj saak' kikanaak sa' xsutam chixjunil Ejiipt.

Números 11:31

Li Qaawa' kixtaqla chaq jun kawil iq', li kixk'am chaq naab'aleb' laj tonq' ut kolxtuub'eb' sa' xb'eeneb' li xmuheb'aaleb' laj Israel. K'ajo' li xk'ihaleb' laj tonq' ke'chalk chaq sa' xjayal li palaw! Wankeb' sa' xka'pak'alil li xmuheb'aaleb' jo' najtil neke'b'eek li poyanam chiru jun kutan, ut kaahib' k'utub' xteram ke'wulak.

Éxodo 15:10

Laa'at xataqla chaq laamusiq', ut ke'muqunk rub'el li palaw; chanchan raxch'iich' naq ke'sub'e'k sa' xnimal ru li ha'.

Éxodo 14:21

Laj Moisés kixye' li ruq' sa' xb'een li palaw ut li Qaawa' kixtaqla chaq chiru chixjunil li q'oqyink jun kawil iq' li xchalk sa' releb'l saq'e, ut kixchaqihob'resi li palaw: toja' naq kixjek' rib' li ha'.

Éxodo 10:13

Laj Moisés kixye' li xxuq' sa' xb'een Ejiipt, ut li Qaawa' kixtaqla chaq li tiqwal iq' sa' xb'een li tenamit chiru li kutan a'an ut chiru li q'oqyink. Naq kisaqewk, ak wankeb' chik laj saak' aran xb'aan li iq'.

Salmos 135:6

Jo'nimal li nawulak chiru xb'aanunkil, naxb'aanu junsut junrub'el choxa, sa'atqeb' li palaw ut sa' chixjunileb' xchamal li ha'.

Jeremías 51:16

Rik'in li xyaab' xkux neke'ch'utlaak li ha' sa' choxa, ut naxwaklesi eb' li choql toj sa' xmaril li ruuchich'och'. A'an nak'ehok chi repok li kaaq naq yo li hab', ut narisiheb' chaq li iq' b'arwi' k'uulanb'ileb' xb'aan.

Salmos 148:8

laa'ex xam ut saqb'ach, ratz'amke ut k'ajob', laa'at kaqsut-iq' li nakak'anjela ru li xchaq'rab',