Jonás 1:3 - Q'eqchi Bible

³ Ab'anan laj Jonás kixkawresi rib' re elelik chiru li Qaawa' ut koho Jope, ut aran kixtaw jun li jukub' xik xik re Tarsis. Kixtoj li xxikik ut ki'ok chisa' re wulak Tarsis, najt rik'in li Qaawa'.

Li Santil hu

³ Abanan laj Jonás incꞌaꞌ qui-abin chiru li Ka̱cuaꞌ. Quie̱lelic ban chiru. Co̱ saꞌ li tenamit Jope li cuan chire li palau. Aran quixtau jun li nimla jucub ac xic re Tarsis. Quixtoj re nak ta̱xic chi najt saꞌ li tenamit Tarsis ut qui-oc saꞌ li jucub. Saꞌ xchꞌo̱l aꞌan nak yo̱ chixmukbal rib chiru li Ka̱cuaꞌ.

Jonás 1:3 ပူးပေါင်းရင်းမြစ်များ

Josué 19:46

jo'wi' Yerakón, sa' xjayal li palaw, rochb'een chixjunil li na'ajej li wank sa' xka'yab'aal Jope.

Génesis 4:16

Ki'elk laj Kaín chiru li Qaawa' ut kikanaak sa' li na'ajej Nod xk'ab'a', sa' releb'l saq'e, junpak'al Edén.

Hechos 9:36

Kiwank aran Jope jun li ixq aj paab'anel, xTabitá xk'ab'a' (chi jalb'il ru naraj naxye: “Ch'ina Yuk”). A'an naxb'aanu naab'al li usilal ut k'ajo' li lemoox naxk'e.

Hechos 9:43

Laj Pedro naab'al kutan kikanaak aran Jope sa' rochoch jun li winq, aj Simón xk'ab'a', aj chiqol tz'uum.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Isaías 23:6

Ut te'xye: “Ayuqex Tarsis -cha'qeb'- ut tz'uyinqex laa'ex li wankex chire li palaw”.

Isaías 23:1

Resilal li rahilal tixk'ul li tenamit Tiro: Yaab'anqex, ex jukub' re Tarsis, xb'aan naq xjuk'e'k li na'ajej nekexhilank wi'. Naq yookeb' chaq chi sutq'iik Kitim, xe'rab'i resil a'in.

1 Reyes 19:3

Naq kirab'i a'an, laj Elías kichalk xxiw ut ki'elelik re xkolb'al rib': koho toj Berseba li wank sa' xteepal Judá, ut aran kixkanab' laj k'anjel chiru.

2 Ts 1:9

Li xtojb'al rix li xmaakeb' a'an li sachk chi junajwa, ut najt te'wanq rik'in li Qaawa' jo'wi' rik'in li xnimal xloq'al li xwankilal.

1 Corintios 9:16

Wi laa'in ninpuktesi li Chaab'il Esilal, moko naru ta tinnimob'resi wib' rik'in a'an, a'an b'an jun k'anjel teneb'anb'il sa' inb'een. Ut ra chaalel sa' inb'een wi ink'a' ninpuktesi li Chaab'il Esilal!

Hechos 26:19

“Jo'kan utan, at qaawa' Agripa, ink'a' kinq'etq'eti wib' chiru li choxahil moy u,

Ezequiel 27:12

K'ajo' li yakok neke'xb'aanu eb' laj Tarsis aawik'in xb'aan xk'ihal chixjunil laab'ihomal: neke'xjal ru rik'in plaat, q'unch'iich', saqich'iich' ut li raxch'iich'.

Isaías 23:10

K'anjela ru laach'och', a Tarsis, xb'aan naq maak'a' chik li hilob'aal jukub'.

Li xHu LAJ JOB 1:12

Toja' naq li Qaawa' kixye re laj tza: —Us, maak'a' naxye. B'aanu li k'aru taawaj rik'in jo'nimal wank re, ab'anan laj Job maak'a' taab'aanu re, chan li Qaawa'. Chirix a'an laj tza ki'elk rik'in li Qaawa'.

2 Crónicas 2:16

Ut laa'o taaqaset chixjunileb' li che', jo'ch'inal jo'nimal taak'anjelaq chawu, ut sa' xb'een poyte' taaqataqla chiru palaw toj Jope. Chirix chik a'an laa'at tatk'amoq re chixjunil aran Jerusalén”, chan laj Jirán.

Hechos 15:38

A'ut laj Pablo kixk'oxla naq ink'a' truuq te'xk'am chirixeb' li kirisi chaq rib' aran Panfilia ut ink'a' koxrochb'eeniheb' chaq sa' li xk'anjeleb'.

San Lucas 9:62

Li Jesus kixye re: —Maajun li ak xchap li xk'anjelob'aal ut toj taa'iloq wi' chik chirix, usaq cho'q re li xnimajwal awab'ejihom li Yos.

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

Isaías 60:9

A'aneb' li jukub' li xe'chalk wik'in, k'amolb'eheb' chaq li jukub' re Tarsis; toj najt xe'xk'ameb' chaq laawalal aak'ajol rochb'eeneb' chaq xplaat ut li x'oor, sa' xk'ab'a' li Qaawa' laaYos, li xSant laj Israel, li nak'ehok aaloq'al.

Isaías 2:16

sa' xb'eeneb' li jukub' re Tarsis ut sa' xb'een chixjunileb' li jukub' neke'k'amok chaab'il eechej.

Li xHu LAJ JOB 2:7

Chirix a'an laj tza ki'elk rik'in li Qaawa', ut kixrahob'tesi laj Job rik'in yib' aj sankil xox sa' chixjunil li xjunxaqalil.

1 Reyes 19:9

Aran ki'ok sa' jun li ochoch pek b'arwi' kixnumsi li q'oqyink. Ab'anan ki'aatinaak xb'aan li Qaawa', li kixye re: “K'aru yookat arin, a Elías?”.

Génesis 3:8

Chirix chik a'an ke'rab'i xyaab' roq li Qaawa' Yos yo chi b'eek ewu sa' li awimq, sa' xhonal naq namayusink li iq'. Li winq ut li rixaqil ke'xmuq rib' chiru li Qaawa' Yos sa' xyanqeb' li che', sa' xna'aj li awimq.

Hechos 9:38

Lida nach' wank rik'in Jope ut, naq eb' laj paab'anel ke'rab'i resil naq laj Pedro wank aran, ke'xtaqla wiib' chi winq re xb'oqb'al: “Chalqat chi junpaat qik'in”, chankeb' re.

Hechos 9:42

A'in kinawmank sa' xsutam chixjunil Jope, ut naab'aleb' ke'paab'ank re li Qaawa'.

Esdras 3:7

Ke'xk'e xtumineb' laj sik'ol pek ut eb' laj peech'. Ke'k'ehe'k ajwi' xwa ruk'a' ut x'aseeyt eb' laj Sidón ut eb' laj Tiro, re naq chiru palaw te'xtaqla chaq Jope li chaab'il yaw re Líbano, jo' kiyehe'k reheb' xb'aan laj Siro, awab'ej re Persia.

Salmos 107:23

Ke'ok sa' li jukub' ut ke'xchap xb'e sa' li palaw, ut ke'xk'am xk'ay re yakok sa'atqeb' li k'iila ha'.

Jeremías 10:9

Neke'xk'am chaq li tenb'il plaat aran Tarsis ut li oor re Ofir; laj tenol plaat ut laj pak'onel neke'yiib'ank re ut neke'xtiqib' rik'in kaq ut kaqmoqinkil t'ikr: chixjunil a'an yal xk'uub'ahom li xseeb'al li winq.

Jonás 1:10

Laj Jonás kixye ajwi' naq elelik yo chiru li Qaawa'. Ut naq eb' laj b'eresinel jukub' ke'ril naq li palaw q'axal chik yo chi kawuuk roq, k'ajo' naq ke'xiwak ut ke'xpatz' re: “K'a'ut naq xab'aanu a'in? K'aru tqab'aanu aawe re naq taach'anaaq ru li ha'?”, chankeb' re.

2 Crónicas 2:15

Jo'kan naq chataqla chaq rik'ineb' laamoos li triiw, li seb'aad, li aseeyt ut li b'iin li xayeechi'i laa'at, at awab'ej.

2 Crónicas 9:21

xb'aan naq li awab'ej wank xjukub'eb' re Tarsis rochb'eeneb' laj k'anjel chiru laj Jirán, ut rajlal ox ox chihab' neke'k'ulunk eb' li jukub' aran Tarsis ut neke'xk'am chaq oor, plaat, marfil, eb' li b'atz' ut eb' li chakak.

Ezequiel 2:8

“At kaamel winq, ab'i chi us li k'aru ok we chi xyeeb'al aawe, ut maaq'etq'eti aawib' jo' li q'etq'etil tenamit a'an. Te laawe ut tzeka li tink'e aawe”, chan li Qaawa'.