Jonás 1:16 - Q'eqchi Bible

¹⁶ Ut eb' li winq a'an naq ke'ril li xk'ulmank, ke'xpaab' li Qaawa' chi anchaleb' xch'ool, ke'mayejak chiru ut wank k'a'aq chik ru ke'xyeechi'i re.

Li Santil hu

¹⁶ Nak queꞌril li cꞌaꞌru quixba̱nu li Dios, queꞌxxucua ru ut queꞌmayejac chiru ut queꞌxyechiꞌi ajcuiꞌ re nak teꞌcꞌanjelak chiru.

Jonás 1:16 ပူးပေါင်းရင်းမြစ်များ

Salmos 107:22

Chexmayejaq ut chexyoxinq, yehomaq resil li xninqal xb'aanuhom chi sa sa' eech'ool!

Salmos 50:14

Laa'in li Nimajwal Yos! Li mayej li taaq'axtesi we, a'an jun ch'oolej li naxnaw yoxink; chab'aanu chi tz'aqal li xayeechi'i we.

Génesis 8:20

Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

Hechos 5:11

Ut jun xnimal xxiweb' ki'ok sa' xch'ooleb' chixjunil li Iklees jo'wi' sa' xch'ooleb' chixjunileb' li ke'ab'ink re a'an.

San Marcos 4:31

Chanchan jun t'orol li mostaas: naq na'awmank sa' ch'och', q'axal kach'in chiruheb' chixjunil li iyaj li wankeb' sa' ruuchich'och';

Jonás 1:10

Laj Jonás kixye ajwi' naq elelik yo chiru li Qaawa'. Ut naq eb' laj b'eresinel jukub' ke'ril naq li palaw q'axal chik yo chi kawuuk roq, k'ajo' naq ke'xiwak ut ke'xpatz' re: “K'a'ut naq xab'aanu a'in? K'aru tqab'aanu aawe re naq taach'anaaq ru li ha'?”, chankeb' re.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Isaías 26:9

Chiru li q'oqyink nawataw wank aawik'in ut toj eq'la nakatinsik' chi anchal inch'ool. Naq nakatraqok aatin sa' ruuchich'och', eb' li poyanam neke'xtzol wank sa' tiikilal.

Eclesiastés 5:4

Wi wank k'aru xayeechi'i re li Qaawa', matb'ayk chi xb'aanunkil, xb'aan naq li Yos ink'a' nawulak chiru eb' li jipeb' li ink'a' neke'xb'aanu li xe'xyeechi'i. A'ut laa'at jo'ch'inal jo'nimal xayeechi'i, b'aanu.

Salmos 116:14

Chi anchal linch'ool tinb'aanu li xinyeechi'i re linYos, chiruheb' chixjunil li xtenamit.

2 Reyes 5:17

Toja' naq laj Nahamán kixye: “Laa'at ink'a' xak'ul laamaatan. B'aanu usilal, si kach'inaq inch'och', riiqeb' wiib'aq chi muul sa' lintenamit, xb'aan naq ink'a' chik tinmayejaq chi moko tink'at inmayej chiruheb' li jalanil yos. Ka'ajwi' chiru li Qaawa' tinloq'oninq.

Jueces 13:16

Ab'an li x'ánjel li Qaawa' kichaq'ok ut kixye: “Us ta taamin wu chi kanaak, moko truuq ta tinyal laatzekemq. Ab'anan wi taawaj xkawresinkil junaq aak'atb'il mayej, yeechi'i chiru li Qaawa'”, chan. Xb'aan naq laj Manóhaj ink'a' naxnaw naq a'an li x'ánjel li Qaawa'.

Génesis 28:20

Aran laj Jakob kixyeechi'i a'in chiru li Qaawa': “Wi li Yos tinxb'eresi ut tinxkol chiru linb'eenik, wi tixk'e inwa ut li waq',

Jonás 1:14

Toja' naq ke'tijok chiru li Qaawa' ut ke'xye: “At Qaawa', moohaakanab' chi kamk xb'aan li winq a'in. Ut wi maak'a' xmaak, maak'e li xkamik sa' qab'een, xb'aan naq laa'at, at Qaawa', nakatraqok aatin jo' naxk'ul laach'ool”.

Li xHu LAJ JOB 37:24

Jo'kan naq naxiwaak ru xb'aaneb' li poyanam. Jo'k'ihaleb' wankeb' xna'leb' tento naq te'roxloq'i.

Jeremías 5:22

Ma ink'a' nekexiwa wu laa'in? -chan li Qaawa'-. Ma ink'a' teesiksiki eerib' xb'aan eexiw chiwu? Laa'in kink'e li samahib' cho'q xramleb' li palaw, a'an jun nub'ajl li ink'a' naru xq'axb'al. Us ta te'wakliiq li xkawil oq li ha' ut kaw te'eek'anq, ab'an ink'a' te'nume'q sa' xb'een.