Joel 3:4 - Q'eqchi Bible

⁴ “K'aru teeraj wik'in laa'ex aj Tiro ut aj Sidón ut chejunilex li wankex sa' xteepal Filistea? Ma teeraj eeqajunk sa' inb'een? Wi wank k'aru nekeraj xpatz'b'al reeqaj we, chi seeb' tink'e leeq'ajkamunkil jo' chanru eek'ulub'!

Li Santil hu

⁴ La̱ex laj Tiro ut la̱ex laj Sidón ut che̱junilex la̱ex laj filisteo, ¿cꞌaꞌru te̱raj cuiqꞌuin? ¿Ma cuan ta biꞌ cꞌaꞌru xinba̱nu e̱re la̱in ut te̱raj te̱qꞌue re̱kaj cue? Chi se̱b tinsukꞌisi cuiꞌchic saꞌ e̱be̱n la̱ex li nequecꞌoxla xba̱nunquil. E̱cꞌulub nak tinba̱nu e̱re chi joꞌcan.

Joel 3:4 ပူးပေါင်းရင်းမြစ်များ

Jeremías 47:4

Xwulak xkutankil xsachb'al ruheb' laj Filistea, naq te'oso'q chixjunileb' li neke'tenq'ank re Tiro ut Sidón”. Li Qaawa' tixjuk' xwankileb' laj Filistea, li jo'k'ihaleb' ke'chalk Kreta, chire li palaw.

Isaías 59:18

Li Qaawa' tixq'ajkamu li junjunq jo' chanru li xk'ulub': tixrahob'tesiheb' laj rahob'tesinel ut taa'eeqajunq sa' xb'eeneb' li xik' neke'ilok re, sa' xb'eeneb' ajwi' li tenamit sutsuukeb' xb'aan li palaw.

Isaías 34:8

Xb'aan naq a'anaq xkutankil li eeqajunk cho'q re li Qaawa', a'anaq xchihab'il li q'axok u cho'q re laj kolol re Sión.

2 Ts 1:6

Relik chi yaal naq tiik xch'ool li Yos, ut tixq'ajkamu rik'in rahilal eb' li neke'rahob'tesink eere;

Hechos 9:4

T'anaamil sa' ch'och', kirab'i jun xyaab' kuxej yo chi xyeeb'al: “At Saúl, at Saúl, k'a'ut naq xik' yookat chi wilb'al?”.

San Lucas 18:7

Ma toja' ta chik li Yos ink'a' tixkoleb' li sik'b'ileb' ru xb'aan, li neke'yaab'ank re li xk'ab'a' chi q'eq ut chi kutan, us ta tixk'eheb' chi oyb'enink?

San Mateo 11:21

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'xk'e raj cha sa' xb'eeneb'.

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

2 Crónicas 21:16

Toja' naq li Qaawa' kixchiq' xjosq'ileb' laj Filistea ut eb' laj Arabia li wankeb' chi rechkab'aleb' laj Etiopía, re xik' te'ril laj Jorán:

Jueces 11:12

Chirix chik a'an kixtaqlaheb' aj esil rik'in li awab'ej re Amón re xyeeb'al: “K'aru xinb'aanu aawe naq taawaj chalk anaqwan chi yalok rik'in lintenamit?”.

Deuteronomio 32:35

cho'q re xkutankil li tojb'amaak, naq laa'in tink'e reeqaj li xb'aanuhomeb' ut taachalq xq'ehil li xt'anikeb'? Chalk re xkutankil li xsachikeb', chi seeb' taachalq li roso'jikeb'.

San Mateo 11:22

A'ut laa'in ninye eere: kotzko b'ayaq li rahilal te'xk'ul Tiro ut Sidón chiru li teek'ul laa'ex sa' xkutankil li raqb'a aatin.

San Lucas 10:13

“Ra chaalel sa' aab'een, at Korasín! Ra chaalel sa' aab'een, at Betsaida! Xb'aan naq wi ta aran Tiro ut Sidón kilaj'uxmank li sachb'ach'oolej li xe'uxk sa' eeyanq, ak junxil raj neke'xjal xk'a'uxl, xe'xtiqib' raj rib' rik'in q'es ruhil t'ikr ut xe'chunlaak raj sa' cha.

San Lucas 10:14

Jo'kan naq kotzko b'ayaq li rahilal te'xk'ul Tiro ut Sidón chiru li teek'ul laa'ex sa' xkutankil li raqb'a aatin.

Isaías 14:29

“Ex aj Filistea, misaho'k leech'ool naq xtoqe'k li xche' li xrahob'tesink eere; xb'aan naq sa' xyanq xmol junaq k'anti' taayo'laaq jun q'anb'olay, ut chirix a'an jun li xiwajel k'anti' taarupupiq.

Jeremías 47:1

A'an a'in li aatin kixye li Qaawa' re laj Jeremías, li propeet, chirixeb' laj Filistea, naq toj maji'aq na'eechaniik Gasa xb'aan laj Parahón.

Joel 2:2

a'an xkutankil li aak'ab' ut li q'oqyink, xq'ehil li q'oqyinkil choql ut li mu! Jo' naq nahik'e'k li kutan sa' xb'een li tzuul, jo'kan ajwi' yooqeb' chi chalk eb' laj saak', jo' jun teep chi aj puub' q'axal naab'aleb' ut kaweb' rib': maajun wa ilb'il ru a'in chi moko tox'ilmaq chik moqon sa' xyanqeb' li k'iila teep chi tenamit chaalel.

Joel 2:10

Hich'lotq li ch'och' sa' xna'aj naq yooqeb' chi chalk eb' laj saak'; li choxa taachiq'chiq'iiq, li saq'e ut li po taaq'oqyino'q ru, ut taa'aak'ab'o'q ruheb' li chahim.