Joel 3:17 - Q'eqchi Bible

¹⁷ “Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Li Santil hu

¹⁷ La̱ex te̱nau nak la̱in li Ka̱cuaꞌ le̱ Dios ut cuanquin saꞌ lin santil naꞌaj saꞌ xbe̱n li tzu̱l Sión. Li tenamit Jerusalén ta̱santobresi̱k ut incꞌaꞌ chic teꞌcha̱lk li jalaneb xtenamit chi numta̱c saꞌ xbe̱n li tenamit Israel.

Joel 3:17 ပူးပေါင်းရင်းမြစ်များ

Joel 2:27

Toja' naq laa'ex aj Israel teenaw naq wankin sa' eeyanq; laa'in li Qaawa' leeYos, ut maak'a' chik junaq chiwu laa'in! Ut lintenamit maajoq'e chik taak'ehe'q sa' xutaan”.

Nahum 1:15

Waye' chaq sa' xb'eeneb' li tzuul laj yehol resil li tuqtuukilal! Ninq'ehin, at Judá, ut maayejan xb'aan naq ink'a' chik taanume'q aawik'in laj sachonel: xsache'k chi junajwa.

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Isaías 4:3

“Santil tenamit” te'xk'ab'a'in li te'kole'q aran Sión, jo'k'ihaleb' li ink'a' ke'sache'k ru sa' li tenamit Jerusalén ut tz'iib'anb'il xk'ab'a'eb' sa' xyanqeb' li yo'yookeb'.

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Joel 3:21

Laa'in tin'eeqajunq chirix li xkik'eleb', moko taakanaaq ta yal chi jo'kan. Ut sa' li tzuul Sión tink'ojob' linmuheb'aal chi junajwa”, chan li Qaawa' Yos.

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Daniel 11:45

Tixk'ojob' li xmuheb'aal sa' xyanq li palaw rik'in li xchaq'alil ru tzuul. Ab'anan aran taawulaq xhonalil li xkamik, ut maajun taatenq'anq re.

Ezequiel 48:35

Li roq chixjunil li xsuttz'akil li tenamit a'an kach'in chik maa wiib' leew, ut chalen sa' li kutan a'an li tenamit tixk'ab'a'in: «Li Qaawa' wank arin»”.

Ezequiel 43:12

A'an a'in li xchaq'rab'il linloq'laj ochoch: chixjunil li ch'och' li wank chi xsutam, a'an santil na'ajej ut q'axal loq'”.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Salmos 76:2

Nawno ru li Yos xb'aaneb' laj Judá, q'axal nim xk'ab'a' sa' xyanqeb' laj Israel.

Salmos 9:11

Aawik'in taxaq kawaqeb' xch'ool chixjunil li neke'nawok laak'ab'a', xb'aan naq ink'a' nakakanab'eb' xjunes li neke'sik'ok aawe, at Qaawa'.

Éxodo 16:12

“Xwab'i naq eb' laj Israel yookeb' chi wech'ink. Taaye reheb': «Hoon ewu tib' teetiw ut wulaj eq'la texnujaq chi wa. Chi jo'kan teenaw naq laa'in li Qaawa' leeYos»”.

Isaías 11:9

Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Jeremías 31:40

Chixjunil li ru taq'a b'arwi' neke'muqmank eb' li kamenaq ut natz'eqe'k wi' li cha, ut chixjunil li na'ajej li wank chire li nima' Sedrón toj sa' li Rokeb'aaleb' li kawaay li wank sa' xjayal releb'l saq'e, a'an q'axtesinb'ilaq cho'q re li Qaawa': maajoq'e chik taasachmanq chi moko taajuk'manq”.

Ezequiel 20:40

Xb'aan naq chixjunileb' laj Israel tine'xloq'oni sa' linsantil na'aj, sa' xb'een li tzuul najt xteram li wank aran Israel -chan li Qaawa'-. Aran teb'ink'ul chi anchal linch'ool ut tinpatz' leemayej, li xb'een ru leerawimq jo' ajwi' chixjunil li k'aru loq' cheru.

Ezequiel 37:6

Tink'e eerich'mul, texinnujob'resi chi tib'elej, texinlan sa' leetz'uumal ut tink'e wi' chik leemusiq' re naq wanq eeyu'am. Ut aran teenaw naq laa'in li Qaawa'»”.

Ezequiel 44:9

“Jo'kan naq laa'in, li Qaawa', ninye chi jo'ka'in: Maajun aj jalan tenamit li maak'a' reetalil linsumwank sa' li xch'ool chi moko sa' li xtz'ejwal taa'ok sa' linloq'laj ochoch, chi moko eb' laj ab'l tenamit li wankeb' sa' xyanqeb' laj Israel.

Daniel 9:16

At Qaawa', laa'o naqanaw naq aj uxtaanat. Chakuy qamaak, najtob'resi laajosq'il rik'in Jerusalén: a'an laasantil tenamit ut laaloq'laj na'aj. Qamaak laa'o ut xb'aan li xmaa'usilaleb' li qana' qayuwa' se'enb'il chik Jerusalén jo'wi' eb' laawalal aak'ajol xb'aaneb' chixjunil li tenamit wankeb' chi qasutam.

Li xHu LAJ JOB 15:19

Moko ke'xtzol ta rik'ineb' laj ab'l tenamit. Jo'kan naq li Yos kixk'eheb' chi reechani li loq'laj ch'och'.