Joel 3:10 - Q'eqchi Bible

¹⁰ Yiib'omaq cho'q q'esnal ch'iich' leepikleb' ch'och' ut k'ehomaq leesetleb' k'im cho'q jutz' ch'iich'; che'xyehaq eb' li maak'a' xmetz'ew: “Jwal kaw wib' laa'in”.

Li Santil hu

¹⁰ Le̱ asaron te̱yi̱b chokꞌ kꞌesnal chꞌi̱chꞌ re pletic. Ut li cꞌoncꞌo̱quil chꞌi̱chꞌ re xyocꞌbal le̱ racui̱mk, te̱yi̱b chokꞌ chꞌi̱chꞌ re pletic. Ut li ma̱cꞌaꞌ xmetzꞌe̱u chixyehak: La̱in cau cuib re pletic.

Joel 3:10 ပူးပေါင်းရင်းမြစ်များ

Zacarías 12:8

Sa' li kutan a'an tintenq'aheb' li wankeb' Jerusalén: li jwal lub'lub'eb' sa' xyanqeb', q'axal kawaqeb' chik rib' jo' laj David; ut eb' li ralal xk'ajol laj David, chanchanaqeb' li Yos, jo'kaqeb' li x'ánjel li Qaawa' chi k'amok b'e chiruheb'.

2 Crónicas 25:8

Wi te'xik chawix, us ta kawaq aach'ool chi yalok, ab'anan li Qaawa' tatxq'axtesi sa' ruq'eb' li xik' neke'ilok aawe, xb'aan naq li Yos wank xwankil chi kolok ut chi sachok”.

Miqueas 4:3

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam, toj sa' xb'eeneb' li wankatqeb' chaq chi najt. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

Isaías 2:4

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

San Lucas 22:36

Ut kixye reheb': —Anaqwan li ani wank xb'ools chixk'amaq; jo'kanaq ajwi' li ani wank xchampa. Ut li ani maak'a' xch'iich' xk'ayihaq li raq' ut xloq'aq junaq xch'iich'.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

San Lucas 13:12

Naq kiril a'an li Jesus, kixb'oq rik'in ut kixye re: —At ixq, k'irajenaq chik laayajel.