Joel 2:6 - Q'eqchi Bible

⁶ Q'axal neke'siksotk eb' li poyanam chi rilb'aleb', ut chixjunileb' neke'saqo'k xb'aaneb' xxiw.

Li Santil hu

⁶ Cꞌajoꞌ nak yo̱keb chi xucuac li tenamit xbaneb. Sakquirinakeb xbaneb xxiu.

Joel 2:6 ပူးပေါင်းရင်းမြစ်များ

Nahum 2:10

Nakirirnak, nayamnak ut juk'ulk chixjunil, jo'ka'in naq xkanaak li tenamit Nínive. Neke'lub'je'k xb'aaneb' xxiw, neke'siksotk li roqeb', maak'a' chik xmetz'eweb' li poyanam; ut saqeb' aj chik chixjunileb' xb'aan xiwak.

Isaías 13:8

Q'axal te'siksotq xb'aaneb' xxiw, te'ayaynaq ut te'eek'anq jo' junaq ixq ok re chi alank. Yal te'xka'yahatq aj chik rib' ut kaqmoqinkaqeb' xb'aaneb' xxutaan.

Jeremías 30:6

Ayuqex chi xpatz'b'al ut k'ehomaq reetal: ma na'alank junaq winq? Wi ink'a', k'a'ut naq eb' li winq neke'xchap li xyi rixeb', chanchaneb' chik li ixq okeb' re chi alank? K'a'ut naq saqkirinkeb' aj chik neke'ilok?

Lamentaciones 4:8

Ab'an anaqwan chanchaneb' chik li ab'aq: ink'a' chik neke'nawmank ruheb' sa'eb' li b'e; li xtz'uumaleb' xletz rib' chiru li xb'aqeleb', chanchaneb' aj chik li chaqi si'.

Jeremías 8:21

Namayok li waanm chirix li xrahilal lintenamit; li xiwak x'eechanink we ut li rahil ch'oolej yo chinkamsinkil.

Salmos 119:83

Us ta kama'in aj chik junaq chaqi tz'uum, ab'an ink'a' nasachk sa' inch'ool laachaq'rab'.

Nahum 2:11

B'ar wank anaqwan li xna'ajeb' li kaqkoj? K'aru xk'ul li xjob'eb' li kok' kaqkoj b'arwi' xe'wank, chi maajun naxib'esink reheb'?