Joel 2:30 - Q'eqchi Bible

³⁰ Tinb'aanu xninqal sachb'ach'oolej sa' li choxa ut sa' ruuchich'och'; ut taawanq kik', raq'xam ut sib'”.

Li Santil hu

³⁰ Ut sachba chꞌo̱lej tincꞌutbesi che̱ru chiru choxa joꞌ ajcuiꞌ saꞌ ruchichꞌochꞌ ut te̱ril li quicꞌ, li xam ut li sib chanchan li chok.

Joel 2:30 ပူးပေါင်းရင်းမြစ်များ

San Lucas 21:11

Talaje'wanq ninqi hiik ut, sa' naab'al chi na'ajej, taawanje'q we'ej ut yajel; xiwajelaq rilb'al li taak'ulmanq, ut sa' li choxa te'wanje'q xninqaleb' eetalil.

San Mateo 24:29

“Akaq xk'ulmank li nimla rahilal a'an, li saq'e taaq'oqyino'q ru chi junpaat, li po ink'a' chik taasaqeno'q ru, eb' li chahim sa' choxa te't'anje'q chaq ut li xwankilal li choxa taachiq'chiq'iiq sa' xna'aj.

Jueces 20:40

Ab'anan sa' li honal a'an ki'ok chi taqe'k sib' sa' chaq li tenamit, ut eb' laj Benjamín, naq ke'ilok chirixeb', ke'ril li xtenamiteb' yo chi k'atk, toj sa' choxa nawulak li xxamlel.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;

Génesis 19:28

Ki'ilok sa' xjayal Sodoom ut Gomoor ut sa' xjayal li xsutamil li ru taq'a; ut kiril naq nab'uquqnak xsib'el li ch'och' chi taqe'k chanchan xsib'el junaq oorn.

Apocalipsis 18:18

ut japjookeb' re naq ke'ril li xsib'el li xk'atik: “Ani chanchan li Nimla Tenamit?”, chankeb'.

Cantares 3:6

K'aru a'an li yo chaq chi taqe'k sa' li chaqich'och', chanchan wi' li sib' nab'utz'utz'nak, sa' xyanq xsib'el li miir ut k'ajpom, jo'wi' rik'in xb'ook li k'iila paay chi sununkil b'an?

Jueces 20:38

Ak k'uub'k'u xb'aaneb' laj Israel rik'ineb' li ke'xmuq rib' naq jun li sib' li taataqe'q chaq sa' li tenamit,

Josué 8:20

Eb' laj Ay ke'ilok chirixeb' ut ke'ril li xsib'el li tenamit yo chi taqe'k sa' choxa: maab'ar chik ke'ruuk chi elelik, xb'aan naq eb' laj Israel li yookeb' chi xik aj eelel sa' li chaqich'och' ke'sutq'iik chaq sa' xb'eeneb' laj aanilasinel reheb'.

Apocalipsis 8:7

Li xb'een ánjel kixyaab'asi li xtronpeet ut kiwank saqb'ach ut xam yuub'il rik'in kik'. Toja' naq a'an kik'ute'k chaq sa' xb'een li ruuchich'och'. Ut li rox jachal li ruuchich'och' kik'atk, rochb'een li rox jachal chixjunileb' li che' ut chixjunil li rax pim.

Jeremías 4:28

Taaraho'q xch'ool li ruuchich'och' ut li choxa taa'aak'ab'o'q ru. Xin'aatinak, ut ink'a' tinjal ru li aatin xinye; jo'kan xink'uub' xb'aanunkil, ut ink'a' traho'q linch'ool.

Zacarías 14:6

Sa' li kutan a'an maak'a'aq ke chi moko li ratz'amke.