Joel 2:3 - Q'eqchi Bible

³ Chanchaneb' li xam li naxk'at chixjunil li k'aru wank chi uub'ej ut chi ixb'ej. Rub'elaj li xnumik jwal chaab'il li ch'och', ab'an naq ak xnume'k, junes joxk' ch'och' aj chik; tik maak'a' nakole'k chiru.

Li Santil hu

³ Nak teꞌcha̱lk laj sa̱cꞌ, chanchan nak ta̱numekꞌ li xam saꞌ xbe̱n li pim. Yal xban lix tikcual nachakic li pim usta toj ma̱jiꞌ nanumeꞌ li xam saꞌ xbe̱n. Joꞌcan ajcuiꞌ teꞌxba̱nu laj sa̱cꞌ. Nak ma̱jiꞌ nequeꞌnumeꞌ saꞌ li naꞌajej aꞌan, chanchan xchꞌinaꞌusal li naꞌajej Edén. Ut nak ac xeꞌnumeꞌ li xul, chanchan aj chic li chaki chꞌochꞌ li ma̱cꞌaꞌ na-el chiru teꞌxcanab. Ut ma̱cꞌaꞌ chic ta̱colekꞌ chiruheb.

Joel 2:3 ပူးပေါင်းရင်းမြစ်များ

Isaías 51:3

Laa'in tink'ojob' xch'ool Sión ut twil xtoq'ob'aal ru li xpo'lemil; tinsutq'isi li chaqich'och' cho'q sahil na'ajej, ut li joxk' ch'och' tkanaaq cho'q xna'aj li Qaawa': k'ajo'aq li b'ichank ut sahil ch'oolej aran, taawanq li wajb'ak ut b'anyoxink sa' ink'ab'a'.

Génesis 2:8

Moqon li Qaawa' Yos kixyiib' jun xna'aj li awimq aran Edén, sa' releb'l saq'e, b'arwi' kixk'e li winq li toja' xyoob'tesi.

Zacarías 7:14

Jo'kan naq kincha'cha'iheb' sa' chixjunileb' li tenamit ink'a' xnawomeb' ru, ut li na'ajej li ke'elk wi' kisache'k ut maajun chik naru nawank aran. Nakirirnak aj chik kikanaak li chaab'il ch'och' a'in”.

Éxodo 10:15

Ke'xmoy ru chixjunil li na'ajej ut kiq'oqyinko'k li tenamit; ke'xk'ux chixjunil li xpimul li ch'och' ut chixjunileb' li ru li che' li toj kixkanab' li saqb'ach: maak'a' chik xraxal li che' chi moko xraxal li pim sa' ch'och', sa' xsutam Ejiipt.

Éxodo 10:5

ut te'xmoy ru chixjunil li na'ajej, ut chi jo'kan ink'a' chik taak'utunq li ch'och'. Te'xchoy jo'nimal li xkole'k chiru li saqb'ach, a' li toj xkanaak eere, ut te'xk'ux chixjunileb' li che' li wank sa' leech'och'.

Amós 7:4

A'an a'in kixk'utb'esi chiwu li Qaawa' Yos. Kiwil naq li Qaawa' yo xtaqlankil chaq li xam, li kixchaqihob'resi li nimla palaw, ut yo ajwi' chi k'atk li ch'och'.

Jeremías 5:17

Eb' a'an te'xtzeka ru leerawimq ut te'xchoy leewa leeruk'a'; a'aneb' ajwi' te'sachoq reheb' leeralal eek'ajol. Te'xtzeka eb' li karneer ut eb' li wakax, eb' lee'uub' jo'wi' eb' lee'iig. Te'xjuk'i leekawub'resinb'il tenamit li jwal nekekawu wi' leech'ool”.

Salmos 50:3

We' chaq li qaYos, ut ink'a' taakanaaq chi ch'anch'o: k'amol b'e chaq chiru jun li xam k'ajo' xtiqwal, sutsu li Yos xb'aan jun xiwajel kaqsut-iq'.

Génesis 13:10

Laj Lot kixtaqsi li rilob'aal ut kiril chixjunil li xtaq'ahil li nima' Jordán, wank ha' chisa' chi junelik. Naq toj maji'aq nasache'k Sodoom ut Gomoor xb'aan li Qaawa', chixjunil li na'ajej a'an toj Sohar, kama' li xna'aj rawimq li Qaawa', kama' li tenamit Ejiipt.

Salmos 97:3

K'amol b'e naxik li xam chiru li Qaawa', jun k'atikeb' chixjunileb' li xik' neke'ilok re.

Isaías 9:18

Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Isaías 9:19

Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.

Isaías 14:17

A'in li xkanab'ank li ruuchich'och' chi junesal na'ajej, xsachok chixjunileb' li tenamit ut maajun sut xrisiheb' li tz'aptz'ookeb' sa' tz'alam».

Isaías 15:6

Xchaqik li ha' li wank Nimrín, joxk' aj chik li ch'och' ut xchaqik li pim: maab'ar chik natawmank li raxpim.

Ezequiel 36:35

Ut te'xye: Li joxk' ch'och' a'in, chanchan chik sahil na'ajej xkanaak; ut eb' li xpo'lem li tenamit jo'wi' eb' li na'ajej juk'inb'il ut sachb'il naq xe'wank, anaqwan kab'lanb'ileb' ut kawub'resinb'ileb' wi' chik, ut naab'aleb' chi poyanam wankeb' chisa', cha'qeb'.

Isaías 33:4

naxokmank li b'ihomal jo' naq neke'xokok laj saak', ut chixjunileb' neke'xkut rib' sa' xb'een jo'eb' laj saak'.

Habacuc 1:6

Ok we chi xwaklesinkil chaq eb' laj Kaldeha sa' eeb'een: a'an jun tenamit q'axal josq' ut junelik yo'oon wankeb' chi xik yalaq b'ar sa' ruuchich'och' chi reechaninkileb' li na'ajej li moko reheb' ta.