Joel 2:28 - Q'eqchi Bible

²⁸ “Chirix chik a'in tinhoy linmusiq' sa' xb'eeneb' chixjunil: eb' leeralal ut leerab'in te'aatinaq jo' propeet, eb' leecheekelal te'matk'eq ut eb' leesaaj al te'iloq moy u.

Li Santil hu

²⁸ Ut nak ac xnumeꞌ chixjunil li cꞌaꞌak re ru aꞌin, la̱in tinqꞌue lin musikꞌ chi cua̱nc riqꞌuineb chixjunileb li tenamit. Ut eb le̱ ralal e̱cꞌajol teꞌyehok ra̱tin profeta. Ut tincꞌut lix ya̱lal chiruheb li ti̱xil cui̱nk saꞌ xmatqꞌueb ut tincꞌuteb li visión chiruheb li sa̱j cui̱nk.

Joel 2:28 ပူးပေါင်းရင်းမြစ်များ

Ezequiel 39:29

Ink'a' chik teb'inkanab' xjuneseb', xb'aan naq xinhoy linmusiq' sa' xb'eeneb' li ralal xk'ajol laj Israel. Laa'in li Qaawa' ninye li waatin”.

Hechos 2:39

Xb'aan naq eere li yeechi'inb'il xb'aan li Yos, reheb' ajwi' leeralal eek'ajol ut reheb' chixjunil li wankeb' chi najt, jo'k'ihaleb' tixb'oqeb' li Qaawa' li qaYos.

Isaías 32:15

Ab'anan taqe'q taahoye'q chaq li Musiq'ej sa' qab'een. Toja' naq li chaqich'och' tkanaaq cho'q xna'aj awimq ut li xna'aj awimq taak'iche'o'q wi' chik.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Proverbios 1:23

Chek'ehaq reetal leetijb'al inb'aan, ut laa'in tinhoy linmusiq' sa' eeb'een; tink'e chetaw xyaalal li waatin.

San Juan 7:39

Kixye a'in chirix li Musiq'ej li te'xk'ul eb' li te'paab'anq re: sa' li kutan a'an toj maak'a' li Musiq'ej xb'aan naq li Jesus toj maji' nanimaak xloq'al.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

San Lucas 3:6

Ut chixjunileb' te'ril li kolb'a ib' naxk'e li Yos»”.

Gálatas 3:28

Maak'a' chik aj judiiy chi moko aj griego; maak'a' chik aj loq'b'il k'anjel chi moko aj ach'ab'anb'il k'anjel; maak'a' chik winq chi moko ixq, xb'aan naq chejunilex laa'ex junex aj chik rik'in li Kristo Jesus.

Isaías 40:5

Toja' naq taak'utunq li xloq'al li Qaawa' ut chixjunileb' li poyanam te'ril ru. Xb'aan naq li Qaawa' xyehok re”.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Hechos 21:9

Laj Felipe wank kaahib'eb' xrab'in toj tuq'ixqeb', neke'aatinak jo' propeet.

Jeremías 23:28

Wi junaq propeet xmatk'ek, xyehaq naq a'an jun matk'; ab'an li ani xk'ulum li waatin, xyehaq chi tz'aqal re ru. Ink'a' naru xjuntaq'eetankil li roq li triiw rik'in li ru. Li waatin a'an chanchan li xam, kama' li tenleb' li naxk'aji li pek -chan li Qaawa'-.

Isaías 54:13

Chixjunileb' laawalal aak'ajol te'tzole'q xb'aan li Qaawa', ut k'ajo'aq li sahilwank toxe'xtaw chixjunileb'.

San Lucas 1:67

Laj Sakarías li xyuwa' kinujak chi Santil Musiq'ej ut ki'aatinak jo' propeet:

Hebreos 1:1

Najter q'e kutan, k'iila wa ut yalaq chanru li Yos kiraatinaheb' li qana' qayuwa' chi xtz'uumal reheb' li propeet.

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

1 Samuel 19:20

Tikto kixtaqlaheb' winq re xchapb'al laj David. Ab'an naq ke'wulak aran, ke'ril jun ch'uuteb' chi propeet chi aatinak jo' propeet, ut laj Samuel yo chi k'amok b'e chiruheb'. Toja' naq li xmusiq' li Yos kichalk sa' xb'eeneb' li xtaql laj Saúl ut eb' a'an ajwi' ke'ok chi aatinak jo' propeet.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Isaías 49:26

Tink'eheb' chi xtiweb' rib' li xe'rahob'tesink aawe, ut te'ruk' li xkik'eleb' jo' tawi' eb' li neke'kalaak rik'in li chaab'il b'iin. Toja' naq chixjunileb' te'xnaw naq laa'in li Qaawa', laj Kolol aawe, li xNimajwal Yos laj Jakob li xin'isink chaq aawe sa' laarahilal”.

Jeremías 23:25

“Ak wab'ihom li xtik'ti'eb' li propeet a'an aj b'alaq'. Neke'tik'ti'ik ut neke'xye naq neke'aatinak wik'in sa' xmatk'eb'.

Ezequiel 36:27

Tink'e linmusiq' eere, re naq wanqex jo' naxye li linchaq'rab', teepaab' lintaqlahom ut teeyu'ami li waatin.

Ezequiel 37:14

Twoksi linmusiq' eerik'in ut texyo'yooq. Texink'ojob' wi' chik sa' leena'aj ut teenaw naq laa'in, li Qaawa', xinyehok re a'in ut xinb'aanu», chan li Qaawa'”.

Daniel 7:1

Sa' li xb'een xchihab' chi awab'ejink laj Baltasar sa' xb'eeneb' laj Babilonia, kiwank jun xmatk' laj Daniel naq yo chi wark. Ut sa' junpaat, naq ki'ajk ru, kixtz'iib'a li k'aru kik'utb'esiik chiru.

1 Samuel 19:21

Naq laj Saúl kixnaw a'an, kixtaqla jalaneb' chik li xtaql, ab'anan eb' a'an ajwi' ke'xtikib' aatinak jo' propeet. Ut laj Saúl kixtaqlaheb' wi' chik rox sut li xtaql; ut jo'kan wi' chik ke'xk'ul.