Joel 2:27 - Q'eqchi Bible

²⁷ Toja' naq laa'ex aj Israel teenaw naq wankin sa' eeyanq; laa'in li Qaawa' leeYos, ut maak'a' chik junaq chiwu laa'in! Ut lintenamit maajoq'e chik taak'ehe'q sa' xutaan”.

Li Santil hu

²⁷ Ut te̱nau nak la̱in cua̱nkin saꞌ e̱ya̱nk, la̱ex aj Israel. Ut te̱nau ajcuiꞌ nak la̱in li Ka̱cuaꞌ le̱ Dios ut ma̱cꞌaꞌ chic junak Dios. Ut incꞌaꞌ chic texincanab chi hobecꞌ la̱ex intenamit.

Joel 2:27 ပူးပေါင်းရင်းမြစ်များ

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Isaías 45:5

Laa'in li Qaawa' ut maak'a' chik junaq; moko wank ta chik junaq yos chiwu laa'in. Xink'e aakawilal, us ta ink'a' nakanaw wu,

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Ezequiel 39:28

Xintaqlaheb' chi preexil sa' xyanqeb' li jalanil tenamit, ut tinch'utub'eb' wi' chik sa' li xna'ajeb'. Maajun reheb' taakanaaq chaq sa' jalan tenamit. Toja' naq te'xnaw naq laa'in li Qaawa', li xYoseb'.

Joel 2:26

Textzekanq toj reetal taak'ojlaaq leech'ool ut teek'e xloq'al li Qaawa' leeYos, xb'aan naq xinb'aanu xninqal sachb'ach'oolej cho'q eere. Maajoq'e chik taak'ehe'q chi se'eek lintenamit.

Salmos 46:5

Li xkok' uq' li nima' neke'xsut ut neke'xsahob'resi ru li xtenamit li Yos, neke'xsantob'resi li xloq'laj muheb'aal li Nimajwal Yos.

Deuteronomio 23:14

Li Qaawa' laaYos nab'eek wan wi' li muheb'aal re aakolb'al ut re xq'axtesinkil sa' laawuq' eb' li xik' neke'ilok aawe. Jo'kan naq laamuheb'aal tento naq oxloq'inb'ilaq; li Qaawa' ink'a' naru taaril li ink'a' us aran. Wi taaril li ink'a' us, taarisi rib' aawik'in.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Apocalipsis 21:3

Ut kiwab'i jun xyaab' kuxej ki'elk chaq sa' li nimajwal k'ojarib'aal, yo chi xyeeb'al chi kaw: “A'an a'in li xmuheb'aal li Yos rik'ineb' li poyanam. Li Yos tixk'ojob' li xmuheb'aal sa' xyanqeb', ut a'anaqeb' li xtenamit ut a'anaq li Yos rik'ineb'.

1 Pedro 2:6

Xb'aan naq tz'iib'anb'il sa' li Santil Hu: “K'ehomaq reetal, aran Sión tink'e jun li pek re rub'elankil li kab'l: a'an sik'b'il ru ut q'axal loq'. Li taapaab'anq re ink'a' taab'alaq'iiq”.

Salmos 68:18

Eb' li xb'eleb'aal ch'iich' li Yos numtajenaq xk'ihaleb', ink'a' naru rajlankileb'. Li Qaawa' toj Sinaí x'elk chaq naq xulokaq sa' li xloq'laj ochoch.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Ezequiel 39:22

Chalen sa' li kutan a'an, eb' laj Israel te'xnaw naq laa'in li Qaawa', li xYoseb'.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Isaías 45:18

Xb'aan naq jo'ka'in naxye li Qaawa', laj yoob'tesihom re li choxa, A'an tz'aqal Yos, li kik'uub'ank ut kiyiib'ank re li ruuchich'och', ut kixk'ojob' sa' xna'aj; moko kixyiib' ta chi maak'a' xyaalal, re b'an naq taatenamito'q: “Laa'in li Qaawa' ut maak'a' chik junaq chiwu laa'in.

Isaías 44:8

Mexxiwak ut meesiksiki eerib'. Ma ink'a' ak inyehom resil laa'in chalen chaq junxil? Laa'ex li testiiw chiwix. Ma wank tab'i' junaq chik yos chiwu laa'in? Maak'a' chik junaq aj kolonel, ka'ajin wi' ut maak'a' chik junaq”.

Isaías 45:6

re naq chixjunileb' te'xnaw, chalen chaq sa' xjayal releb'l saq'e toj sa' rokeb'l, naq moko wank ta chik junaq yos chiwu laa'in. Laa'in li Qaawa' ut maak'a' chik junaq.

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Ezequiel 37:6

Tink'e eerich'mul, texinnujob'resi chi tib'elej, texinlan sa' leetz'uumal ut tink'e wi' chik leemusiq' re naq wanq eeyu'am. Ut aran teenaw naq laa'in li Qaawa'»”.

Joel 3:21

Laa'in tin'eeqajunq chirix li xkik'eleb', moko taakanaaq ta yal chi jo'kan. Ut sa' li tzuul Sión tink'ojob' linmuheb'aal chi junajwa”, chan li Qaawa' Yos.

Sofonías 3:11

“Sa' li kutan a'an ink'a' chik tatxutaanaq chirix li ink'a' us xab'aanu we, at intenamit, naq xaq'etq'eti aawib' chiwu, xb'aan naq twisiheb' aawik'in li q'etq'eteb' jo'wi' li neke'xnimob'resi rib', ut ink'a' chik taanima aawib' sa' linsantil na'aj.

Números 11:29

Ab'an laj Moisés kixye re: “Ma xat-ok chinkaqalinkil? Us raj naq chixjunil li xtenamit li Qaawa' te'aatinaq jo' propeet ut te'xk'ul li xMusiq' li Qaawa'!”, chan.

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.

Proverbios 1:23

Chek'ehaq reetal leetijb'al inb'aan, ut laa'in tinhoy linmusiq' sa' eeb'een; tink'e chetaw xyaalal li waatin.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Isaías 46:9

Jultikaq eere li k'aru kik'ulmank chaq junxil. Laa'in li Yos, ut maak'a' chik junaq; laa'in li Qaawa', ut maajun juntaq'eetin wi'.

Ezequiel 39:29

Ink'a' chik teb'inkanab' xjuneseb', xb'aan naq xinhoy linmusiq' sa' xb'eeneb' li ralal xk'ajol laj Israel. Laa'in li Qaawa' ninye li waatin”.

Zacarías 2:9

Jo'kan naq ok we chi xtaqsinkil li wuq' sa' xb'eeneb', ut te'sache'q ru xb'aaneb' li xe'wank rub'el xwankileb'. Aran teenaw naq li Nimajwal Yos xtaqlank chaq we.