Joel 2:13 - Q'eqchi Bible

¹³ Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.

Li Santil hu

¹³ Cheyotꞌ e̱chꞌo̱l chiru li Dios ut me̱pej chic le̱ rakꞌ. Jalomak ban e̱cꞌaꞌux ut patzꞌomak e̱cuybal chiru li Ka̱cuaꞌ le̱ Dios xban nak aꞌan na-uxta̱nan u ut nequexra. Aꞌan incꞌaꞌ najoskꞌoꞌ saꞌ junpa̱t. Kꞌaxal nim ban xcuyum ut narahoꞌ saꞌ xchꞌo̱l nak naxqꞌue li tojbal ma̱c saꞌ e̱be̱n.

Joel 2:13 ပူးပေါင်းရင်းမြစ်များ

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Salmos 34:18

Neke'xyaab'a xk'ab'a' li Qaawa', ut a'an narab'iheb'; narisiheb' sa' chixjunil li rahilal wankeb' wi'.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Salmos 103:8

Li Qaawa' a'an chaab'il ut aj uxtaan, riil najosq'o'k ut numtajenaq xrahom.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

2 Samuel 1:11

Toja' naq laj David kixq'ich li raq' xb'aan xrahil xch'ool; jo'kan ajwi' ke'xb'aanu eb' li wankeb' rochb'een.

Romanos 2:4

Malaj ut nakatz'eqtaana li xchamal xsasal li rusilal li Yos, li xnimal xkuyum ut li xq'unal xch'ool? Ma ink'a' nakanaw naq li rusilal li Yos a'in natoch'ok aawe chi xyot'b'al laach'ool ut chi xjalb'al laak'a'uxl?

Salmos 51:17

At Qaawa', chate taxaq li xtz'uumal we, re naq tinpuktesi resil li xnimal aawankil.

2 Reyes 22:19

chirix li na'ajej a'in ut eb' li xpoyanamil li te'sache'q ru ut te'majewaaq. Xyot'e'k laach'ool, xakub'si laawankil chiru li Qaawa', xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

Efesios 2:4

A'ut li Yos q'axal nim li ruxtaan. Xooxra chaq rik'in xnimal xrahom

Salmos 106:45

Kijultiko'k re li Sumwank kixk'ojob' rik'ineb', ut kixtoq'ob'a ruheb' jo' chanru li xnimal xrahom.

Li xHu LAJ JOB 1:20

Toja' naq kixaqliik laj Job, kixq'ich li raq' ut kixjo li xjolom. Chirix chik a'an kiwiq'laak, kixchunub' rib' chiru ch'och'

Números 14:18

Li Qaawa' jwal timil najosq'o'k ut q'axal nim xchaab'ilal li xch'ool. Naxkuy li maa'usilal ut li q'etq'etil, us ta ink'a' naxkanab'eb' yal chi jo'kan li wankeb' xmaak, naxk'e b'an chi xtojb'al rix xmaak li yuwa'b'ej sa' xb'eeneb' li alal k'ajolb'ej toj sa' li rox ut xka xteepal riyajil li tenamit.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

1 Timoteo 4:8

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

Nahum 1:3

Li Qaawa' nab'ayk chi josq'o'k, ab'anan jwal nim li xwankil, ut junelik naxk'e chi xtojb'al xmaak li ani xmaakob'k. Nab'eek sa' li kaqsut-iq', ut eb' li choql a'aneb' li xpojtz'il li roq.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

2 Reyes 6:30

Naq li awab'ej kirab'i li kixye li ixq, kixq'ich li raq'. Ut naq yo chi nume'k sa' xb'een li suttz'ak, eb' li tenamit ke'ril naq, chisa' li raq', lanlo rik'in q'es ruhil t'ikr.

2 Reyes 5:7

Naq li awab'ej re Israel kiril xsa' li hu, kixq'ich li raq' ut kixye: “Ma laa'in tab'i' Yos chi kamsink ut chi k'ehok yu'am? Li awab'ej re Aram xtaqla chaq li winq a'in chink'irtasi li xsaqlepil. K'ehomaq reetal naq a'in yal yo xsik'b'al chanru naq taayaloq wik'in”.

1 Reyes 21:27

Naq laj Ajab kirab'i a'in, kixq'ich li raq', kixlan rib' sa' saak ut ink'a' chik kiwa'ak. Nawark chi wank li saak chirix ut naxulnak aj chik nab'eek.

Génesis 37:34

Toja' naq laj Jakob kixq'ich li raq', kixtiqib' rib' rik'in q'es ruhil t'ikr, ut chiru naab'al kutan kikanaak sa' rahil ch'oolejil xb'aan li ralal.

Génesis 37:29

Naq kisutq'iik chaq laj Rubén ut kiril naq maa'ani chik laj José sa' li kumb', kixq'ich li raq'

Isaías 58:5

Ma a'in tab'i' li ayuunik nawaj laa'in sa' li kutan naq li winq naxkub'si li xwankil? Nekexulub' leejolom kama' naxulq'iik li b'ayal, ut nekexwark chiru pop ut cha. Ma a'an nekeye «ayuunik» re, ut «kutan li nawulak chiru li Qaawa'»?

2 Reyes 22:11

Naq li awab'ej kirab'i li tz'iib'anb'il sa' li hu, kixq'ich li raq'

Jeremías 41:5

ke'wulak kaak'aal chi winq aj Sikem, aj Siló ut aj Samaria. Job'il chaq li xmacheb', q'ichilkeb' li raq' ut k'ajo' xtiq'ilaleb'. Ke'xk'am chaq li ru eb' li awimq ut li k'ajpom re xyeechi'inkil sa' rochoch li Yos.

Jeremías 42:10

«Wi laa'ex texkanaaq sa' li na'ajej a'in, laa'in tinwaklesi eech'ool ut ink'a' texinrahob'tesi; texink'ojob' sa' leena'aj ut ink'a' chik texinjuk', xb'aan naq naraho'k linch'ool chirix li rahilal xinb'aanu eere.

Oseas 14:1

At aj Israel, sutq'in wi' chik rik'in li Qaawa' laaYos, xb'aan naq laamaak xt'anok aawe.

2 Crónicas 6:27

chawab'iheb' chaq toj sa' choxa ut chakuy xmaakeb' laj k'anjel chawu ut eb' laatenamit Israel. Chak'ut chiruheb' li chaab'il b'e tento te'xk'am ut chataqla chaq li hab' sa' xb'een li ch'och' kak'e chireechaniheb' laatenamit.

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Jonás 3:9

Mare wachik li Yos tixjal li xk'a'uxl, taach'anaaq li xjosq'il, ut ink'a' tookamq”.