Joel 1:20 - Q'eqchi Bible

²⁰ A'anatqeb' li k'iche'il xul neke'elajink chawu xb'aan naq xe'chaqik li roqha' ut li xam xchoyok re chixjunil li pim chiru taq'a.

Li Santil hu

²⁰ Chixjunil li xul li cuanqueb saꞌ qꞌuicheꞌ yo̱queb ajcuiꞌ chi ya̱bac cha̱cuu xban nak xchakic li nimaꞌ ut li xam quixcꞌat chixjunil li pim li nequeꞌxcuaꞌ.

Joel 1:20 ပူးပေါင်းရင်းမြစ်များ

Salmos 104:21

Eb' li kok' kaqkoj neke'xjap re chi xsik'b'al li xtzak, ut neke'xtz'aama xtzekemqeb' chiru li Yos.

1 Reyes 17:7

Ab'anan moqon chik li nima' ki'ok chi chaqik, xb'aan naq ink'a' chik naxk'e li hab' sa' li tenamit.

Salmos 147:9

A'an nak'ehok xwa eb' li ketomq ut naxch'oolaniheb' li ral li tz'oq naq yookeb' chi yaab'ak.

Salmos 145:15

Q'es ruheb' chixjunileb' aawik'in, at inYos: neke'royb'eni naq taak'e xtzekemqeb' sa' xq'ehil.

Li xHu LAJ JOB 38:41

Ani nak'ehok xwa eb' li tz'oq, naq eb' li ral te'tz'okaaq, ut yookeb' xsik'b'al ut tz'aamankil xwaheb'?

1 Reyes 18:5

Laj Ajab kixye re laj Abdías: “Ayu ut b'eeni chixjunil li tenamit re xsik'b'al yu'amha' ut nima'. Mare tqataw ichaj cho'q reheb' li kawaay ut eb' li muul; wi ut ink'a', tookanaaq chi maak'a'aq chik qaketomq”, chan.

Jeremías 14:4

X'atz'je'k li ch'och' xb'aan naq maak'a' li hab'; jo'kan naq xe'wiib'ank xch'ool eb' laj k'alom ut xe'xtz'ap li xjolomeb'.

Jeremías 28:8

Eb' li propeet li ke'wank chaq junxil, naq toj maji' nokooyo'laak chaq laa'o, ke'xye chaq resil li raaxiik', li we'ej ut li raxkamk taawanq sa' naab'aleb' chi tenamit ut xninqal awab'ejihom.

Joel 1:18

K'ajo' naq neke'me'lok eb' li ketomq; neke'saapank li ixqi wakax chi sik'ok raxpim, ut yookeb' chi kamk eb' li karneer.