Joel 1:18 - Q'eqchi Bible

¹⁸ K'ajo' naq neke'me'lok eb' li ketomq; neke'saapank li ixqi wakax chi sik'ok raxpim, ut yookeb' chi kamk eb' li karneer.

Li Santil hu

¹⁸ Eb li xul yo̱queb chi ya̱bac ut raheb saꞌ xchꞌo̱l xban nak ma̱cꞌaꞌeb chic xcua. Yalak bar nequeꞌxic li cuacax chixsicꞌbaleb xcua ut ma̱ bar nequeꞌxtau. Ut yo̱queb ajcuiꞌ chi ca̱mc li carner xban nak ma̱cꞌaꞌ chic xcuaheb.

Joel 1:18 ပူးပေါင်းရင်းမြစ်များ

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Romanos 8:22

Naqanaw naq chixjunil li wank junsut junrub'el choxa na'ayaynak chaq ut wank sa' rahilal jo' jun li ixq ok re chi alank.

Joel 1:20

A'anatqeb' li k'iche'il xul neke'elajink chawu xb'aan naq xe'chaqik li roqha' ut li xam xchoyok re chixjunil li pim chiru taq'a.

1 Reyes 18:5

Laj Ajab kixye re laj Abdías: “Ayu ut b'eeni chixjunil li tenamit re xsik'b'al yu'amha' ut nima'. Mare tqataw ichaj cho'q reheb' li kawaay ut eb' li muul; wi ut ink'a', tookanaaq chi maak'a'aq chik qaketomq”, chan.

1 Reyes 8:5

Laj Salomón li awab'ej ut chixjunileb' li xkomonileb' laj Israel ke'xch'utub' rib' ut ke'xmayeja chiru li Loq'laj Kaax naab'aleb' li karneer ut teelom wakax, ink'a' kiru rajlankileb'.

Amós 1:2

Kixye chi jo'ka'in: “Toj Sión naxjap chaq re li Qaawa'; toj Jerusalén na'ab'iik li xyaab' xkux. Eb' li xna'ajeb' li ketomq xe'chaqikje'k, ut xjoxk'o'k ru li tzuul Karmeel”.

Habacuc 3:17

Us ta ink'a' chik taatuxmeq li xche'el li iig ut maak'a'aq chik ru li uub'; us ta ink'a' chik taa'uuchinq li oliiw ut li ch'och' ink'a' chik tixk'e qatzekemq; us ta maak'a'aqeb' chik li karneer sa' li xna'ajeb' chi moko wanqeb' chik qawakax sa' li xwa'leb'aaleb',

Hageo 1:10

Jo'kan naq eemaak laa'ex naq ink'a' chik nat'ane'k li hab', ut li ch'och' ink'a' chik na'elk li awimq chiru.