Jeremías 9:9 - Q'eqchi Bible

⁹ Ma ink'a' tab'i' tink'eheb' chi xtojb'al rix li maak a'an? Ma ink'a' tab'i' tink'ajtesi ruheb' li tenamit jo'ka'aneb'? -chan li Qaawa'-.

Li Santil hu

⁹ ¿Ma incꞌaꞌ ta biꞌ tinqꞌueheb chixtojbal lix ma̱queb li tenamit aꞌin? ¿Ma incꞌaꞌ ta biꞌ tinqꞌue re̱kaj reheb li ma̱usilal nequeꞌxba̱nu? La̱in li Ka̱cuaꞌ ninyehoc re aꞌin.—

Jeremías 9:9 ပူးပေါင်းရင်းမြစ်များ

Jeremías 5:29

Ma ink'a' tab'i' tinraqoq aatin chirix chixjunil a'an? Ma ink'a' tink'e reeqaj a'an re li tenamit a'in li jo'kan neke'xb'aanu?

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.

Isaías 1:24

Jo'kan naq li Nimajwal Yos, li jwal kaw chi xkolb'al laj Israel, naxye chi jo'ka'in: “Tz'aqalaq! Laa'in twisi linjosq'il sa' xb'eeneb' li xik' neke'ilok we ut tin'eeqajunq sa' xb'eeneb'.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Isaías 57:6

“At Israel, nawulak chawu xloq'oninkileb' ru eb' li t'ort'ookil pek li wankeb' sa'eb' li nima', xb'aan naq a'aneb' tz'aqal aaweechanihom. Sa' xb'eeneb' ajwi' a'an xahoy laab'iin naq xatmayejak. Ma taach'anaaq linjosq'il xb'aan a'an naq nakak'oxla?

Jeremías 4:25

Kiwil naq maajun chik poyanam; elenaqeb' ajwi' chixjunileb' li xik'anel xul.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Jeremías 12:11

Nayamnak ut nakirnak xe'xkanab' chi q'axal toq'ob'aal ru; po'lem xkanaak chixjunil, ab'an maajun naraho'k b'ayaq xch'ool chirix.

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Joel 1:19

At Qaawa', nintz'aamank nin'elajink chawu, xb'aan naq li xam xsach li raxpim sa' li junesal na'ajej ut xe'k'ate'k chixjunileb' li che'k'aam.

Amós 5:1

Ex aj Israel, ab'ihomaq li waatin a'in; ok we chi xb'ichankil jun rahil b'ich cho'q eere:

Amós 5:2

Israel chanchan jun tuq'ixq kamenaq; xt'ane'k ut ink'a' chik naru chi wakliik. Jiljo chiru ch'och' xkanaak ut maajun nawaklesink re.