Jeremías 9:8 - Q'eqchi Bible

⁸ Li ru'uj raq'eb' chanchan li simaj nakamsink, junes b'alaq'il aatin wank chi xtz'uumal reheb'. Sa neke'xk'e xsahil xch'ooleb' li ras riitz'in, ab'an sa' li xch'ooleb' yookeb' xsik'b'al li xluktesinkileb'.

Li Santil hu

⁸ Lix tzꞌu̱mal reheb chanchan li tzimaj li nacamsin xban li balakꞌic nequeꞌxba̱nu. Riqꞌuin xtzꞌu̱mal reheb nequeꞌa̱tinac chi cha̱bil riqꞌuineb li ras ri̱tzꞌin. Abanan saꞌ xchꞌo̱leb nequeꞌxcꞌu̱b ru chanru teꞌxbalakꞌiheb.

Jeremías 9:8 ပူးပေါင်းရင်းမြစ်များ

Salmos 28:3

Minaasaapu rochb'eeneb' li ink'a' useb' xch'ool, chi moko rochb'eeneb' laj b'aanuhom maa'usilal, eb' li neke'xpak' xsahilaleb' xch'ool rik'ineb' li ras riitz'in, ab'an a' chik li b'alaq'il wank sa' raanmeb'.

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Salmos 120:3

K'aru tixk'e aawe li Qaawa' malaj k'aru tixtaqla aawik'in, at aj ka'pak'al u?

Salmos 57:4

Toj sa' taxaq li choxa tixtaqla chaq intenq'ankil ut chixkanab' sa' xutaan li narahob'tesink we; a' taxaq li Yos chixk'ut li xrahom ut li yaal.

Salmos 55:21

Neke'xtaqsi li ruq' sa' xb'eeneb' li ramiiw ut maajun wa neke'xb'aanu li k'aru ke'xyeechi'i.

Salmos 12:2

Choohaakol taxaq, at Qaawa', xb'aan naq maajun chik chaab'il; xlaje'oso'k chixjunileb' li tiikeb' xch'ool.

2 Samuel 3:27

Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

Jeremías 9:5

Neke'xb'alaq'i rib' chirib'ileb' rib' ut maajun nayehok li yaal sa' xyanqeb'; k'aynaqeb' chi tik'ti'ik, xe'xpo' xk'a'uxeb' ut ink'a' chik neke'raj xjalb'al xna'leb'eb'.

Jeremías 5:26

Sa' lintenamit wankeb' winq ink'a' useb' xna'leb' li junelik yookeb' chi luktesink ch'oolej, chanchan tawi' naq yookeb' chi ra'lenk xik'anel xul; ab'an a'eb' chik li winq neke'xluktesi xch'ooleb'.

Salmos 64:8

Ab'an li Yos xkutuk chi simaj ut chi junpaat xe'tiq'e'k sa' xjunxaqalileb';

Salmos 35:20

Maawa' li tuqtuukil usilal yookeb' chi xyeeb'al; a' b'an li b'alaq'il yookeb' chi xyoob'ankil reheb' li tuulaneb' sa' qatenamit;

Proverbios 25:18

Li naxq'ab'a li ramiiw, a'an chanchan li t'ojleb', li q'esnal ch'iich' ut li simaj jutz' ru'uj.

Jeremías 9:4

Li junjunq chixkolaq rib' chiru li ras riitz'in, chi moko chixk'ojob' xch'ool chirix li ramiiw, xb'aan naq eb' li ras riitz'ineb' rib' neke'b'alaq'ik ut chixjunileb' li amiiw junes q'ab'ank neke'xb'aanu.

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

Salmos 12:3

Ka'aj chik tik'ti' naxye li junjunq re li ras riitz'in, neke'q'unb'esink rik'in xchaq'alil ru aatin ut b'alaq'il.

Salmos 62:5

Junes xsachb'al inwankil nekek'oxla, ut rik'in li tik'ti' nasaho'k sa' eech'ool: sa' leere wank li usilaatinak, a'ut sa' leech'ool a' chik li maa'usilaatinak.

Jeremías 5:9

Ma ink'a' tab'i' tink'eheb' chi xtojb'al rix li maak a'an? Ma ink'a' tink'ajtesi ru li tenamit li jo'kan naxb'aanu? -chan li Qaawa'-.