Jeremías 9:26 - Q'eqchi Bible

²⁶ eb' laj Ejiipt, eb' laj Judá, eb' laj Edom, eb' laj Amón, eb' laj Mohab ut chixjunileb' laj Arabia li neke'xjo li xjolomeb' ut wankeb' sa' li chaqich'och'. Xb'aan naq chixjunileb' li tenamit a'in jo'wi' eb' laj Israel toj maak'a' li reetalil li Sumwank sa' li xch'ooleb'”.

Li Santil hu

²⁶ Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Jeremías 9:26 ပူးပေါင်းရင်းမြစ်များ

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Levítico 26:41

Jo'kan ajwi' laa'in tinxaqab' wib' chiruheb' ut tink'ameb' sa' xtenamiteb' li xik' neke'ilok reheb': aran taakub'eeq xwankil li xch'ooleb' ink'a' xk'ulumeb' li sirkunsisyon ut te'xtoj rix li xmaakeb'.

Ezequiel 44:7

Laa'ex nekeroksi eb' laj ab'l tenamit, li ink'a' xb'aanuhomeb' li sirkunsisyon, li maak'a' reetalil linsumwank sa' li xch'ooleb' chi moko sa' li xtz'ejwaleb', re naq te'wanq sa' linsantil ochoch. Laa'ex nekemux xloq'al naq nekeyeechi'i we lintzekemq, a' li xxeeb'ul ut li xkik'el li mayej, ut nekesach xwankil linsumwank rik'in xb'aanunkil chixjunil li maa'usilal a'in.

Hechos 7:51

“Q'axal kaw leejolom, xjipo'k leech'ool jo'wi' leexik -chan laj Esteban-. Laa'ex junelik nekeq'etq'eti eerib' chiru li Santil Musiq'ej! Jo'eb' leena' leeyuwa', jo'kanex ajwi' laa'ex!

Jeremías 49:32

Elq'ahomaq eb' li xkameey ut eechanihomaq chixjunil li xketomqeb'. Sa' xkaaxukuutil li ruuchich'och', tincha'cha'i chixjunileb' li neke'xjo li xjolomeb' ut yalaq b'ar tink'am chaq li rahilal sa' xb'eeneb' -chan li Qaawa'-.

Ezequiel 44:9

“Jo'kan naq laa'in, li Qaawa', ninye chi jo'ka'in: Maajun aj jalan tenamit li maak'a' reetalil linsumwank sa' li xch'ool chi moko sa' li xtz'ejwal taa'ok sa' linloq'laj ochoch, chi moko eb' laj ab'l tenamit li wankeb' sa' xyanqeb' laj Israel.

Deuteronomio 30:6

Li Qaawa' laaYos tixk'e reetalil li Sumwank sa' laach'ool ut sa' xch'ooleb' laawalal aak'ajol, re naq taara li Qaawa' laaYos chi anchal aach'ool ut chi anchal aawaanm ut wanq aayu'am chi junelik.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Jeremías 6:10

Ut laa'in kinye: “Ani taa'ab'inq we, at Qaawa'? Ani twaatinaheb' re xyeeb'al li esilal a'in? Tz'aptz'ookeb' li xxik ut ink'a' neke'ab'ink; neke'xse'e laawaatin ut ink'a' nawulak chiruheb'.

Jeremías 10:1

Ex ralal xk'ajol laj Israel, ab'ihomaq li ok re chi xyeeb'al eere li Qaawa'.

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Ezequiel 31:18

Maajun reheb' li che' ke'wank sa' li xsahil na'aj li Yos kiruhank xjuntaq'eetankil wi' rik'in li xloq'al ut li xteram li yaw a'an. Ab'anan taakute'q ajwi' a'an sa' li xb'alb'a, rochb'eeneb' li che' ke'wank sa' li xsahil na'aj li Yos, ut taawanq sa' xyanqeb' li maawa'eb' aj paab'anel, rik'ineb' li ke'kamsiik sa' li raaxiik'. «Li che' a'in, a'an laj Parahón jo'wi' chixjunileb' li xpoyanamil», chan li Qaawa'”.

Ezequiel 32:19

Ma q'axal ch'ina'usat tab'i' sa' xyanqeb' li poyanam? Kub'en ut kanaaqat aran, sa' xyanqeb' li maak'a'eb' xpaab'aal».