Jeremías 9:25 - Q'eqchi Bible

²⁵ Xyehom li Qaawa': “Chalk re xkutankil naq tink'ajtesi ruheb' chixjunil li tenamit li xk'ulumeb' li sirkunsisyon ka'ajwi' sa' li xjunxaqalileb':

Li Santil hu

²⁵ Li Ka̱cuaꞌ quixye: —Ta̱cuulak xkꞌehil nak la̱in tinqꞌueheb chixtojbal xma̱queb li tenamit li moco ti̱queb ta xchꞌo̱l usta queꞌxcꞌul li circuncisión, usta incꞌaꞌ.

Jeremías 9:25 ပူးပေါင်းရင်းမြစ်များ

Amós 3:2

“Ka'ajwi' laa'ex xinsik' eeru sa' xyanqeb' chixjunileb' li tenamit sa' ruuchich'och'. Jo'kan naq texink'e chi xtojb'al rix leek'iila maak”.

Ezequiel 28:10

Tatkamq sa' ruq'eb' laj ab'l tenamit, jo' naq nakamk li ink'a' napaab'ank we. Laa'in, li Qaawa', xinyehok re a'in»”.

Romanos 2:28

Li wank cho'q aj judiiy maawa' ka'ajwi' re xk'utb'al rib'; jo'kan ajwi' li tz'aqal sirkunsisyon maawa' li nak'utunk sa' li tz'ejwalej.

Romanos 2:29

Li tz'aqal aj judiiy ak a'an ajwi' chaq sa' li xch'ool, ut li tz'aqal sirkunsisyon a'an li na'uxk sa' li ch'oolej, a' li uxb'il xb'aan li Musiq'ej ut ink'a' yal xb'aan xpaab'ankil junaq chaq'rab'. Li tz'aqal aj judiiy a'an li nanimaak ru xb'aan li Yos ut ink'a' xb'aaneb' li tenamit.

Levítico 26:41

Jo'kan ajwi' laa'in tinxaqab' wib' chiruheb' ut tink'ameb' sa' xtenamiteb' li xik' neke'ilok reheb': aran taakub'eeq xwankil li xch'ooleb' ink'a' xk'ulumeb' li sirkunsisyon ut te'xtoj rix li xmaakeb'.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Ezequiel 31:18

Maajun reheb' li che' ke'wank sa' li xsahil na'aj li Yos kiruhank xjuntaq'eetankil wi' rik'in li xloq'al ut li xteram li yaw a'an. Ab'anan taakute'q ajwi' a'an sa' li xb'alb'a, rochb'eeneb' li che' ke'wank sa' li xsahil na'aj li Yos, ut taawanq sa' xyanqeb' li maawa'eb' aj paab'anel, rik'ineb' li ke'kamsiik sa' li raaxiik'. «Li che' a'in, a'an laj Parahón jo'wi' chixjunileb' li xpoyanamil», chan li Qaawa'”.

Levítico 19:27

“Meeb'es leerismal chi sursu chi moko cheset ru'uj leemach.

Jeremías 25:23

eb' li xteepalileb' laj Dedán, eb' laj Temá, eb' laj Bus ut chixjunileb' li neke'xjo li xjolomeb';

Jeremías 49:32

Elq'ahomaq eb' li xkameey ut eechanihomaq chixjunil li xketomqeb'. Sa' xkaaxukuutil li ruuchich'och', tincha'cha'i chixjunileb' li neke'xjo li xjolomeb' ut yalaq b'ar tink'am chaq li rahilal sa' xb'eeneb' -chan li Qaawa'-.

Ezequiel 44:7

Laa'ex nekeroksi eb' laj ab'l tenamit, li ink'a' xb'aanuhomeb' li sirkunsisyon, li maak'a' reetalil linsumwank sa' li xch'ooleb' chi moko sa' li xtz'ejwaleb', re naq te'wanq sa' linsantil ochoch. Laa'ex nekemux xloq'al naq nekeyeechi'i we lintzekemq, a' li xxeeb'ul ut li xkik'el li mayej, ut nekesach xwankil linsumwank rik'in xb'aanunkil chixjunil li maa'usilal a'in.