Jeremías 9:23 - Q'eqchi Bible

²³ Jo'ka'in kixye li Qaawa': “Mixk'e xloq'al xjunes rib' li wank xna'leb' sa' xk'ab'a' naq wank xna'leb', chi moko chixnima rib' li wank xwankil, chi moko li b'ihom sa' xk'ab'a' li xb'ihomal.

Li Santil hu

²³ Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Jeremías 9:23 ပူးပေါင်းရင်းမြစ်များ

Isaías 5:21

Ra chaalel sa' eeb'een li nekeye naq wank eena'leb' ut nekek'oxla naq seeb' leech'ool.

Eclesiastés 9:11

Wank jun chik xwil laa'in sa' ruuchich'och': naq maawa' li jwal seeb'eb' neke'eechanink re li maatan sa' li aanilak, chi moko li q'axal kaweb' rib' neke'q'axok u sa' li yalok. Wan naq li wankeb' xna'leb' ink'a' neke'xtaw xtzekemqeb'; wan naq li seeb'eb' xk'a'uxl ink'a' neke'b'ihomo'k, ut eb' li tzolb'ileb' chi us ink'a' neke'k'ule'k chi chaab'il. Xb'aan naq xtaw xhonal xk'ulb'al li ch'a'ajkilal cho'q reheb'.

Romanos 1:22

Ke'xye rib' naq wankeb' xna'leb', ab'anan ke'kanaak chi maak'a'eb' xna'leb',

Ezequiel 7:19

Te'xpaji li plaat sa'eb' li b'e ut te'xkuti li oor jo' tawi' li mul. Li oor ut li plaat li wank rik'ineb', ink'a' te'kole'q xb'aan sa' xkutankil xjosq'il li Qaawa'. Ink'a' tixkotz li xtz'okajikeb' chi moko tixk'ojob' li xch'ooleb', xb'aan naq li b'ihomal xk'amok reheb' chi maakob'k.

Proverbios 11:4

Li b'ihomal maak'a' na'ok wi' sa' xkutankil li raqok aatin; ka'ajwi' li tiikilal nakolok chiru li kamk.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Salmos 62:10

Jun apunk ajwi' li xyu'ameb' li poyanam, eb' li b'ihom jo' ajwi' eb' li neb'a'. Wi ta te'b'ise'q chixjunileb' sa' xb'een li peex, moko aaleb' ta raj chiru li sib'.

Deuteronomio 8:17

Maaye sa' laawaanm: «Rik'in linmetz'ew ut xkawilal li woq wuq' xintaw li b'ihomal a'in».

1 Timoteo 6:10

Xb'aan naq li xxe' chixjunil li maa'usilal a'an li xrahinkil ru li tumin. Wankeb' xkoheb' xch'ool chirix a'an; jo'kan naq xe'elk sa' li paab'aal, ut xiikil li rahilal xe'tawasiik wi'.

San Marcos 10:24

Eb' li xtzolom naq ke'rab'i eb' li aatin a'in, sachsookeb' xch'ool ke'kanaak. Ab'an li Jesus ki'ok wi' chik chi aatinak ut kixye reheb': —Ex walal ink'ajol, k'ajo' xch'a'ajkil li ok sa' li xnimajwal awab'ejihom li Yos!

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Ezequiel 29:9

Nakirirnak ut po'lem chik tatkanaaq, ut chixjunileb' te'xnaw naq laa'in li Qaawa'. We li nima' Nilo, laa'in kinyiib'ank re, chankat.

Isaías 10:8

Xb'aan naq naxye sa' xch'ool: «Ma ink'a' tab'i' awab'ejeb' chixjunileb' li wankeb' rub'el linwankil?

Eclesiastés 2:19

Ani ta nanawok re, ma wanq xna'leb' malaj ut ink'a'? Ut rehaq a'an chixjunil li xintawasi wi' wib', a' li xinb'aanu rik'in xseeb'al ink'a'uxl. Relik chi yaal naq a'in ajwi' maak'a' rajb'al.

1 Samuel 17:42

Naq laj Filistea kiril laj David ut kixk'e reetal naq toj saaj al, q'anq'an rismal ut ch'ina'us na'ilok, kixtz'eqtaana

Daniel 3:15

Anaqwan naq teerab'i chi yaab'asiik li pur, li xolb', li kitaar, li aarp, li tzojtzoj, li tun ut chixjunil li k'iila paay chi wajb', ma teeb'uchub' eerib' chi xloq'oninkil ru li jalam u oor li xink'e chi yiib'aak? Xb'aan naq wi ink'a' teeloq'oni ru, sa' junpaat texkute'q sa' li xam li k'ajo' xtiqwal; toja' naq k'a' chik chi yosil taakoloq eere sa' wuq'?”, chan li awab'ej.

1 Corintios 1:31

re naq, kama' tz'iib'anb'il sa' li Santil Hu: “Ani taaraj xnimob'resinkil rib', chixnimaaq rib' sa' xk'ab'a' li Qaawa'”.

Filipenses 3:8

A wi' chik a'in: chiwu laa'in chixjunil li k'a'aq re ru maak'a' na'ok wi' sa' xk'ab'a' li xnimal xloq'al xnawb'al ru li Kristo Jesus, linQaawa'. Sa' xk'ab'a' a'an xintz'eq chirix inch'ool chixjunil li k'a'aq re ru ut yal mul aj chik naq nawil, re naq tweechani li Kriist

Filipenses 3:10

Nawaj xnawb'al ru li Kriist ut li xwankil li xwaklijik chi yo'yo, nawaj ajwi' tz'aqonk sa'eb' li xrahilal: chi jo'kan, juntaq'eetanb'ilaqin rik'in A'an sa' li xkamik,

Li xHu LAJ JOB 32:13

Meeye anaqwan: “Laa'o ak xqataw li choxahil na'leb': a' li Qaawa' taasumenq re li raatin laj Job, maawa' junaq winq”.

Proverbios 3:5

K'ojk'ooq aach'ool rik'in li Yos chi junelik, ut maawa' rik'in laak'a'uxl laana'leb'.

Proverbios 21:30

Chiru li Qaawa' maak'a' na'ok wi' li chaab'il na'leb', li seeb'al k'a'uxej ut li na'leb'ak.

Isaías 20:5

Eb' li poyanam te'sachq xch'ool ut te'xutaanaq xb'aaneb' laj Etiopía, li royb'enihomeb', ut xb'aaneb' laj Ejiipt, li xkawub' raj xch'ooleb'.

Isaías 47:10

Jwal xak'ojob' aach'ool sa' laamaa'usilal ut xaye: «Maajun na'ilok we», chankat. Laana'leb' ut laanawom xe'b'alaq'ink aawe. Xaye ajwi' sa' laach'ool: «Ka'ajin wi' ut maak'a' chik junaq jo' laa'in».

Jeremías 48:7

“At Mohab, laa'at xak'ojob' laach'ool rik'in laab'ihomal ut laab'aanuhom, ab'anan tat-eechaniiq ajwi' laa'at. Laj Kamós, laayos, taak'ame'q chi preexil rochb'eeneb' laj tij ut li xninqaleb' ru winq.

Jeremías 49:4

K'a'ut naq nakanima aawankil rik'in laachaab'il ch'och', at q'etq'etil tenamit? K'a'ut naq nakakawu aach'ool chirix laab'ihomal, ut nakaye: “Ani taaruuq chi yalok wik'in?”, chankat.

Li xHu LAJ JOB 41:15

Makach'in xkawilal li rix, chanchan xkawil li ch'iich'; tz'aptz'o ru jo' li pek:

Salmos 33:5

A'an q'axal naxra li tiikil ch'oolej ut li yaal; nujenaq li ruuchich'och' rik'in xrahom li Yos.

Salmos 34:3

Laa'in ninnima wib' sa' xk'ab'a' li Qaawa': ab'ihomaq laa'ex li neb'a' ut chisaho'q sa' eech'ool!

Salmos 44:9

At Qaawa', junelik tqanima qib' sa' laak'ab'a', kok'aq xsa' tatqaninq'ehi ut tooyoxinq chawu.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Jeremías 48:14

“K'a'ut naq nekeye laa'ex aj Mohab: «Kaw qib' ut k'ajo' xnimal li qametz'ew chi yalok»?

Miqueas 6:8

At winq, at ixq, ak yeeb'il aawe li k'aru us xb'aanunkil, a' li nawulak chiru li Qaawa' naq taab'aanu: ka'ajwi' xb'aanunkil li tiikilal, xk'eeb'al aach'ool chi rahok ut taakub'si laawankil chiru laaYos.