Jeremías 9:21 - Q'eqchi Bible

²¹ “Li kamk x'ok sa'eb' li qab'entaan, xwulak toj sa' li qachaq'alil ru ochoch. Xkamsiheb' li kok'al sa'atqeb' li b'e, ut sa'eb' li k'ayiil xe'kamsiik eb' li saaj al.

Li Santil hu

²¹ Li ca̱mc xchal saꞌ kabe̱n. Chanchan nak x-oc saꞌ li kaventana. Chanchan nak x-oc saꞌ eb li cab li cauresinbil chi us re takacol cuiꞌ kib. Queꞌcamsi̱c li cocꞌal saꞌ be ut queꞌcamsi̱c li cui̱nk li toj sa̱jeb saꞌ eb li cꞌayiba̱l.

Jeremías 9:21 ပူးပေါင်းရင်းမြစ်များ

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

Jeremías 15:7

Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

2 Crónicas 36:17

Toja' naq li Qaawa' kixtaqla chaq li awab'ej re Kaldeha chi yalok rik'ineb' laj Judá. Ut a'an kixkamsiheb' chi ch'iich' eb' li kaweb' rib', sa' rochoch li Yos, ut ink'a' kiril xtoq'ob'aal ruheb' li saaj winq, eb' li tuq'ixq, eb' li cheekel winq chi moko eb' li saq aj chik rismal xjolomeb': chixjunileb' ke'q'axtesiik xb'aan li Qaawa' sa' ruq'eb' laj Kaldeha.

Isaías 40:30

Neke'tawaak ut neke'lub'k eb' li saaj winq, neke'lub'k ut neke't'ane'k eb' li kaweb' rib';

Jeremías 6:21

Jo'ka'in kixye we li Qaawa': “Tink'e xt'anleb'aal li tenamit a'in sa' li xb'e re naq te'tichk'oq ut te't'ane'q. Li na'b'ej yuwa'b'ej rochb'eeneb' li ralal xk'ajol, eb' li rechkab'al ut eb' li ramiiw, tik te'oso'q chixjunileb'”.

Jeremías 18:21

Ab'an anaqwan, at Qaawa', kanab'eb' chi kamk eb' li ralal xk'ajoleb' xb'aan li we'ej malaj chi q'esnal ch'iich'; kanaaqeb' li rixaqil chi xmalka'anil ixq ut maajunaq chik ralal xk'ajoleb'. Eb' li b'eelomej kamqeb' xb'aan li raxkamk ut eb' li saaj winq che'kamsiiq chi q'esnal ch'iich' sa' li yalok.

Jeremías 44:7

«Jo'kan utan, laa'in li Nimajwal Yos, li xYos laj Israel, ninye chi jo'ka'in: K'a'ut naq nekeb'oq li nimla rahilal a'in sa' eeb'een? K'a'ut naq nekek'e chi kamk chixjunileb' laj Judá, eb' li winq ut eb' li ixq, eb' li saaj al ut eb' li k'uula'al, toj reetal naq maajun chik eere tkanaaq?

Jeremías 50:30

Jo'kan naq eb' li xsaaj al te'kamsiiq sa'atqeb' li b'e ut chixjunileb' laj puub' te'kamq sa' li kutan a'an”, chan li Qaawa'.

Joel 2:9

Xe'xkut rib' sa' xb'een li tenamit, xe'taqje'k sa' xb'eeneb' li suttz'ak ut xe'okje'k sa'eb' li b'entaan jo'keb' aj elq', re te'wulaq toj sa'atqeb' li ochoch.

Amós 6:9

Ut wi toj te'kanaaq lajeeb' chi winq sa' junaq chi ochoch, te'kamq ajwi' eb' a'an.

Jeremías 7:33

Ut li xtib'eleb' li te'kamq taatiwe'q xb'aaneb' li so'sol jo'wi' eb' li josq' aj xul, ut maajun taaxib'enq reheb'.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Amós 5:2

Israel chanchan jun tuq'ixq kamenaq; xt'ane'k ut ink'a' chik naru chi wakliik. Jiljo chiru ch'och' xkanaak ut maajun nawaklesink re.

Sofonías 1:17

Jo'ka'in xye li Qaawa': “Tinrahob'tesi xch'ooleb' li poyanam ut te'b'eeq sa' mutz'il, xb'aan naq xe'maakob'k chiwu. Taahoye'q li xkik'eleb' jo' li pojtz', ut li xtib'eleb' kama'aq aj chik li k'ot”.