Jeremías 8:9 - Q'eqchi Bible

⁹ Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Li Santil hu

⁹ Teꞌcꞌutekꞌ xxuta̱neb li cuanqueb xnaꞌleb. Teꞌsachk xnaꞌlebeb ut incꞌaꞌ chic teꞌxnau cꞌaꞌru teꞌxba̱nu. Queꞌxtzꞌekta̱na li cua̱tin. ¿Ma cuan ta biꞌ chic xnaꞌlebeb anakcuan eb aꞌan?

Jeremías 8:9 ပူးပေါင်းရင်းမြစ်များ

Jeremías 6:15

Tento raj xe'xutaanak b'ayaq chi xb'aanunkil li jo'maajo'il na'leb', ab'anan maak'a' xxutaaneb' chi moko xe'kaqo'k kach'inaq xb'aaneb' li xb'aanuhom. Jo'kan naq te'tichk'oq ut te't'ane'q jo'eb' li junch'ol chik, naq taawulaq xkutankil li xrahob'tesinkileb'”, chan li Qaawa' Yos.

Li xHu LAJ JOB 5:12

Naxjuk' li xk'uub'ahom li ink'a' useb' xna'leb', re naq ink'a' us te'elq sa' li xb'aanuhom.

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Isaías 19:11

Relik chi yaal naq maak'a' xna'leb'eb' laj k'amol b'e re Sohán, ut eb' laj k'ehol xna'leb' laj Parahón maak'a' neke'ok wi'. Chan put ru naq nekeye re laj Parahón: “Ralal xk'ajolo eb' li wankeb' xna'leb', ralal xk'ajolo eb' li awab'ej ke'wank chaq najter”?

Salmos 19:7

Sa' xmaril li choxa wank li releb'aal ut nokox'elq toj junpak'al chik: maak'a' naru tixmuq rib' chiru li xtiqwal.

Deuteronomio 4:6

Paab'omaq ut k'anjelahomaq ru, xb'aan naq a'an leechoxahil na'leb' ut leeseeb'al k'a'uxl chiruheb' li tenamit. Naq eb' a'in te'rab'i resil chixjunil li chaq'rab' a'in, te'xye: «Yaal naq li nimla tenamit a'in wank xchoxahil na'leb' ut xseeb'al xk'a'uxl», cha'qeb'.

2 Timoteo 3:15

Jo'kan ajwi' jultikaq aawe naq chalen chaq sa' laakach'inal nakanaw xsa' li Santil Hu. A'an wank xwankil re xk'eeb'al aana'leb' li nak'amok sa' li kolb'a ib' sa' xk'ab'a' xpaab'ankil li Kristo Jesus.

Ezequiel 7:26

Junes raaxiik' ut resil li rahilal taachalq. Te'patz'oq moy u re li propeet, ab'anan yal maak'a'aq rajb'al; li chaq'rab' taasachq sa' xch'ooleb' laj tij, ut eb' li cheekel winq maak'a'aq chik xna'leb'eb'.

Jeremías 49:7

Jo'ka'in kixye li Nimajwal Yos chirixeb' laj Edom: “Ma maak'a' chik li chaab'il na'leb' aran Temán? Ma x'oso'k li seeb'al k'a'uxl rik'ineb' li wankeb' xna'leb'? Ma xsachk tab'i' li chaab'il na'leb'?

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

2 Reyes 17:15

Ke'xtz'eqtaana li xchaq'rab' ut li xsumwank li Qaawa' li kixk'ojob' rik'ineb' li xxe'toonil yuwa'eb'. Ke'xq'et li teneb'anb'il sa' xb'eeneb' ut koheb' chirixeb' li yos li maak'a' neke'ok wi'. Jo'kan naq ke'kanaak chi maak'a' neke'ok wi' ut ke'xk'anasi eb' li tenamit wankeb' chi xsutameb', us ta yeeb'il reheb' xb'aan li Qaawa' naq ink'a' te'xb'aanu jo' eb' a'an.

Isaías 29:14

Jo'kan naq toj yooqin xb'aanunkil xninqal eetalil ut sachb'ach'oolej rik'in li tenamit a'in. Taapo'q li xna'leb'eb' li wankeb' xna'leb' ut taasachq xk'a'uxl li seeb'eb' xch'ool”.

Jeremías 15:6

Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.

Amós 2:4

Jo'ka'in kixye li Qaawa': “Ak k'iila sut xinkuy xmaakeb' laj Judá ut anaqwan maak'a' chik xkuyb'al, xb'aan naq xe'xtz'eqtaana li xchaq'rab' li Qaawa' ut ink'a' xe'xpaab' li raatin. Xe'xk'e rib' chi b'alaq'iik xb'aaneb' li yal k'oxlanb'il yos, jo' ke'xb'aanu eb' li xmama' rixa'aneb'.

Zacarías 13:4

“Sa' li kutan a'an eb' li propeet te'xutaanaq chik chirix li te'ril sa' moy u, ut ink'a' chik te'b'alaq'inq rik'in xk'eeb'al li mutzuk ru aq'ej chirixeb'.

Li xHu LAJ JOB 5:13

Naxmemob'resi xk'a'uxeb' li seeb' xch'ooleb', ut naxjuk' xwankil li ink'a' us neke'xk'oxla.

Isaías 43:27

Xb'enwa kimaakob'k laaxe'toonil yuwa'; chirix chik a'an eb' laj k'amol aab'e ke'xq'etq'eti rib' chiwu.

Jeremías 2:8

Eb' laj tij maajun wa chik ke'xpatz' rib'eb': «B'ar wank li Qaawa'?». Eb' laj tzolol re lintenamit ink'a' ke'xnaw wu; eb' laj jolominel reheb' ke'xq'etq'eti rib' chiwu, ut eb' li propeet sa' xk'ab'a' chik laj Bahal ke'aatinak ut koheb' chirixeb' li jalanil yos li maak'a' neke'ok wi'.