Jeremías 8:7 - Q'eqchi Bible

⁷ Li nimla jotz sa' choxa naxnaw li xq'ehil li xsutq'ijik; li mukuy, li wilix ut li xpatux ha' neke'xnaw jo'q'e te'elq sa' li xna'ajeb'. Ab'an lintenamit ink'a' naxnaw li xchaq'rab' li Qaawa'.

Li Santil hu

⁷ Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.

Jeremías 8:7 ပူးပေါင်းရင်းမြစ်များ

Isaías 1:3

Li b'ooyx naxnaw ru laj eechal re, ut li b'uur naxnaw b'ar nachalk li xtzekemq. A'ut laj Israel maak'a' naxnaw, maak'a' xna'leb' lintenamit”.

Isaías 5:12

Junes aarp, kitaar, tzojtzoj, xolb' ut b'iin nawank junelik sa' li xninq'eheb'; ab'anan ink'a' neke'ril li xb'aanuhom li Qaawa', chi moko neke'xk'e reetal li xk'anjel li Yos.

Cantares 2:12

“Ak wankeb' li uutz'u'uj sa'eb' li tzuultaq'a, xwulak xq'ehil li b'ichank ut li xyaab' li mukuy na'ab'imank sa' li qana'aj.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Zacarías 5:9

Kintaqsi wi' chik li wilob'aal, ut sa' moy u kiwil wiib'eb' li ixq wankeb' xxik' ut yookeb' chi rupupik chiru choxa. Li xxik'eb' a'an jo' xxik'eb' li nimla jotz. Ut yookeb' chi xk'amb'al li chakach sa' iq'.

Jeremías 4:22

“Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Jeremías 5:6

Jo'kan naq te'kamsiiq xb'aaneb' li kaqkoj sa' k'iche' ut eb' laj xojb' te't'upinq reheb' sa' li chaqich'och'; sutsuuq li xtenamiteb' xb'aaneb' li hix, ut jo'k'ihaleb' li te'elq sa' li tenamit, te'putz'iiq. Xb'aan naq numtajenaq li maak xe'xb'aanu ut k'iila wa xe'xtz'eqtaana li Qaawa'.

Habacuc 1:4

Ink'a' napaab'aak li chaq'rab' ut ink'a' chik na'uxmank li tiikilal. Li ink'a' us xna'leb' naxch'i'ch'i'i li tiik xch'ool ut naxjal xyaalal li k'ulub'ej.